အပိုင်း ၇ [ အခန်း 1303 ] (7)
⟨⟨ပလတ်စတစ် အမျိုးသမီးမော်ဒယ်⟩⟩
စုန့်ချင်းလော်မှ ကျိလဲ့ရွှေအား သည်ကိစ္စက ဖြေရှင်း၍ရသည်ဟု မျှော်လင့်ချက် ပေးလိုက်ပြီးနောက် ကျိလဲ့ရွှေရဲ့စိတ်အခြေအနေမှာ ပြန်ကောင်းလာခဲ့၏ ။ လူကလည်း စိတ်ပေါ်မူတည်နေသည် ။ ကျိလဲ့ရွှေကမျက်လုံးတောက်တောက်ကြီးများနှင့် စုန့်ချင်းလော်အားကြည့်နေပြီး အကြည့်ကြောင့် ခန္ဓာကိုယ်မှာ အပေါက်ဖြစ်မှာတောင်စိုးရ၏ ။
ကျိလဲ့ရွှေ၏ စိတ်အားထက်သန်နေတဲ့အကြည့်ကို ရင်ဆိုင်နေရတဲ့ စုန့်ချင်းလော်ဟာ အေးစက်နေတုန်းပါပဲ ။ ကျိလဲ့ရွှေကို လာနေလို့ရပေမယ့် အိမ်ထဲမှာတစ်ယောက်ထဲနေရမယ်လို့ပြောလိုက်သည် ။ ကျိလဲ့ရွှေရဲ့ စိတ်ကိုပြန်မြှင့်ရမယ့်အတွက် သူကဘေးအိမ်မှာသွားနေလိမ့်မည် ။
ကျိလဲ့ရွှေမှဆိုလာ၏ "ဆိုတော့ မင်းဆိုလိုတာက ငါတို့နှစ်ယောက် နေရာလဲရမှာပေါ့ ငါကဒီလာပြီး မင်းကဘေးခန်းကိုသွားမှာပေါ့?"
စုန့်ချင်းလော် : "ဟုတ်တယ်"
ကျိလဲ့ရွှေကဆိုသည် "ဒါပေမဲ့ငါကဘာလို့မင်းနေရာမှာနေရင် အဆင်ပြေမှာလဲ?"သူကသတိထားပြီးဆိုလာ၏ "မင်းတကယ်လို့မပြောဘူးဆိုရင်လည်း ငါအတင်းတောင်းဆိုမှာ........."
စုန့်ချင်းလော်က သူ့ကိုတစ်ချက်ကြည့်လာပြီး စကားလေးလုံးသာပြောလာသည် "အဆိပ်ကို အဆိပ်နဲ့တိုက်"
ကျိလဲ့ရွှေ : "......" နားမလည်သော်လည်း အသုံးဝင်မည့်ပုံပင် ။
လင်ပန့်ရှကဘေးဘက်ရှိ ဆန့်ကျင်ဘက်ရှိ ဧည့်ခန်းတစ်နေရာမှာ အစီအရီထားထားတဲ့ သေတ္တာတွေကိုဝေ့ကြည့်လိုက်ပြီး ဂရုစိုက်လျက်ဆိုလာ၏ "စုန့်လူကြီးမင်း......တကယ်လို့ ကျိလဲ့ရွှေသာ သတိမထားမိပဲ သေတ္တာကိုဖွင့်လိုက်မိရင်ရော........?"
စုန့်ချင်းလော်ကပြော၏ "အာ့ဆိုရင် သူအိမ်ကိုထမင်းပြန်စားရလိမ့်မယ် ဒါမှမဟုတ် တစ်ရွာလုံး သူ့အိမ်ကိုထမင်းလာစားလိမ့်မယ်"
(TN//အိမ်ကိုထမင်းပြန်စားရမယ်ဆိုတာ သေရမှာကိုစောင့်ခိုင်းတာပါ တစ်ရွာလုံးလာစားတာကျတော့ သေရင် ရက်လည်ထမင်းလာစားကြတာ•~•)
YOU ARE READING
အရိုးစုသရဲပန်းချီ「骷髅幻戏图」
Horrorအရိုးစုသရဲပန်းချီ「骷髅幻戏图」kūlóuhuànxìtú ခူးလိုဟွမ့်ရှိထူ စာရေးသူ - 西子绪 ရှီးကျစ်ရွှိ အပိုင်းပေါင်း - ၁၁၄ ပိုင်း + အချပ်ပို ၇ ချပ် ထွက်ရှိခဲ့သည့်နှစ် - 2020 မူရင်း - jjwxc ကျင့်ကျန်းစာပေမြို့တော် ဗမာဘာသာပြန် ________________________ အ႐ိုးစုသရဲပန္းခ်ီ「...
