Ang Tula Ni Maria [COMPLETED] ✔️

Old Nick

Requested by tfxifyoudontmind

Old Nick

by: composmentisgirl

Ang mundo'y nababalot ng kadiliman
Ang puso'y nababalot ng kapighatian
Ang isip ay nababalot ng kasamaan
Ang kaluluwa'y nababalot ng kasawian

Isang nilalang na kaaway ng ating haring ama
Isang haring nagmula sa ilalim ng lupa
Huwag magpapatalo sa temptasyon niyang dala
Huwag basta maniwala sa makikita ng iyong mata

Isang halimaw kung siya'y ituring
Halimaw na bawat isa sa atin ay kapiling
Halimaw na ni minsa'y hindi natin hiniling
Halimaw na hindi natin alam kung saan galing

Huwag makinig sa kasamaang bulong ng hangin
Huwag basta titikim sa pagkaing inihain
Huwag basta pumayag sa kadilimang ibinilin
Huwag basta maniwala sa mga kuwentong isinalin-salin

Unti-unti kang lalamunin ng iyong sariling halimaw
Kasalana'y mas dadami hanggang sa mundo'y gumunaw
Ang mga sungay ay unti-unting lilitaw
Sa ating ama, sangkatauha'y unti-unting bibitaw

Siya ay darating mula sa impyerno
Sa nagbabagang apoy, siya ang namumuno
Sa mga makasalanan, siya ang ninuno
Sa kasalanan ni Adan at Eba, siya ang nagpasimuno

Ang Diyos ng mga demonyo
Pinaniniwalaan ng mga makasalanang tao
Sa mga kriminal, siya ang kanilang anito
Niyayakap ng mga taong hindi naniniwala kay Kristo

Sa lahat ng nangyayari sa buong mundo
Ay dulot ng mga taong sa kaniya'y nagpapa-uto
Resulta ng pagtalikod sa haring totoo
Ang siyang bunga sa pagkawala ng pananampalataya ng mga tao

Sa kampon ni Satanas tayo'y umiwas
Ang kaniyang mga batas ay hindi naging patas
Sa mga tao siya ang nagbibigay ng malas
Sa tali ng kasamaan tayo ay kumalas

Manalig sa ating dakilang Panginoon
Na siyang nagmahal sa atin mula noon hanggang ngayon
Na siyang nagbigay ng biyaya sa lahat ng nayon
Na siyang magliligtas sa atin mula sa mainit na pugon

***

AN: Please give credits to the author. Originally made. Please don't plagiarize.💕

-Ate CM_👑✖