ချစ်မိသော ပင်လယ်

Ch30🍬😭

တနေကုန် လျှောက်လည်ကြတဲ့အချိန်မှာ ဘာဒါက ဆိုယွန်းအနားကမခွာပါ။
ကလေးဆန်တယ်ပြောပြော ကိုယ့်အနားကပ်နေတော့ ညက ကိစ္စတွေတောင်မေ့ချင်ချင်။
ဒါဟျွန်းလှမ်းကြည့်တာမြင်တိုင်း ဘာဒါကို ပိုချွဲနေမိရင်း ကိုယ့်ကိုကိုယ် မလုံမလဲဖြစ်ရတယ်။
''ဆိုယွန်း''
''ဟင်''
''ကိုယ့်အတွက်လား polaroid က''
(မွေးနေ့တုန်းကဝယ်ထားတာလေး ပစ္စည်းပုံထဲမှာ ဘာဒါတွေ့ထားပြီလေ)
''ommm''
''မယူလာဘူးလား''
''ommm''
''မွေးနေ့လက်ဆောင်ကို အဲ့လိုလွှင့်ပစ်လိုက်လို့လည်းရလား''
''မပေးရသေးဘူးလေ''
''အေးပါကွာ''
ပြောရင်း ဆိုယွန်းကို နေပူနေတာမို့ ကာပြီးရပ်လိုက်ရင်း
''နေမကောင်းဘူးလား ပင်ပန်းနေပြီလား ဖြူဖျော့လို့''
မေးပြီး နဖူးလေးစမ်းတော့
''အင်း နေကောင်းပေမယ့် နည်းနည်းပင်ပန်းနေသလိုပဲ''
''ဟုတ်လား ညက ဘာမှတောင်မဘာလိုက်ရတာကို ဘာလို့အားနည်းနေ''
''ဟင် အဲဒါကြောင့်မဟုတ်ပါဘူး သူများတွေကြားကုန်မယ် ဘာတွေလျှောက်ပြောနေတာလဲ''
''အင်းပါ အဲဆို သူများတွေမကြားအောင်ပြောမယ် လာ''ပြောပြီး ဆိုယွန်းနားနားကပ်ပြီး''ဒီညတော့ စောစောမအိပ်ရဘူးနော်''
''အိပ်မှာပဲ သူအရမ်းကဲ ''ဘာဒါ ဆိုယွန်းကို ရင်ခွင်ထဲဆွဲသွင်းပစ်လိုက်တော့ ဆိုယွန်းရုန်းမယ်ထင်ပေမယ့် ငြိမ်နေတာမို့ ငုံ့ကြည့်လိုက်တယ်။
''ဘာဒါ ''
''အင်း ''
''ဆိုယွန်းလေ ဘာဒါ့ကို နှစ်တွေအများကြီးချစ်ခဲ့တာ''
''ommm''
''ဒါပေမယ့်လေ အရမ်းပင်ပန်းလာရင် ဆက်ချစ်နိုင်တော့မယ်မထင်ဘူး''
''သြော် မိန်းမရယ် ညစာလေးနေ့တိုင်းကျွေးခိုင်းမိပါတယ် ငြိုငြင်ပြီပေါ့''
(ဟိုကအမှန်အကန်feelနေတာကို နင်ဘာတွေထပြော😂)
ဆိုယွန်း သူ့ရင်ဘက်ကို တချက်ထုလိုက်ပြီး
''စကားအကောင်းပြောနေတာကိုနော်''
''အင်းလေ ကိုယ်လည်းအကောင်းပြောနေတာပဲ ကိုယ်နဲ့နေလို့ပင်ပန်းစရာကိစ္စက အဲဒါပဲရှိတာကို😁😁''
''တော်ပြီ မပြောတော့ဘူး''
''အာ စတာ ဆက်ပြော ဆက်ပြော''

