KNIGHTS I-2: Demon's Destruction (Froze Knights)

Chapter 7

Arrow Perez

Halos malula ako sa pagkamangha sa mga asul niyang mata.

Nakatingin lang siya ng diretsyo sa mga mata ko.

"Ayos lang po kayo?" nag-aalalang tanong ko.

Biglang nandilim ang ekspresyon niya. Nakita kong hinawakan niya ang ulo at pasimple itong minasahe.

Sinubukan niyang makatayo pero nagulat kami parehas nang bumagsak ulit siya.

Saktong-sakto ang mukha niya sa leeg ko.

Nanigas ako nang manatili siya doon.

Ramdam ko kung gaano kainit ang hininga niya. Sobrang init nga din pala ng katawan niya!

"Kuya ayos lang po kayo?" Tinapik ko ang likod niya para iparating na magiging okay din ang lahat.

Hindi siya sumagot.

Nasa ibabaw ko pa rin siya habang nakasuksok ang mukha sa leeg ko.

Bigla na lang nagwala ang mga paru-paro ko sa tiyan nang ilapit niya pa lalo ang mukha sa leeg ko.

Imagination ko lang ata pero feeling ko ay inaamoy niya ang leeg ko.

"Fuck." Dinig kong mura niya na para bang may iniinda.

Nag-aalalang nilingon ko siya, pero nakalimutan kong nakasubsob nga pala siya sa akin kaya palpak lang.

"Ayos ka lang po? Huwag k-ka nang umiyak, magiging ayos ka din." Bahagya kong tinapik-tapik ang likod niya.

Hindi naman siya umiiyak, pero feeling ko kasi may iniinda talaga siyang masakit sa katawan.

Hindi ako komportable sa puwesto namin, kaso lang baka magalit siya kapag bumangon ako.

Kawawa naman siya, masakit na nga katawan niya tapos magagalit pa siya.

Ilang sandali pa kami na nasa ganoong posisyon nang biglang may pumasok na tatlong lalaki.

Nanlaki ang mga mata nito sa posisyon namin, pero mabilis naman nila kaming dinaluyan at inalis si kuya sa ibabaw ko.

"Fuck, Froze."

"Sabi na at dito nagpunta."

"S-Salamat," nahihiya kong sabi sa lalaking tumulong sa akin sa pagtayo.

"Bakit ganito ang puwesto ninyo? May ginawa ba siya sa 'yo, miss ganda?" nag-aalalang tanong nung lalaking chinito.

Umiling-iling naman agad ako.

"Wala, wala. Bigla na lang kasi siyang natumba kaya pinuntahan ko siya agad."

"That's good to know. I'm sorry sa abala, over fatigue siguro kaya nagkaganito siya," sabi naman nung lalaki na medyo manly ang dating.

Siya yung tumulong sa akin sa pagtayo.

"B-Bakit? Ano bang ginawa niya?" nag-aalalang tanong ko.