မောင့်ကြင်ယာတော်/ေမာင့္ၾကင္ယာေတာ္(Completed)

၁၃

Unicode

တက်ကြွနေကြတဲ့ပြိုင်ပွဲဝင်တွေဟာခြင်္သေ့တွေကိုတွေ့တာနဲ့ကြောက်လန့်တကြားနဲ့သူတို့ဝင်လာခဲ့တဲ့သံတံခါးကြီးဆီကိုထွက်ပြေးကြတယ်။သံတံခါးကြီးကိုထုရိုက်ပြီးဒီနေရာကနေထုတ်ပေးဖို့အော်ဟစ်တောင်းဆိုနေကြတယ်။ဝမ်ရိပေါ်နဲ့နောက်တစ်ယောက်ကလွဲရင်အကုန်လုံးဟာ စာခြောက်ရုပ်ကိုကာကွယ်ဖို့စိတ်ထဲမှာရှိမနေကြဘူး။ဒီနေရာကနေ သူတို့လွတ်မြောက်ဖို့အတွက်သာကြိုးပမ်းနေကြတယ်။ခြင်္သေ့တွေကတော့ထိုလူတွေအပေါ်ကို အာရုံရှိမနေဘူး။သူတို့အချင်းချင်းသာရန်စောင်နေကြတယ်။

အဲ့အချိန်မှာပဲ အပေါ်ကအစောင့်တွေဟာသွေးရည်တွေကိုပုံးလိုက်လောင်းချကြတယ်။ထိုအရာတွေအကုန်လုံးဟာဝမ်ရိပေါ်တို့တင်မက စာခြောက်ရုပ်ကိုပါရွှဲရွှဲစိုသွားစေတယ်။သွေးနံ့ရသွားကြတဲ့ခြင်္သေ့တွေဟာမြင်မြင်သမျှစတင်တိုက်ခိုက်ကြတော့တယ်။ကြောက်လန့်နေကြတဲ့လူတွေဟာပြန်လည်မခုခံနိုင်ဘဲခြင်္သေ့တွေရဲ့ကိုက်ဖြတ်သတ်ဖြတ်ခြင်းကိုသာခံကြရတယ်။ခြင်္သေ့တစ်ကောင်ဟာတော့သွေးရည်တွေပေနေတဲ့စာခြောက်ရုပ်ကိုကိုက်ဖြတ်ရန်ဟန်ပြင်လို့နေတယ်။ဝမ်ရိပေါ်ဟာစာခြောက်ရုပ်ကိုသူ့ရဲ့နောက်ကိုပို့လိုက်တယ်။အစာအလုခံလိုက်ရတဲ့ခြင်္သေ့ဟာ ဒေါသထွက်စွာနဲ့ဝမ်ရိပေါ်ကိုတိုက်ခိုက်တော့တယ်။

သူ့ကိုအသည်းအသန်တိုက်ခိုက်နေတဲ့ခြင်္သေ့ကိုဝမ်ရိပေါ်မနည်းခုခံနေရလေတယ်။ခြင်္သေ့ဟာသူ့ကိုမခုန်အုပ်နိုင်ခင်မှာပဲဝမ်ရိပေါ်ဟာဓားကိုခြင်္သေ့ရဲ့‌ဝမ်းဗိုက်ကိုထိုးချလိုက်တယ်။ခုနကဒေါသတကြီးထွက်နေတဲ့ခြင်္သေ့ဟာအခုချိန်မှာတော့ မြေပြင်ပေါ်မှာငြိမ်သက်သွားပြီဖြစ်တယ်။သူတို့အဖွဲ့မှာဆိုရင်အသက်ရှင်ကျန်တဲ့လူဟာ လေးယောက်လောက်သာရှိတော့တယ်။အဲ့လေးယောက်ထဲမှာအထူးခြားဆုံးသူတစ်ယောက်ရှိတယ်။ဝမ်ရိပေါ်ဟာခြင်္သေ့တစ်ကောင်သတ်ပြီးတဲ့အချိန်မှာသူကသုံးကောင်လောက်ကိုသတ်ပြီးနေပြီ။ပြီးတော့ထိုလူရဲ့ဓားချက်တွေကထိုးမိထိုးရာရမ်းသမ်းထိုးနေတာမဟုတ်ဘဲ ခြင်္သေ့တွေကိုသေစေနိုင်တဲ့အဓိကနေရာတွေကိုတိတိကျကျထိစေတယ်။ဒါ့ကြောင့်ဒီလူဟာ ကျွမ်းကျင်သူတစ်ယောက်ပဲဖြစ်ရမယ်။