ညနေပြန်ရောက်ကြတော့ Tentနဲ့အိပ်တဲ့သူအိပ် အခန်းတွေထဲ ဝင်အိပ်တဲ့သူအိပ်ပေါ့။
ဆိုယွန်းကတော့ ဘာဒါ့ရင်ခွင်ထဲမှာ ငြိမ်နေရင်း အိပ်မပျော်နိုင်။

နောက်နေ့မနက်ကျ အိုမားက အကုန်လုံးကို ထမင်းစားဖိတ်ထားတာမို့ မနက်လူစုပြီး အိမ်ကိုသွားဖြစ်ကြတယ်။
​အိမ်က နှစ်ထပ်ခွဲနဲ့ ခြံအကျယ်ကြီးမို့လို့ အဖွဲ့သားတွေ စိတ်ကြိုက် ခြံထဲလျှောက်ကြည့်ကြတယ်။
ဆိုယွန်းကတော့ ပန်းဝါသနာအိုးချင်းအတူတူအိုမားနဲ့ပန်းအကြောင်းတွေပြောနေကြတယ်။ ဆိုယွန်းက လူကြီးချစ်တဲ့အပြစ်ကင်းတဲ့ပုံစံလေး။ အဝေးကလှမ်းကြည့်ရင်တောင် အကြ​ည်ဓာတ်လေးတွေ လျှံထွက်နေတာမျိုး။ ဘာဒါ ဆိုယွန်းကို ငေးနေတုန်း ဒါဟျွန်းရောက်လာတယ်။
တကယ်တော့ ဒါဟျွန်း အမေရိကားသွားမှာကို ဘယ်သူမှမသိသေးပါ။ ဘာဒါတစ်ယောက်ပဲ သိတာဖြစ်သလို ဒါဟျွန်းက ဘာဒါ့ကြောင့် အသဲကွဲပြီး ဒီနိုင်ငံမှာမနေတော့ဘူးလို့ပြောတယ်။ ဒီမှာဆက်နေရရင် သူဘာလုပ်မိမယ်မှန်း မသေချာပါဘူးတဲ့။ ဒါဟျွန်းမိဘတွေက သြစတေးလျမှာ။ ပြောရရင် ဒါဟျွန်းက ဘာဒါ့ကိုသဘောကျလွန်းလို့ မိဘတွေနဲ့အတိုက်အခံလုပ် အတူတူလိုက်မသွားပဲ ကိုရီးယားမှာကျန်ခဲ့တာ။ အဲဒါကို အဖွဲ့သားတွေအကုန်လုံးသိကြတယ်။ အခုလိုတွေဖြစ်တော့ ဒါဟျွန်းက ဒီမှာနေရင် ရင်တွေကွဲရလို့ ထွက်သွားမယ်တဲ့။ ဒါပေမယ့် မိဘတွေဆီကိုတော့မသွားနိုင်ဘူး။ မိဘတွေက ဒါဟျွန်းကို ​ခြေချုပ်မိအောင် ယောင်္ကျားပေးစားဖို့ပြောနေကြတာမို့ သြစတေးလျကိုလည်း မသွားချင်။ အမေရိကားမှာကျတော့ ဘာဒါ့သူငယ်ချင်းရှိတာမို့ ဘာဒါက သူငယ်ချင်းနဲ့ခဏနေဖို့ပြောပေးထားတာ။ ဘာပဲပြောပြော ကိုယ့်ညီမလေးလိုလည်းဖြစ် ကိုယ့်ကြောင့်လည်းဖြစ်နေတာမို့ မျက်နှာလွှဲခဲပစ်မလုပ်နိုင်တာတော့အမှန်။ တခြားဘယ်သူမှလည်းမသိတာမို့ အစစအရာရာဘာဒါပဲလိုက်ကူပေးနေရတာ။ ဟိုမှာကျောင်းတက်ဖို့ရော နောက်ပိုင်းနေစရာစီစဥ်ဖို့ရော သူငယ်ချင်းနဲ့ချိတ်ပေး အသွားအလာကိစ္စတွေရော အကုန်လိုက်လုပ်ပေးနေရတဲ့အပြင် ဒါဟျွန်းကလည်း