حطام 💔مكتملة💔

💔149💔

🔥حُطـــــــــــــام🔥
🥀تَمـــــرُّد المَشاعـــــر🥀
#149

مارية بقات غير كتشوف فيه دقيقة وهو غا الصمت..رمشات عينها بالزربة:حيدلي هدشي
وليد:جاوبيني بعدة
ساطت بالجهد:قلت لك حيديلي هدشي وبعد عليا
وليد هز راسو باه وخدا طليفونو:ادن نلغيو هاد الزواج راه ماكنتفلاش امارية راه ما كايهمني والو
ودوز النمرة ديال تيريزا ماعندوش مشكل يخسر كلشي فهاد اللحضة ..كتسمع داك طيط ديال المكالمة ومارية كتشوف فيه..حتى جاوبات تيريزا:الو حياتي
وليد بحدة :سمعيني مزيان اتيريزا ودخلي هاد الهضرة فراسك
نيريزا قلبها مشا وحا من نبرة صوتو:شنو واقع
وليد:داك زواج....
دغية خطفات ليه الطليفون من يديه وقطعات:واااش حماااااااااق ادمر كلشييييي
بقة كيشوف فيها وهي كدوي:ما تبقاش تخلط شي مع شي
ميل راسو وبتاسم بتسامة خفيفة وقرب لوجها:سبق ليا وسمعت انه لمرا فاش كتغير ممكن تقتل هنا شفتها ليوم وجربتها امارية
خرجات فيه عنيها وهي كتبلع فريقها:شكا تخربق شمن غيرة
ناض من حداها:المهم انا عارف ونتي عارفة
مارية:حيد لياا هدشي من يدي بغيت نوووض
هز راسو بلا وهو كيرجع لجيهة لوخرا  من بعد ما صيفط ميساج لتيريزا سكتها بجوج كلمات دغية كتبرد تحشا فبلاصتو وغطاها تاهي:دابة انعسو امارية ترفتي عيان وصدعتيني فراسي
بغات تدوي وهو يطفي الضو:ششش صوتك مانسمعوش
مارية جرات يديها وهي تقصح مع برد فيها الدم عاد بدات درها يديها..ساطت بالجهد :واش من نيييتك حيد لياا هدشيي
ما جاوبهااش غير ساكت ومغمض عنييه
مدات ليد لوخرا بغات تحركوو:واش كتسمعنييي
جرها لعندوو حاضنهاا :ششش امارية عيااان
كتحس بيديه على خصرهاا وراسو قريب من عنقهااا ..عيات تدوي باش يحل ليها يديها وتخرج من لبيت او والوو ..تا عيات وسكتات دازو دقايق طوال وهوما هكا يحساب ليها نعس حتى كتسمع صوتو:ايدوز داك النهار دغية امارية
ماجاوباتوش بقات غير ساكتة ..داز الوقت عيات وغمضات عنيها ونعسات..وهو مزال ..كان باقي ما داه النعاس كيحس بيها بين احضانو ..تنهد ومد يديه شعل ضو خاقت وناض جالس حل ليها داك المينوط بشوية لقا يديها مجروحة ناض دغية جاب باش عقم ليها جريحة ولوا عليها لفاصمة ورجع تكا حداها جارها لعندوو ونعس تاهو وبالو خداااام

بعد مرور يومان
العرس ايديروه فدار لوكاس كيف بغا وليد..كان كلشي مقاد ومزين بطريقة زوينة وناس بداو يجيو غير شخصيات المهمة ولمعارف لقراب ...
تيريزا كانت فالبيت لابسة داك الكسوة البيضة جاية بحال شي اميرات جابت احسن خبراء التجميل صيبو ليها .. جات كتحمق والفرحة زادتها جمال عينيها كيبريو بالفرحة متحمسة بزاف ..لي دخل عندها كيمدح فيها وفجمالهااا وانها احسن عروس وهدشي كيزيد يفرحها بغاتو هو لي يشوفها وهو لي يقولها جيتي زوينة

فجيهة لوخرا
ليالي وآدم كانو لتحت بجوج ماعاجبهمش هدشي لي كيدير وليد ولكن راه فمصلاحتهم كاملين..والجدة  فرحانة واخة عارفة هدشي داخل فالانتقام ولكن عاجبها الحال

وهديك لي الفوق جالسة فلبيت ومرجعة راسها اللور حتى كتشوفو خارج من بيت تبدال فكامل أناقتو ووسامتو كوستيم فخم بين جسمو رياضي وتحسينة انيقة زادتو وسامة وروجولة وريمة عطرو سابقاه..بقات غير كتشوف بهدوء وهي جامعة يديها لعندها حنات راسها فاش شافتو جاي لجيهتها وشافت لجيهة لوخرا
وليد وقف حداها :مارية
هزات راسها وشافت فيه:نعام
وليد تحنا لعندها شوية :غادي نمشي
مارية:مزيان سير
وليد:بغيتي تمنعيني منعيني
هزات راسها بلا:لا سير
وناضت مبعدة عليه:انمشي نشوف نارة
وتمات غادة وهو يجرها لعندو :شوفي فيا
مارية:وليد شكا دير
وليد هز ليها راسها لعندو:هاد الليلة ادوز دغية وايسالي فيها كلشي ونرجع
ما قالت والو من غير رجعات اللور:غادي تعطل
دخلات الحاجة:نتي ما اتمشيش ولا كيفاش
مارية:لا
وليد جر الحاجة :زيدي الحاجة
وخرجو
بقات شحال واقفة هزات يديها لقاتها كترجف خرجات للبالكون تشم شوية دلهوة حتى كتشوفو خارج ركب فكموبيل وكسيرا وتبغو آدم..رجعات شعرها اللور مزيرة عليه ورخات منووو مملية شعر لاصق فيديها