မောင့်ကြင်ယာတော်/ေမာင့္ၾကင္ယာေတာ္(Completed)

၃၀

Unicode

"မင်းဘာလို့ဝမ်ရိပေါ်ကို ဖြုတ်ချချင်တာလဲ...."

မိဖုရားလွီဟာသူမရှေ့မှာရပ်နေတဲ့ရှောင်ကျားယွီကို နားမလည်စွာမေးလိုက်သည်။

"ကိုယ်ရံတော်ခေါင်းဆောင်နေရာကို သူနဲ့ကျွန်တော့်နှစ်ယောက်ထဲကတစ်ယောက်ကိုရွေးမှာ။သူမရှိမှ ကျွန်တော်ကကိုယ်ရံတော်ခေါင်းဆောင်နေရာကိုရမှာလေ....။ဒါကြောင့်သူ့ကိုလုံးဝကွယ်ပျောက်သွားစေချင်တယ်..."

ရှောင်ကျားယွီရဲ့မျက်နှာဟာ ထိုစကားကိုပြောနေစဉ်အတွင်းမကျေနပ်မှုတွေနဲ့ပြည့်နှက်လို့နေသည်။

"ကိုယ်ရံတော်ရွေးချယ်ပွဲ အဆင့်မှာတည်းကကျွန်တော်တခြားလူတွေထက်သာအောင်ကြိုးစားခဲ့တယ်။ဒါပေမယ့်အားလုံးထဲမှာအတော်ဆုံးဆိုတဲ့နေရာက ဝမ်ရိပေါ်ဆိုတဲ့ကောင်ကြောင့်ပျက်စီးသွားခဲ့တယ်။ကျန်တဲ့လူတွေက ကျွန်တော့်ကိုမကျော်နိုင်ပေမယ့် ဝမ်ရိပေါ်.....သူကကျွန်တော်နဲ့တန်းတူလုပ်နိုင်တယ်။မဟုတ်သေးဘူး....သူကကျွန်တော့်ထက်ပိုတောင်တော်အုံးမယ်။သူ့ကိုသမားရိုးကျနည်းနဲ့အနိုင်မတိုက်နိုင်မှတော့ သူ့အားနည်းချက်ကိုပဲရှာရတော့တာပေါ့။ဒါပေမယ့်.....သူ့မှာအကြီးမားဆုံးအားနည်းချက်ကြီးရှိနေလိမ့်မယ်လို့မထင်ထားမိဘူး...."

ရှောင်ကျားယွီရဲ့မျက်နှာမှာ ရိပေါ်ရဲ့အားနည်းခိက်ကိုရအောင်ရှာနိုင်တဲ့အတွက်ဂုဏ်ယူတဲ့အပြုံးတစ်ခုကရှိနေသည်။ရှောင်ကျားယွီရဲ့ယုံကြည်မှုအပြည့်ရှိနေတဲ့မျက်နှာကြောင့် မိဖုရားလွီစိတ်အေးသွားသည်။ဒီသတင်းကမှန်လောက်ပါတယ်။

"မင်းပြောတဲ့သတင်းကမှန်တယ်ပဲထားပါအုံး...။သက်သေမရှိဘဲနဲ့ အိမ်ရှေ့စံမင်းသားကိုသွားပြောရင် အိမ်ရှေ့စံမင်းသားကယုံမယ်လို့ထင်လား။မင်းလည်းသိတာပဲ...။အိမ်ရှေ့စံကရှောင်းကျန့်ကိုဘယ်လောက်‌တောင်သဘောကျလဲဆိုတာ...."

မိဖုရားလွီကပြောနေရင်းနဲ့မှနှုတ်ခမ်းကိုတစ်ချက်မဲ့ကာစဉ်းစားလိုက်သည်။ကျီရွှမ်းသဘောကျအောင် ရှောင်းကျန့်ဆိုတဲ့အကောင်ကဘယ်လောက်တောင်ပေါင်ကိုဖြဲပေးပြီးမြှူစွယ်ထားလဲမှမသိတာ။သူမသွားပြောရင်တောင်ကျီရွှမ်းကယုံမှာမဟုတ်ဘူး။မိဖုရားလွီရဲ့အပြောကိုကြားတဲ့အခါမှာ ရှောင်ကျားယွီက တစ်ချက်ပြုံးသည်။