မနက်ခင်းမှာ စိတ်ကြည်ကြည်လင်လင်နဲ့နိုးထလာတဲ့ Daisy.. အရင်ရက်တွေက နာကျင်မှုကြောင့် အိပ်ယာပေါ်ကနေကိုမထချင်လောက်အောင်ဖြစ်ခဲ့ပေမယ့် ဒီနေ့တော့အတော်လေးကို လန်းဆန်းနေပြီ..
ခုဆို J ရဲ့ တချက်လွတ်အမိန့်ကြောင့် Daisy ဟာ ကျောင်းမတက်ရတဲ့နေ့တွေ အိမ်ထဲမှာသာ အချိန်ကုန်လေ့ရှိသည်..
နာရီကိုကြည့်လိုက်တော့ ဒီအချိန်ဆို J အလုပ်မသွားသေးဘူးဆိုတာသိတာကြောင့် အခန်းထဲကနေထွက်လာကာ J ရှိရာ အပေါ်ထပ်ကိုတက်လို့လာခဲ့သည်..
အခန်းဝအရောက် တံခါးလေးခေါက်လိုက်တော့ အထဲကနေ အသံပြုလာတာကြောင့် အခန်းထဲသို့ဝင်လာလိုက်တဲ့ Daisy
ဒေါက်ဒေါက်
"ဝင်ခဲ့"
အခန်းထဲရောက်တော့ အောက်ပိုင်းကိုသာ သဘက်တထည်နဲ့သာပတ်ထားတဲ့ J.ရေချိုးပြီးကာစမို့ ရေစိုနေသေးတဲ့ အပေါ်ပိုင်းခန္တာကိုယ်..ခက်ထန်လှတဲ့ မျက်နှာထားနဲ့လိုက်အောင် ယောကျားတယောက်မှာရှိသင့်ရှိထိုက်တဲ့ ခန္တာကိုယ်အချိုးအစားရှိနေတာ ကြောင့် J ဟာ ခုချိန်မှာအတော်လေးကိုကြည့်လို့ကောင်းနေသည်..
J ကိုမြင်တော့ Daisy ဟာ အခန်းဝနားမှာတင်ရပ်နေတာကြောင့် J ဟာ Daisy ကိုလှမ်းကြည့်ပြီး
" ဘာလုပ်ဖို့လာတာလည်း "
" ဟို ငါ J ကို အကျီထုတ်ပေးလို့ရမလား "
" လာခဲ့ "
" ဟုတ်"
J ရဲ့ ခွင့်ပြုချက်ရတော့ Daisy ဟာ အဝတ်ဗီဒိုနားသွားကာ J အတွက် အဝတ်အစားရွေးနေတုန်း အနောက်ကနေ J ရဲ့ သိုင်းဖတ်လိုက်တာကိုခံလိုက်ရပြီး ပခုံးပေါ်မေးလေးတင်ကာ
" ဒီလိုလုပ်ပေးစေချင်ခဲ့တာ မောင် က အမိန့်နဲ့ ငါ့ကိုလုပ်ပေးလို့ပြောလို့ရပေမယ့် မောင် က Daisy စိတ်ထဲကလုပ်ပေးလာတာကို လိုချင်တာ"
" ဒါဆို ငါ အမြဲလုပ်ပေးလို့ရတယ်လို့ပြောတာလား "
" အင်း ဟုတ်တယ် တသက်လုံး "
J ရဲ့စကားအဆုံးမှာ ခေါင်းလေးညိတ်ပြလိုက်တဲ့ Daisy.. အဝတ်ဗီဒိုထဲက အဝတ်အစားထုတ်ကာ J ကိုပေးတော့ အဝတ်အစားကိုမယူပဲ ကြည့်နေတာ
ကြောင့် Daisy ဟာ အဝတ်အစားကိုကြည့်လိုက် J ကိုကြည့်လိုက်နဲ့ဖြစ်ကာ သူထုတ်ပေးတာကို သဘောမကျလို့များလားဆိုပြီး မေးလိုက်တော့တယ်