حطام 💔مكتملة💔

💔180💔

🔥حُطـــــــــــــام🔥
💫الطــــــريق للنهايـــــة💫
#180
كلمة ولادنا خلاتو يضغط على كشرها بشوية تا تآوهات:قلتي ولادنا امارية ولادنااا..وبغيتي تحرميهم يعيشو معانا بجوج..تيتميهم وانا حي امارية
ماررية حطات يديها لي على يديه وبغات تبعدها لكن هو شقلبها وخلاها تعطيه بالضهر باش يجي ضهرها لاصق فصدرو منزل راسو على كتاففها ورجع خشا يديه تحت تريكوو:واش كان كيحساب ليك انطلقك بلا مانعرف شنو متحت راسك دوييي...كيحساب لك ماكنتش انعرف راك حاملة ..
مارية:رخيي مني اوليد
وليد:تانفهم نتييي شنو باغة تانعرف نتيي كيف دايرة .واش ع عندك قلب واا شي حاجة خرا ماكايناش ..حيت تنا بصاح مابقيتش فاهمك واش باغاني ولا كارهاني ولا شنو 
مارية نطقات:بغيتي تعرف شنو باغة
وليد همس ليها:ياريث.
مارية :بغيت لفراق
غمض عنيه على كلامها كان عندو امل تبدل كلامها..ولا تصدمو بشي حاجة خرا وتقلل من عنادها ووقول لي فقلبها  نطق قدام ودنيها:نسيت انه هادي مارية ماشي شي وحدة خرا..شكا نتسنى من مارية
حسات بيديه ترخفو عليها وبعد راجع باللور بقات واقفة ماتحركاتش حتى كتسمع كلامو:ولادي امارية ماغاتفرقني عليهم غا الموت كيف قلتي نهار نبغي نشوفهم انشوفهم..ونتي عتابري راسك مطلقة
ضارت لعندو كتشوف فيه وهي مصدومة ..لبس قاميجتو كيتقاتل معاها وكيصد فصدايف وحواجبو ظقوصين وملاميحو معقودين عكس كيف شافتو فاش حلات عنيها بلعات ريقها وهي كتسمع كلامو تاني:اترجعي للمغرب ونتي مطلقة علامن توصلك ورقتك دطلاق انا انبقة برى هاد الدار ..غنحاول كلشي يوجد.دغيا كوني هانية
وزاد مع طريق حل لباب وخرج وزدحها من موراه بالجهد تا قفزااات وهي حاطة يديها على قلبها ..بقات كتشوف ظع جنابها هاي تاني كتكفي ليه فرحتوو من اول يوم خرج من الحبس نكداتها علييه...بلعات ريقهاا صافي ايطلقووو..شافت فشالها هزاتو ولواتو على شعرها وكلات لباب وخرجات كتجري نازلة فدروج شافت كلشي واقف مافاهمين والو وهو خرج مع لباب زادحهاا من مورااه
وصلات لوسط صالة ماعارفاش اش دير
ليالي:شنو واقع عاد وهو مزيان
آدم خرج داك ساع تبعووو
الحاجة:قوليلي اش درتي لييه تانييي
وقربات ليها :شنووووو علاش ديما منكداها علييييه شنو باغة منو واش باغة تقتليييه ..حرام عليييك راه حفيدي هداك هو لي بقة ليا  شنوو درتي لييه شنوووو
مارية بلغوااات:طلااااااق الحاااجة طلاااااااااق راه انااا كتررر منكم ماعارفااش ماليي ولا شنو باغة لي عارفاه هو اني غييت من هدشي عييت الحاجة بغيت نبعد ونتهنىى بغيت طلااق
وسكتات وهي كتلهت وكملات:دلبت طلاق وكنحس بالنار فقلبييي علاااش وانا هدشي لي باغة من لول علااااش كنحس بقلبي كيضرنيي علاش

