Love Story From Defulo (S1), အချစ်နှင့် သန္ဓေသား

part-68

Ashoဟာ ထိုမနက်​တင်​Sia၏အမိန့်​စာယူကာ တစ်​ယောက်​တည်း အိမ်​ပြန်​သွားခဲ့သည်​

Bakuအတွက်​နေအိမ်​၌ ထိုက်​တန်​သော ပြင်​ဆင်​မှုများ ပြုလုပ်​ပေးရမည်​ဖြစ်သည်

မိမိအိမ်​တော်​၏ ခန်းနား​သော ဂုဏ်​ရှိန်​ကို ထုတ်​ဖော်​ပြသကာ​တောင်းရမ်းမှုများနှင့်​အတူ Baku​လေးကို ပြန်​လည်​၍ လာ​ရောက်​ခေါ်​ဆောင်​ရမည်​

Baku​လေးဟာ နန်းတွင်း၌ တစ်ယောက်တည်း ကျန်​ရစ်​ခဲ့​သည်​

×××××

Moon​လေးဟာ ညီလာခံပြီးသောအခါ Aitaအ​နောက်​မှ အတင်း​ပြေးလိုက်​လာသည်

"ကြင်​ယာကြီး~~"

အလွန်​လှပ​သော ဆင်​ဆွယ်​ရောင်​ပိုးဖဲ​ပေါ် အနီ​ရောင်​ရော်​ပွင့်​ဖက်​လေးများပါသည်​ဝတ်​ရုံလွှာ​လေးနှင့်​အတူ Moon​လေးဟာ အိ​နြေ္ဒမဆယ်​နိုင်​Aitaအနောက်မှ​ပြေးလိုက်​လာသည်​

Aitaဟာ Moonလေးအသံကြောင့် လမ်းလျှောက်ခြင်းအား ရပ်တန့်၍ အ​နောက်​လှည့်​ကြည့်​လိုက်​သည်​

"ဘာလဲ~~"

Moon​လေး လှိုက်မောစွာ အသက်ရှုရင်း မတ်​တပ်​ရပ်​လိုက်​သည်​

"Bakuကို နန်းတွင်းထဲမှာ အပြီး​ခေါ်ထားလို့ မရဘူးလား"

"မရဘူး~~"

Aitaဟာ အရှေ့ပြန်​လှည့်​သွားသည်​

Moon​လေးဟာ မျက်ရည်များဝဲ၍ Aita၏ မြင့်​မား​သော​ကျောပြင်​ကြီးအားငေးကာ တစ်ယောက်တည်း ကျန်​ရစ်​ခဲ့သည်​

Aita အဝေးရောက်မှ တစ်ဖန်ပြန်လည်၍ လှည့်ကြည့်လိုက်သည်

Moonလေးဟာ မျက်ရည်များကို ကလေးတစ်ယောက်လို လက်ဖျံဖြင့်သုတ်၍ ငိုကာ အဆောင်တော်သို့ လှည့်ပြန်သွားသည်

Aita ပြန်လည်၍ လစ်လျူရှုထားလိုက်သည်

Moonလေး ငိုနေသောကြောင့် မကြာခင်မိမိထံရောက်လာဦးမည့် မကောင်းသော အငွေ့အသက်တစ်ချို့ကို ကြိုတင်ခံစားမိပြန်သည်

Aitaဟာ ကောင်းကင်မှ ကျဆင်းနေသော အဖြူရောင်နှင်းစက်များကို ငေးမောကြည့်ရင်း တိုးညင်းစွာ ရေရွတ်မိသည်