This Is, Love (GxG)

Chapter 26

Xyianne

Hindi ko maiwasang mapanganga sa tinitignan ko ngayon sa harapan ko.

Ang professor kong nagluluto ngayon nang may ngiti sa mga labi nito at tila nag eenjoy sa ginagawa niya. She's cooking sinigang na baboy which is my favorite dish pero hindi niya yon alam. Buti na lang ayun ang niluluto niya ngayon because that's my comfort food.

Maasim para sa maasim na kalooban ko. Charot!

Nakapangalumbaba lang ako dito habang sinusundan ang bawat galaw niya. Matamang naglagay siya ng sabaw sa sandok at iniihipan niya yun gamit ang bibig niya para tikman ang lasa kaya hindi ko maiwasang hindi mapalunok dahil sa nakanguso niyang labi.

Ang pula tsaka kumikislap. I slapped myself para matauhan sa iniisip ko.

"Do you want to taste it?" Tanong nito sa akin habang inilalapit ang sandok sa bibig ko.

"Ah, hindi na Ma'am. Tiwala ako sa cooking skills niyo. Mukha namang masarap." Tanggi ko sa kanya habang winawagayway ang mga palad ko sa patanggi.

"Are you sure? Paano pag hindi pala masarap ito at nagpapanggap lang akong marunong magluto?"

"Kakainin ko pa rin, Ma'am. Sayang effort niyo eh."

"Kahit hindi masarap?"

"Kahit hindi masarap." Tango kong sagot.

"Sure?"

"Sure po," Tumatango ulit ako habang sumasagot.

"Hindi nga?" Pangungulit pa niya.

"Yes, I'm really sure." Sinagot ko rin naman.

"Talaga?" This time parang sinasadya na niya.

"Ma'am, ang kulit niyo." Sukong sagot ko sa kanya habang kinakamot ng bahagya ang sentido ko. Mukhang makulit din ito katulad ni Bridge. Alam ko naman sa sarili kong maiksi lang ang pasensya ko eh (⁠╥⁠﹏⁠╥⁠) pero para kay Ma'am, sige hahabaan ko.

Tumawa ito dahil sa itsura ko. Nahalata niya siguro yung mukha kong hindi na maipinta.

I sigh, bakit ba sila natutuwa kapag napipikon ako? Nagmumukha yata akong clown.

Parang hindi mo gawain? Tuya ng isip ko sa sarili ko.

Pinatay na nito ang stove, naghugas ng kamay at nagtanggal ng apron tsaka nagtungo sa tabi ko.

"Napikon ba kita?" Amused niyang tanong sa akin.

Tuwang tuwa siya oh, kitang kita ko sa mata niya. Awit na iyan.

Hindi ko siya kinibo bagkos ay tumayo ako sa kinauupuan ko at kumuha na lang ng tissue na nasa gilid ng counter.

"Uy, galit ka? I'm just testing your patience. Hindi ko naman akalain na super bilis mo mapikon." Sinundan niya ako na parang batang nakabuntot sakin.

Hindi siya nakatakong ngayon kaya naman mas matangkad na naman ako sa kanya.

"Zamora, uy." Tawag pa nito habang kumukuha ako ng maraming tissue sheets.

Pero hindi ako kumibo dahil busy ako masyado.

"Hey, Xyianne. Yuhoo!" Wagayway pa nito sa mga kamay niya na animo'y isa siyang multo na hindi ko nakikita.