🌺နှလုံးသား နီးနီး...စည်းပါးပါး🌺
Part(6)
စက်ဝန်းအလွန်သည် အချေကိုယ်တော်ဟု နာမည်ကြီးပြီး တွဲချင်သူတွေ တန်းစီနေလေသည်။ ထိုထဲတွင် အနှစ်သာရဆိုသော မိန်းမငယ်လေးမပါဝင်ပေ။
သူတို့ပြဿနာအနည်းငယ်ဖြစ်ပြီးနောက်မှာ သူမနဲ့သူသည် မတွေ့ဖြစ်ကြတော့ပါ။ တစ်ခါတစ်လေ ကန်တင်းမှာတွေ့ပေမဲ့ ဘယ်သူမှစပြီးမနှုတ်ဆက်ကြ။ မွန်လေး၊ထင်ရှား၊အနှစ်တို့က အဆက်အသွယ်ရှိပြီး မွန်လေး၊ထင်ရှား၊စက်ဝန်းတို့ကလည်း အင်တာနက်ပေါ်မှာ စကားပြောဖြစ်ကြသည်။
စက်ဝန်းနဲ့အနှစ်တို့သာ စကားမပြောဖြစ်ကြ။ သို့သော် တစ်ယောက်သောသူကတော့ အကောင့်ထဲကို ဝင်ကြည့်တာနေ့တိုင်းနီးပါးပင်။ ဒီနေ့ဘာပုံများတင်ထားသလဲ။ ဘာတွေများရှယ်ထားသလဲဆိုတာ သိချင်စိတ်နဲ့ကြည့်တာပါတဲ့။
"ဟေ့ကောင် ငါတို့အတန်းမလစ်တာကြာပြီ လစ်ကြမလား..."
"အင်း "
တန်းပြီးလက်ခံသည့်စက်ဝန်းကြောင့် ထင်ရှားမျက်ခုံးနှစ်ဖက်သည် သူ့အလိုလိုမြင့်တက်သွားပါသည်။ ဒီကောင် ဒီရက်ပိုင်း အတော်ကို ခြေငြိမ်နေတာမဟုတ်လား။
ဤသို့ဖြင့် ကိုမင်းထက်ဆီ နောက်တစ်ခေါက် ထပ်ရောက်ဖြစ်ပါသည်။
"မပေါ်လာတာကြာပြီ ငါ့ညီတို့..."
"ဟဲ ဟဲ ဟုတ်တယ်ဗျ...ဒီကောင် စက်ဝန်းလေ အစ်ကို့ကိုသတိရလို့တဲ့ "
ကိုမင်းထက်က စက်ဝန်းကိုကြည့်ပြီးရယ်သည်။
"ဘာရယ်တာလဲ"
စက်ဝန်းက ခပ်တည်တည်နဲ့ပြန်ပြောလျှင် ကိုမင်းထက်မှ ခပ်ပြုံးပြုံးအမူအရာဖြင့်...
"မဟုတ်ပါဘူး ဘာသောက်မလဲ "
"ထုံးစံအတိုင်း "
"အိုခေ ဒီတစ်ခါ အိပ်ချင်နေပုံပေါက်တော့ ပြင်းပြင်းလေးစပ်ပေးမယ် "
"ဟုတ်ကဲ့ "
ထင်ရှားက တက်ကြွစွာပြန်ဖြေပေမဲ့ စက်ဝန်းကတော့ တည်မြဲတည်နေ၏။
"မင်းနဲ့အနှစ် စကားမပြောကြဘူးမလား..."
ကိုမင်းထက်က သူတို့ရှေ့ ဖန်ခွက်ချပေးရင်းမှဆိုလာသည်။
YOU ARE READING
နှလုံးသားနီးနီး...စည်းပါးပါး(Love And Pride)[Completed]
Romanceစက်ဝန်းအလွန်+အနှစ်သာရ အနှစ်အတွက်တော့ ကိုကိုက အရာအားလုံးရဲ့ပထမ... Start date - Dec 25.2022 End date - May 25.2023