မောင့်ကြင်ယာတော်/ေမာင့္ၾကင္ယာေတာ္(Completed)

၃၈

Unicode

ကျိုးနန်းဆောင်က ရှောင်းကျန့်ရဲ့ နန်းဆောင်ထဲမှာတော့ ဖေးဖေးကဒူးထောက်လျက်ထိုင်နေပြီး ဖေးဖေးရဲ့ရှေ့ကခုံပေါ်မှာ ကျီရွှမ်းကထိုင်လျက်ရှိနေသည်။ဖေးဖေးရဲ့ခန္ဓာကိုယ်လေးဟာ ကြောက်ရွံ့မှုကြောင့် တဆတ်ဆတ်တုန်လျက်ရှိနေသည်။ကျီရွှမ်းကထွက်ပေါ်လာတဲ့ဒေါသတွေကို ချုပ်တည်းကာ ဖေးဖေးကိုမေးလိုက်သည်။

"ရှောင်းကျန့်......ဘယ်မှာလဲ....."

ထွက်ပေါ်လာတဲ့ ကျီရွှမ်းရဲ့ရေခဲတမျှအေးစက်နေတဲ့ အသံကြောင့်ဖေးဖေးရဲ့ ခန္ဓာကိုယ်လေးကြောက်ရွံ့မှုကြောင့် တုန်လှုပ်သွားသည်။ဒါပေမယ့်လည်း သူမစိတ်ကိုငြိမ်ငြိမ်ထားကာကျီရွှမ်းရဲ့ အမေးကိုပြန်ဖြေလိုက်သည်။

"မင်းကြီး.....ကျွန်တော်မျိုးမလည်း မသိပါဘူး...။အဲ့အချိန်ကကျွန်တော်မျိုးမနဲ့ ကြင်ယာတော်လေး မွေးနေ့ပွဲကိုလာဖို့ပြင်ဆင်နေကြပါတယ်။ကြင်ယာတော်လေး ဝတ်ရုံလဲဖို့ကူညီပေးမယ့်အချိန်မှာ ကျွန်တော်မျိုးမနှာခေါင်းထဲမှာ အမွှေးနံ့တစ်ခုရလိုက်ပါတယ်။အဲ့အနံ့ရပြီးတဲ့အချိန်မှာ ကျွန်တော်မျိုးမ ဘာမှမသိတော့ပါဘူး။ကျွန်တော်မျိုးမနိုးလာတဲ့အချိန်မှာ ကြင်ယာတော်လေးကလည်းမရှိတော့ပါဘူး...။ကျွန်တော်မျိုးမ ပြောတာတွေကအမှန်တရားတွေပါ။မင်းကြီးယုံကြည်ပေးပါ...."

ဖေးဖေးပြောတဲ့အရာတွေက အမှန်ဖြစ်မှန်းကျီရွှမ်းသိသည်။အစက ရှောင်းကျန့်ကသူနဲ့မနေချင်လို့ ထွက်ပြေးသွားတယ်လို့ သူထင်ခဲ့တာ။ဒါပေမယ့် ရှောင်းကျန့်ကအဲ့လိုလူစားမျိုး မဟုတ်မှန်းသူသိသည်။ပြီးတော့ ရှောင်းကျန့်ကဖေးဖေးနဲ့ကျစ်မင်ကို ထားပြီးထွက်သွားမယ့်လူ မဟုတ်ဘူးဆိုတာကို သူကျိန်းသေသိသည်။

အခုအခြေအနေအရ ရှောင်းကျန့်ကကျိန်းသေပေါက် ပြန်ပေးဆွဲခံရတာဖြစ်နိုင်သည်။ဒါပေမယ့်ရှောင်းကျန့်ကို ဘယ်သူကပြန်ပေးဆွဲတာလဲ။ကျီရွှမ်းရဲ့မျက်လုံးထဲတွင် ရှောင်းကျန့်ကိုပေးရန်တောင်းဆိုနေသော တည်တင်းနေသည့် ရန်နိုင်ငံအရှင်သခင်ရဲ့ ပုံရိပ်ကမျက်လုံးထဲပေါ်လာသည်။ကျီရွှမ်းဘေးနားက အစောင့်တပ်သားလေးကိုအမိန့်ပေးလိုက်သည်။