နှလုံးသားနီးနီး...စည်းပါးပါး(Love And Pride)[Completed]

Part(12)

🌺နှလုံးသား နီးနီး...စည်းပါးပါး🌺

Part(12)

ဒီဇင်ဘာလ တစ်ရက်နေ့။

ပထမဆုံးကျောင်းတက်ရက်ဖြစ်၍ တက္ကသိုလ်ရဲ့ကန်တင်းမှာ ကျောင်းသား၊ကျောင်းသူတို့ဖြင့်စည်ကားနေလေသည်။ ထိုထဲတွင် အနှစ်၊စက်ဝန်း၊ထင်ရှားနှင့် မွန်လေးတို့လေးယောက်လည်းပါဝင်လေသည်။

သို့ပေမဲ့ အရင်ကနဲ့မတူ ထူးခြားတာက စက်ဝန်းနဲ့အနှစ်က ကျောင်းအတူတူလာကြခြင်း။ ပြီးတော့ အနည်းငယ်ရင်းနှီးနေတဲ့ဆက်ဆံရေး။

နောက်ဆုံးနှစ်အထိ သူတို့အတွဲက ရေပန်းစားနေခြင်း။

လက်ထပ်ထားတာကို ဘယ်သူမှမသိ၍ အတင်းအဖျင်းစကားတွေကို မကြားရပေ။

"ဒီနှစ်ကနောက်ဆုံးပဲ ဒါပြီးရင် အလုပ်လုပ်ရင်း အလုပ်ရှုပ်နေကြတော့မှာ "

"ရှင်ကဘွဲ့ရပြီးရင် အလုပ်တန်းလုပ်တော့မယ်ပေါ့ "

အနှစ်က မေးခွန်းထုတ်၏။

"ဘွဲ့ရပြီးရင်လုပ်ရမှာပေါ့ အနှစ်ကမလုပ်ဘူးလား"

"ကျွန်မက ကျွန်မစဉ်းစားထားတာသပ်သပ်ရှိတယ်အဲ့တာကို အကောင်အထည်ဖော်ဖြစ်မယ်ထင်တယ် "

"ဪဟုတ်လား ဒါဆို မွန်လေးကရော"

"မွန်လေးက ဖေဖေ့ကုမ္ပဏီမှာပဲ လုပ်ရလောက်တယ်"

"ဪဟုတ်သားပဲ စက်ဝန်း မင်းကရော"

"ငါကကလေးယူမှာ "

"အဟွတ် ဟွတ် "

အနှစ်မှလွဲရင် ကျန်နှစ်ယောက် စက်ဝန်းစကားကြောင့် ဖျော်ရည်သီးကုန်ကြတော့သည်။

"ကင်း ရှင်မနှောက်လို့မရဘူးလား "

အနှစ်က သူ့စကားကို မနှစ်သက်စွာ ဝင်ပြောလျှင်...

"သူတို့ကအရမ်းစလို့ကောင်းတယ်လေ"

"တစ်ကယ်ထင်သွားတာ "

"စက်ဝန်းက တစ်ကယ်နှောက်တာပဲ"

ဒါပေမဲ့လည်း စက်ဝန်းကြောင့် သူတို့‌သုံးယောက်ရယ်ခြင်းဖြင့်တစ်နေ့တာကိုစတင်လိုက်ရပါသည်။ မာနကြီးပြီး တည်ငြိမ်လှသည့်ကင်းက ရင်းနှီးတဲ့သူနဲ့ဆို ပုံမှန်လူပါပဲ။