ထွက်သွားတော့မှာမို့ ပစ်ပစ်ခါခါမနေပါနဲ့ဆိုလို့ တခါတလေလည်းအလိုက်အထိုက်နေရသေးတယ်။ ဆိုယွန်းကိုတော့ မပြောရသေးဘူးပေါ့။ တခြားလူတွေလည်းမသိစေချင်တာမို့ သွားပြီးမှပဲပြောမယ်လို့စိတ်ကူးထားတယ်။ ကိုယ့်သူငယ်ချင်းနဲ့ပေးနေမှာဆိုတော့ ဆိုယွန်းသိရင် သဝန်တိုနေမှာစိုးလို့ ခဏတော့ မပြောပဲထားထားရတယ်။ ဒီကြားထဲ ဒါဟျွန်းက ခဏခဏအနားလာပြီး စကားပြောတယ်။ ဟိုသွားမယ့်ကိစ္စတွေလာပြောတာဆိုတော့လည်း ပြန်မပြောလို့မရ။ လူသိမခံချင်တော့ တိုးတိုးနဲ့လူလစ်တဲ့နေရာသွားပြောရနဲ့ မဟုတ်တာလုပ်သလိုခံစားရတဲ့ရက်တွေပေါ့
ဒါဟျွန်းကလည်း ထွက်သွားရတော့မှာမို့ စိတ်ခံစားလွယ်နေတာမို့ လေသံမာမာပြောရင်တောင်ဝမ်းနည်းနေတတ်တယ်။
(နင်အလွန်တတ် သူများလင်ကိုကြိုက်နေပီး😒)
ဆိုယွန်း အိုမားနဲ့စကားပြောနေတုန်း
ဘာဒါ ခြံအနောက်ဘက်ထိလျှောက်လာတော့ ဒါဟျွန်းကပါလိုက်လာတယ်။
''saem အရင်တုန်းက Jejudoကိုလိုက်ပို့မယ်လို့ပြောဖူးတာမှတ်မိလား''
''အင်း မှတ်မိတယ် အခုမှပဲရောက်ကြတော့တယ်နော်''
''ဟုတ်တယ် ဒါပေမယ့် မသွားခင်ပဲဖြစ်ဖြစ် saemနဲ့အတူတူလာလိုက်ရလို့ပျော်တယ်''
''အင်း လူစုံလို့ ပိုပျော်ဖို့ကောင်းသွားတာပါ''
''saem ''
''အင်း''
''တကယ်တော့လေ ဟိုရောက်ရင် saemမရှိပဲနေနိူင်ပါ့မလားလို့တွေးနေမိတယ်''
''နေနိုင်မှာပါ ပြီးတော့ အဲလိုတွေတွေးမနေနဲ့တော့ ဟိုရောက်ရင်စိတ်သစ်လူသစ်နဲ့နေကြားလား''
ပြောပြီး ဒါဟျွန်းခေါင်းကိုပုတ်လိုက်တယ်။
''ကျေးဇူးပါ saem''
ဒါဟျွန်းက ဘာဒါခါးကိုဖက်ပြီး အတင်းရင်ခွင်ထဲဝင်တယ်။ အရင်ကတော့ တပည့်တွေအကုန်လုံးဘာဒါ့ကိုဝိုင်းဖက်နေကျမို့ မထူးဆန်းပေမယ့် အခု ဒါဟျွန်းလာဖက်တော့ စိတ်ထဲ နည်းနည်းတော့ တမျိုးဖြစ်မိတယ်။
ဘာပဲပြောပြော ဒါဟျွန်းထွက်သွားရင် ဒါဟျွန်းအတွက်လည်းအဆင်ပြေသွားပြီး ဆိုယွန်းလည်းသဝန်တိုစရာမရှိတော့ဘူးမလား။ ကိုယ့်ကြောင့်ထွက်သွားရတဲ့ကလေးမို့ အစွမ်းကုန်တော့ကူညီပေးလိုက်ချင်တယ်။