နှလုံးသားနီးနီး...စည်းပါးပါး(Love And Pride)[Completed]

Part(18)

🌺နှလုံးသား နီးနီး...စည်းပါးပါး🌺

Part(18)

စင်ကာပူရောက်ပြီး နှစ်ရက်အကြာ!..

"အန်တီ စက်ဝန်းနဲ့သူ့မိန်းမကို ခဏခေါ်သွားမယ်နော် အခုမှပြန်ရောက်တာဆိုတော့ relaxဖြစ်အောင်ပေါ့...စက်ဝန်းမိန်းမက အခုမှပထမဆုံးအလည်လာတာဆိုတော့ ဧည့်ဝတ်ကျေအောင်"

"အန်တီကတော့ ခွင့်ပြုပါတယ်ကွယ် အနှစ်သာလိုက်ခွင့်ပြုရင် ခေါ်သွားလို့ရတယ်"

"ယူတို့နှစ်ယောက်လိုက်ခဲ့မယ်မလား...မရဘူး လိုက်ကိုလိုက်ခဲ့ရမယ်"

Candyက လိုက်ခဲ့ဖို့အတင်းခေါ်သဖြင့် ငြင်းမကောင်းတာကြောင့် လိုက်ခဲ့ကြသည်။ ဒါကိုအနှစ်ငြင်းရင် သူနဲ့ရန်ဖြစ်ရဖို့ပဲရှိမှာ။

ခေါ်လာတဲ့နေရာက ဘား။

"ဟိုင်း!.."

"ဟဲလို!.."

မြန်မာလိုပဲ နှုတ်ဆက်လိုက်၍ အနှစ်အံ့ဩသွားသည်။ ရုပ်တွေက မြန်မာရုပ်မပေါက်သလိုပဲ။

"အာ! သူတို့က မြန်မာလူမျိုးတွေပဲ...ကပြားတွေပေါ့"

"ဪ!.."

"ဘယ်သူလဲ!..."

အနှစ်ကိုအားလုံးက စိုက်ကြည့်ပြီးမေးလာသည်။ စက်ဝန်းက အနှစ်ပုခုံးကို သူ့လက်တင်လိုက်သည့်အခါမှာတော့ အားလုံးနားလည်သွားကြသည်။

"အိုး ဟိုး! နောက်ဆုံးတော့ စက်ဝန်းက wifeကိုခေါ်လာခဲ့ပြီ"

"ပြောတော့ တစ်ယောက်တည်းလာမယ်ဆို"

"ဒီလိုပဲဖြစ်သွားတယ် သူမနာမည်က အနှစ်သာရ ငါ့ရဲ့ဇနီး"

သူတို့စကားကို ဖြေရင်းမှ မိတ်ဆက်တော့ အားလုံးက ပြုံးပြကြ၏။

"အနှစ် စက်ဝန်းဆီက အများကြီးကြားဖူးပါတယ်"

"ဟင် အော..."

သူက သူမအကြောင်း သူတို့ကို ပြောပြတယ်တဲ့။ ဘာပါလိမ့်။

"အာ မိတ်ဆက်ပေးရမယ်!..
သူက ‌စိုင်းသူ လုံးဝမြန်မာစစ်စစ် ရှမ်းပေါ့ ဒီမှာနေတာကြာသွားလို့ ဒီမှာ နေတာ (၁၅)နှစ်ရှိပြီ"

စိုင်းသူကတော့ မြန်မာရုပ်ပေါက်ပါသည်။ အနှစ်ကိုပြုံးပြနှုတ်ဆက်လာတော့ ပြန်ပြုံးပြဖြစ်သည်။