မောင့်ကြင်ယာတော်/ေမာင့္ၾကင္ယာေတာ္(Completed)

၃၆

Unicode

အေးစက်နေတဲ့အခန်းငယ်တစ်ခုအတွင်းမှာ အဖမ်းခံထားရတဲ့ လူသုံးယောက်။သူတို့သုံးယောက်စလုံးဟာ ဘာကြောင့်အဖမ်းခံထားရမှန်းမသိသလို၊ဘယ်သူကဖမ်းထားမှန်းလည်းမသိကြဘူး။သူတို့သုံးယောက်လုံးမှာ တူညီတာတစ်ခုက သူတို့သုံးယောက်လုံးဟာ လွန်ခဲ့တဲ့ငါးနှစ်က "မဟူရာဆောင်"မှာကြင်ယာတော်ရှောင်းရဲ့ သိုင်းပညာတွေကိုဖျက်ဆီးခဲ့ကြတဲ့လူတွေဆိုတဲ့အချက်ပဲ။

အဲ့ကိစ္စပြီးတည်းက သူတို့သုံးယောက်ကို အိမ်ရှေ့စံမင်းသားကျီရွှမ်းက နစ်နာကြေးပေးပြီး နန်းတော်ကနေထွက်ခွာခိုင်းခဲ့တယ်။ဒါ့ကြောင့်မို့ နန်းတွင်းနဲ့ သူတို့နဲ့ကဘာမှကိုမသက်ဆိုင်တော့ဘူး။သူတို့တွေဘယ်သူ့ကိုများအပြစ်လုပ်ခဲ့မိလို့အခုလို အဖမ်းခံထားရတယ်ဆိုတာကိုလည်း စဉ်းစားလို့မရကြဘူး။

သူတို့အားလုံးကြောက်စိတ်ကြောင့် ဟိုတွေးဒီတွေးဖြစ်နေတုန်းမှာပဲ အခန်းထဲကိုတစ်စုံတစ်ယောက်ကဝင်ရောက်လာတယ်။သူတို့ထိုလူကိုမြင်လိုက်ရတဲ့အချိန်မှာ ကြောက်ရွံ့မှုကြောင့် ဒူးတွေတုန်လာရတယ်။သူတို့ရှေ့ကလူဟာ‌ ရွှေရောင်မျက်နှာဖုံးကိုဝတ်ဆင်ထားပြီး ဝတ်ရုံအမည်းရောင်ကိုဝတ်ဆင်လို့ထားတယ်။သူ့ရဲ့နှုတ်ခမ်းတွေကပြုံးနေတယ်ဆိုပေမယ့် ထိုအပြုံးတွေကတော့အေးစက်လွန်းနေတယ်။

သူတို့သုံးယောက်လုံးရဲ့ခန္ဓာကိုယ်တွေဟာ ကြောက်ရွံ့မှုကြောင့် တုန်ယင်နေပြီး ချွေးတွေနဲ့ရွှဲလို့နေတယ်။ခနအကြာမှာတော့ ထိုလူ့ဆီကစကားသံထွက်ပေါ်လာတယ်။ဩဇာအာဏာရှိလွန်းတဲ့ဩရှရှအသံကြောင့် သူတို့အားလုံး ဝိညာဉ်လွင့်သွားသလိုပင်ခံစားလိုက်ရသည်။

"လူကြီးမင်းတို့.....အပုန်းကောင်းလိုက်တာဗျာ။ကျွန်တော်က လူကြီးမင်းတို့ကိုနေရာအနှံ့ရှာခဲ့ရတာ...."

သူတို့သုံးယောက်ထဲကတစ်ယောက်က ရှိသမျှသတ္တိတွေကိုစုစည်းကာ မေးလိုက်သည်။သူ့ရဲ့စကားသံကတော့ချောမွေ့မှုမရှိ။ထစ်ငေါ့ ထစ်ငေါ့ဖြစ်လို့နေသည်။

"ဘာ.....ဘာလို့....ကျွန်တော်....တို့ကိုဒီကိုခေါ်လာရလဲဆိုတာ....သိ....သိခွင့်ရှိနိုင်မလား...."