حطام 💔مكتملة💔

💔68💔

🔥حطام🔥
🖤شرارة انتقام🔥
#68

كااان جالس فبيتو قصاار مع وحدة حاطيين القراعيي والضحك كيتسمع حتال التحت

طالقين الموسيقى بصوت عالييي والدار فيها غير الخدم .. دار لي بغا عارف لوكاس وتيريزا مغيجيوش بكرييي

كرييم حيد ليها الكاس من يديها وطفا الكارو فالطفااية : نووضي كمليي خدمتك احبيبة

نااضت تاهي بلا اعترااض كتعض على شفايفها دفعاتو على الفوطوي وجلسات فوق رجلو كتتعوج علييها ودوز يديها على ذاتو وهو مطلوووق لييها حتا كيتحل عليييهم الباب بالجهد
داخل لووكااس معصب كيشوف فيهم بعيون حمرة : داااير ليا كبااريي فداااري الفااشل

كرييم شافو جمع الضحكة لي كانت من الوذن للوذن .. دفع ديك لي فوقو وناض كيلبس بينوارو

كريم : اشكاين عاود

لوكاس : لا والو غير هاد الشوهة لي داير لينا هنا
كريم : دايرها لراسي
لوكاس شاف فيه شوفات حاديين : جمع عليا هادشييي .. غداا عارض علينا وليد سردار للمزرعة ديالو صبح ناعس عوتانيي ..
دار خارج : تبعنيي للبرا دابااا

كريم ناض واقف مخيخ تبعو لقاه واقف حدا الباب : هاني

لوكااس : ااخر مرة نشووف هادشي فالدار لا تعاودات غتلقا راسك برا مصائبك طلعولي فراسي كبرتي وباقي مباغي دير عقلك .. زاد وخلااه

داز نهار وجا نهار جديد ..

فاقت يديها وعنقها ضارينها نااضت للطواليط كطل فالمراياا لقات عنقها زراق من القجة ديال البارح عضات على شفايفها بالفقايص ولي لقاااتها قدامها رجعات تتهرسها بعصبية وكتغوووت

ماريااا : مغتبقااااش فييييك اسردااار . 

وهي كتهرس وتغوت حتا كدق عليها نارة فالباب : ختي ختي مالك .  ختي جاوبيني عافاك شنو طرا لييك

ماريا غسلات وجهها وحاولات تبرد راسها باش متبينش ضعفها قدامهم .. خرجات لقات نارة دموعها فعينيها غير شافتها عنقاتها

نارة : ختي نتي لباس يااك

ماريا حركات ليها راسها باه : مطرا والو غير هبطي تفطري هاني جايا
وبعدات منها مشات كتبدل عليها مستقصدة تسيفطها باش دوز الابيل مع كريم .. هزات تيليفونها مدوزة الخط مدة .. حتى جاوبها

ماريا : فينك ..

كريم : صباح الخير .. عاد فقت

ماريا : واش باغي طلع مشروعك؟

كرييم : اييه ولكن ليوم عطلة حيت وليد عارضنا للمزرعة ضروري غتكوني تما نتلاقاو

ماريا كتسمع وعقلها خدام : قدامهم مكاينة هضرة
كريم تنهد كيمسح على شعرو : ندوز دابا
ماريا : تا نشوف شكاين ونسيفط ليك ميسااج
.. قطعو لابييل هبطاات للتحت لقاتهم كيفطرو كانو وليد والحاجة جالسين ونارة

شافتها الحاجة كحلات بالعما : هاهي عاوتانيي الغراب الكحل زارنا

ماريا جلسات فالطبلة بلاما تدوي مع تاحد كتفطر ممسوقاش كانو جلسيين حتا كيدخلو ليالي وادم للدار

وليد اليوم بالعشية غنمشيو للمزرعة مع عائلة لوكاس وغيكونو حتى آدم وليالي وجدو راسكم وناض وااقف كيمسح

ماريا دورات عينيها اذا عندها الوقت فين تلاقا كرييم خلات وليد حتا خرج وناضت مزروبة لبيتها .. الحاجة كانت رادة ليها البال وعرفاتها غتخرج تلاقا داك لي دوات معاه لباارح .. دارت فبالها بلي خاصها تعرف شكون عيطات على الخدامة جات عندها ودوات فودنيها : بقاي هنا حضي الباب فاش تبغي تخرج ديك اللفعة قوليهالي

الخدامة : ماريا الالة
الحاجة : اللفعة شكون غيرها . 

اما عند ماريا لي طلعات للبيت وسيفطات ميساج لكريم " جيي من ورايا دابا نتلاقاو فنفس البلاصة "
بقات زوج دقايق تا جاوبها " ربع ساعة ونوصل "

ناضت كتقاد حواجها كتستنا دوز ربع ساعة حتا كتهز صاكهاا فاش كتشوف التيلي كيصوني .. هبطات كتتسلت من الجردة ..
باش ميشوفها حد