صافي عياات تكات على الحيط وهي كتلهت
بقاو غير كيشوفو فيها لثواني
حتى كتقرب ليها الحاجة شدات ليها فيديها واول مرة اتدوي معاها بهدوء:مارية حفيدي  اخد بلاصة باه فقلبي ماكانبغيش نشوفو هكا وتي حاجة درتها معاك غير من خوفي عليه ماشي حيت كنكرهك ...اناوعارفة حفيدي مزيان هدشي لي كيديرو معاك عمرو دارو ختى مع مراتو لي كان يحساب لينا كيبغيها عمرو صبر علبها فاش كترفع صوتها عليه ولا ديى شي حاحة بلا شورو ..حفيدي كيبغيك  امارية ونتي كتعدبيه وأنا مابغيتش نشوفو هاكا
سكتات وكملات وهي متزير على يديها:لا كان فقلبك من حيهتو ولو شوية حب او معزة انا كنطلبك وكنترجاك ماتغبنيهش بهاد الطلاق ورحعي معاه اما لا كنتي كتكرهيه سيري هناك الله يموت ولا يعيش مع وحدة كتكرهو
مارؤة بقات غير كتشوف فيها
الحاجة:كان عينيك فيه تبعيه وماتخليهش يعدب
بقات كتشجعها بعنيها ..مارية قادات شابها ومشات نيشان حلات الباب وخرجات كتجري ماشافتش طموبيلتو تنهدات ومشات كتقلب على الشيفور وقفات كتشوف يمين وشمال حتى كتحس بشي حرمة من موراها ضارت داك الساع وهي تصدم   كتشوف تيريزا قدامها وفحالتها كيف دايرة
تيريزا:يحساب لك انخليه لييك لااااا وليد ديالييي ونتي لي لي فكريقنا
مارية:تيريزا ماناقصاش فريع الراس سيري من لهنا
جا الشيفور وؤجال وليد كيجريو قبل يوصلو لنارية كانت تيريزا جبدات سلاح وموجهاه لمارية:بغيتوها تموت قربو ليها ادن
مارية :تيريزا شكا ديريي
تيريزا:خاص تموتي باش وليد يولي لياا مايمكنش نخسر كلشي مااايمكنننننننننش
فهاد اللحضة واحد من رجال وليد صيفط ليه ميسااج
كان سايك ومعاه آدم مامايدوي ماكايتكلم كافي الضو ومعصب حتى كيوصلو ميساج طلع عليه بالخف حتى ميوقف الطموبيل بالجهد
آدم:شوااقع
ولبد:هادي تيريزاااا مع مارية
آدم فهم لبلان داك ساع وليد ديمارا فتحاه لاخور للفلة ...كانو قراب دقايق ووصلو نزل كيجري وهو كيشوف تيريزا من لبعيد وسلاح فيديها هازاه فاتجاه مارية ..وقف عليهم وهي تغووت:ماااتقربببش لييييييها ولا انقتلهااا
وتيرات فالارض:جااي تنقدهاا زعمة
ويدات كتبكيي:لحتينييي وخليتيني اوليد على قبلهااا باش حسن منييي هيي هضضر بااااش
حطات يديها على كرشها:ااه حيت هي حاملة منك وانا لاااا ..كون صبرتي شوية كنت تانا انحمل ونجيب لك ولد.
وشافت فمارية:ولكن انااا غادي نقتلعا هي وهاد اولد
وليد غوت:ويااااااااااااك اتيريزااا واياااااك ديريهاا
غوتااات:أنديييرهاااا انديرهااااا وانتنى منهاااااا
وليد كيشوف فيها عارف لا قرب لمارية اتضرب برصاص وقبل يوصل لمارية اتكون لقرطاصة  صلات ليها
مارية :سمعينييي انا وياه انطلقووو وماغانبقاوش بجوج
تيريزا باغوات:سكتييييييي سكتييييييي كتكدبيييي نتييي خااص تمووووتييي باش نتهناااا منك موتيييييييييي
وليد :تيريزااا حبسييي هدشييي راه واخة تقتليها عمريي نكون معاااك
بدات كتبكي تانيي:وعلاااش مابغيتينش شنو ناقصني ياك عاونتك تاوصلتي لداكشي لي باغي بسبابي بابا نتاحر شنو بغيتي مازال ندير لك ..مارية هي لي واقفة فطريقنا
مارية كتبلع فريقها وكتشوف فداك سلاح
واحد من الحرس:وش نعيكو للبوليس
وليد:لااا تا واحد مايتدخل
تيريزا تبسمات:خفتي عليا ياااك
هز راسو باه وهو كيقرب ليها:اه ماتخركيش اتيريزا خليني ناخد سلاح
زادت بتاسمات:أول مرةةاتخاف عليااا
زاد قرب حتى كيتسمع صوت لقركااس مارية غوتااات :وليييييد
تيريزا داك رصاصة ضرباتها حدا رجليه:ماتقراااااابش باغي ضحك علياااااا يجوج كلمات
رجع باللور :صافيييي هنا بعدت  
شاف شي حد من موراها كان كريم كيدير ليه اشارة باش يلاهياا
وليد كيرحع باللور وفنفس الوقت كيقرب لمارية:انا ونارية انطلقو اتريزا
تيريزا :كتكددددب
كيشوف كريم قرب يوصل ليها:كنقسم ليك غادي نطلقوو
تيريزا:واش بصاااح
هز راسوو باه
يلاه اتدوي وهي تحس بشي يدين محاوطينهاا ..داك سااع بدات كتعنتت معاه وركات على زنااد وهي كتشوف ولييد كيجر مارية لعندوو ...عنقهااا وعطاها بالضهر...وتسمع صوت رصاص وطاح هو ومارية فالارض
وتيرزا رمات لفردي مصدوومة وكتغوت:ولييييييييد

خليو ارائكم فهاد الحريرة🥺