နှလုံးသားနီးနီး...စည်းပါးပါး(Love And Pride)[Completed]

Part(8)

🌺နှလုံးသား နီးနီး...စည်းပါးပါး🌺

Part(8)

ထိုစဉ်က ကိုကြီး၏ ယောက်ျားပေးစားမယ်ဆိုတဲ့စကားက စတယ်လို့ထင်ခဲ့ပေမဲ့ မေမေသည် ‌ဖွင့်ပြောလာပါသည်။

"သမီးကရော ပေးစားတဲ့သူနဲ့ယူရမှာလို့ပြောတာလား"

"ဟုတ်တယ် အစကတည်းက မေမေ့မှာ အစီစဉ်ရှိပြီးသား...အစက ကျောင်းပြီးမှ ပြောဖို့စဉ်းစားထားတာ အခုတော့ ဖွင့်ပြောထားသင့်တယ်ထင်လို့"

မေမေ့ဆိုလိုရင်းက ကျောင်းမှာ အနှစ်နဲ့စက်ဝန်းရဲ့သတင်းတွေကြောင့်ဆိုတာ သိ၍ အတွန့်တက်ဖို့ပြင်လိုက်ပေမဲ့...

"မေမေ!...အနှစ်က"

"မေမေပြောတာဆုံးအောင်နားထောင်...ဒီကိစ္စကို သမီးငယ်ငယ်ကတည်းကစီစဉ်ထားတာ သမီးအဖေရဲ့ သူငယ်ချင်းရဲ့သားပဲ သူက အခု နိုင်ငံခြားမှာကျောင်းတက်နေတာ ကျောင်းပြီးရင်ပြန်လာပြီး လက်ထပ်လိမ့်မယ် "

"မေမေ ကျောင်းပြီးရင်ကျ မမြန်ဘူးလား "

"မမြန်ဘူးလို့မေမေထင်တယ် နောက်မှ တရားဝင်မိတ်ဆက်ပေးမယ် "

"မေမေ သူက နိုင်ငံခြားမှာဆို မေမေမြင်ဖူးလို့လား"

"မမြင်ဖူးဘူး ငယ်ငယ်ကတစ်ခါမြင်ပြီးကတည်းက ‌မတွေ့တော့တာ သမီးလည်းမြင်ဖူးပါတယ် ကိုကိုဆိုပြီးတောင် ခေါ်သေးတယ်"

ကိုကို! ငယ်ငယ်ကအနှစ်နဲ့တွေ့ဖူးတယ်တဲ့။ ဘယ်သူလဲ။ သူမမမှတ်မိ။

"မေမေက အနှစ်ကို တစ်ခါမှတောင်မမြင်ဖူးတဲ့သူနဲ့ပေးစားဖို့စီစဉ်ထားတယ် ဒါကတော့မတရားဘူး မသိတဲ့သူနဲ့ဘယ်လိုလက်ထပ်နိုင်မှာလဲ"

"ဒါက သမီးဖေဖေတို့စီစဉ်ခဲ့တာ ဒါကြောင့် သမီးချစ်သူထားမယ်ဆိုရင် မေမေပြောတာကို စဉ်းစားပြီးမှဆုံးဖြတ် ချစ်သူလား မိသားစုလားဆိုတာ သမီးရွေးချယ်နိုင်မှရလိမ့်မယ် ငြင်းချင်ရင်ငြင်းလို့ရတယ် ဒါပေမဲ့ သေချာစဉ်းစား"

အနှစ် ဘာမှမပြောနိုင်တော့ဘဲ အခန်းထဲကို‌သာပြေးဝင်လာခဲ့တော့သည်။ ငြင်းချင်လည်းငြင်းလို့ရတယ်ဆိုတဲ့နောက်မှာ သတိပေးတဲ့လေသံမျိုးပါတယ်ဆိုတာ မသိဘဲနေပါ့မလား။