حطام 💔مكتملة💔

💔107💔

🔥حطام 🔥

🖤شرارة إنتقام 🔥

#107

هو دخل لبيتوو وقف حدا لمراية كيحل فصدافات الفميجة ويفكر فلي جاي حتى كيلمح طبعة دعكار تيريزاا...عاد عرف لاش كانت كتشوف تماك..حيد لقميجة ودخل لحمام ورماها فواحد سليلة تماك ديال زبل ..

تنهد ودخل للدوش دوش بما دافي ودماغو خداام كيفكر فكلشيي..المنضمة..باه...انتقامو..خدمتو..نارة مارية.الخطبة ديالوو.لماضيي..ولي جاي.كلشيي.كيشوف انه تا حاجة مامقادة فحياتو وبوحدو هاز هدشي كامل .حس بدماغو اينفاااجر..طفا داك الما وخرج لبس علييه باغي غير ينعس يريح دماغووو

جا نهاار جديد

كانت فلبالكون شافتو ركب فطوموبيل وكسيرا ومشاا
داك ساع دخلات للبيت دوزات شي نمرة حتى كيجاوبها:صيفتي داكشي
نكق:اه قبيلة شوية باش صيفت
مارية:صافي شكرا بزاف
قطعات ومشات عند نارة :حدجمعي حوايجك فشانطة مابقاش بزاف ونرجعو للمغرب
نارة بتاسمات فرحانة:بصاااح
مارية:ااه ولكن سكتي هدشي يبقة هنا
نارة بتردد:وهداك ايمشي معانا
مارية:شكون
نارة:وليد
.مارية:لاا غا بوحدنا
نارة هزات راسها باه ونزلات عنيها لنونوس لي حداها بلا تا كلمة

مارية جلسات كتفكر وتشوف فساعة ...

نارة قربات لعندها:ختي ليوم كنا انمشبو لطبيب عند ادام
مارية:ااه
نارة:غيمشي معانا وليد
مارية ميلات راسها:مااك مع هاد وليد ياك ماكاتبغيهش
نارة خافت من شوفاتها:غير سولت اختي
مارية:ماغانمشيو لا طبيب لا والو مايحتاجش انرجعو للمغرب وحياتنا اتولي كيف كانت
نارة:صافي واخة اختي.
ماريةجالسة وكتهز فرجليها باين عليها توتر:سيري جمعي حوايجك تلهاي فيهم

فجيهة خرا
لياليي فاقت مالقاتوش حداها خرجات من لبيت كتقلب عليه مالقاتوش كاع فدار دخلات للبيت لاخور عرفاتو بات تماك ..تنهدات كون غير عدرها ماشي ساهل عليها دغية تستسلم ليه :ياربيي شغا ندير بغيت حياتي تولي طبيعية تانا ونسا الماضي

دااز الوقت
كانت لعشية ..حاطة راسها على يديها وكتفرج فتلفازة
نارة:ختي مافطرتيش وماتغديتيش واش اتبقاي بجوع
مارية شافت فيها:مافيااش
نارة:وليد ماغايجيش
مارية تنهدات كتبلع فريقها:لا علاش
نارة:حنا انمشيو بحالنا بغيت نعطيه نونوس ديالو مابغيتش نديه
مارية:انخليوه هنا
نارة:واخة..واش ماغايجيش...
قاطعاتها بلغوااات:صافييي سكتييي بعدي منييي
نارة مشات كتجري خرجات للبالكون خوفاانة بقات كطل عليها من لبعيد
مارية رجعات شعرها للور نزلات يديها كتشوف فيها كيرجفوو ..سمعات شي كلاكسوون ماحساتش براسها تا كانت كطل من لبالكوون كان غا شيفور
بلعات ريقها وخرحات مشات للحمام كتغسل فوجها وتعااود:مالك امارية ياك نتي كنتي باغة هدشي من شحال هداا
هزات فوطة كتمسح فوجها وخرجات دارت شال فوق راسها وهبطات للتحت لقات لحاجة جالسة فصالة ولمصحف فيديها وكتقرا فلقرآن بصوت شبه مرتافع
مارية كتشوف الهدوء فدار ماكاين لا خبار لا والوو . مشات جلسات فوق لفوطوي فصالة لوخرا عاطية بالضهر للحاجة. رجعات راسها اللور وهي كتسمع صوتها كتجود فالقرآن بقات كتصنت ليها تا داتها عنيها على صوتهااا..شوية بشوية حسات بيه جلس حداها حلات عنيها وشافت فيه بالزربة:بااباااا
بتاسم ليها كيمسح ليها على وجها:بنتي مارية.نزلو دموعهااا:-باباا واش هدا نت ماكانحلمش
هز راسو بلا كيمسح ليها على راسها:لا ابنتي هدا اناا.
شدات ليه فيديه كتبكي:بابا سمحلي عفاااك بابا من نهار مشيتي مابقيتش مارية لي كتعرف ..بابا توحشتك بزاااف كون غا بقيتيي
كتبكيي وشادة ليه فديه..وهو مبتاسم:صافي ابنتي ماتبكيش مساامح لك ماينش شي واحد ماكايسمحش لولادو ..ولكن ابنتيي قلبك ماخايبش لدرجة تقتلي روح نتي ماشي هكاا ماكانش عليك ديريهاا ماربيتكش على هكااا
مارية بصوت باكي:هو دمر حياتي وحرمني منك
باها:ان الله غفور رحيم ابنتي وانا مان مكتاب ليا نموت..وبنتك نارة شنو دنبها تحرميها من باباها وتعيش داكشي لي عشتيه..اتحقد عليك اتكرهك رجعي مارية لي كنعرف ..مارية لي ربييت ابنتيي
مسحات دموعها بيديهاا وهزات راسها تشوف فيه مالقاتوش بدات كتعيط وتبكي:باباااا..بابااااا
حلات عنيها مخلووعة ودمووع نازليين:بابااااا
لقات الحاجة واقفة عند راسها وكتشوف فيها:مالكيي
مارية كتشوف مع جنابهاا:باباااا فين هوو كان هناا.
الحاجة تنهدات عرفاتها كانت كتحلم يلاه ادويي وهوما يسمعوو دقان بالجهد مشات ..الحاجة:اربي سلامة
مشات لخدامة حلات لباب ..دخلوو تلاتة لابسين كلشي كحل ومسلحين قلبهم مشا وجا
الحاجة بالانجلش:اش واقع.
واحد فيهم كيشوف فدار هنا ولهيه::وليد سردار فين هو.. ماجاش لدار
الحاجة:كيفاش . نهار كامل ما جا علاش.
شافو فبعضهم كيتهامسوو وخرجوو خلاوهم غا مصدومين والحاحة تابعاهم مخلوعة باغة تعرف اش واقع

مارية بقات واقفة كتشوف فلفاراغ وكتمتم بشوية:ايقتلووه..ايقتلوه
ماحسات براسها تا خواو بيها رجليها وطاحت على ركابيها..
قربات ليها لخدامة:يااك لاباس
هزات راسها بلا وناضت بالزربة طلعات لبيتهاا نيشان لطليفونها هزاتو ودوزات نمرتو لقات طليفون طافيي رجعات صونات نفس الشيي.. خرجات للبالكون حاسة بداتها كلها مترجف جلسات فوق لكرسي جامعة رجليها لعندها وكتمتم:اناا سباب انا سبااب