မောင့်ကြင်ယာတော်/ေမာင့္ၾကင္ယာေတာ္(Completed)

၂၉

Unicode

ရှောင်းကျန့်ရဲ့ရေစိုနေတဲ့အလှကိုမြင်ပြီး ကျီရွှမ်းလည်းကျောက်ရုပ်တစ်ရုပ်လိုရပ်နေမိသည်။မျက်ခုံးတန်းတန်းလေးတွေ၊မက်မွန်ပွင့်သဏ္ဍာန်မျက်လုံးလေးတွေ၊ဖြောင့်စင်းနေတဲ့နှာတံလေးတွေ၊ရေစိုထားတာကြောင့်စိုစွတ်စွတ်လေးဖြစ်နေတဲ့နှုတ်ခမ်းရဲရဲလေး၊ပြီးတော့နှုတ်ခမ်းလေးအောက်ကမှဲ့နက်လေး။ရေစိုထားတာကြောင့်ကပ်နေတဲ့ အဖြူရောင်ဝတ်ရုံပါးလေးအောက်က အသားစိုင်ဖြူဖြူနုနုလေးတွေကြောင့် လည်ချောင်း‌တွေခြောက်လာရသည်။ထပ်ပြီးသာစိုက်ကြည့်နေမိရင် ပြောင်းလဲစပြုလာတဲ့သူ့ခန္ဓာကိုယ်ကိုသူထိန်းနိုင်တော့မှာမဟုတ်ပေ။ဒါကြောင့်မို့ ရှောင်းကျန့်ဆီကနေအကြည့်လွှဲလိုက်မိသည်။

သူ့ရဲ့အကြည့်တွေကိုရှောင်းကျန့်အနောက်ကကြာကန်ကြီးဆီသို့ပို့လိုက်သည်။သူ့ကိုယ်သူထိန်းချုပ်လိုက်နိုင်မှ တိတ်ဆိတ်နေတဲ့လူအုပ်ကြီးကိုသတိထားမိလိုက်သည်။လူအုပ်ကြီးကရှောင်းကျန့်ရဲ့ရေစိုအလှကို မျက်လုံးကျွတ်မတ်ငမ်းနေကြတာကြောင့် ကျီရွှမ်းရဲ့မျက်ခုံးတန်းနှစ်ခုဟာအလိုမကျမှုကြောင့်တွန့်ချိုးသွားရသည်။

သူပိုင်တဲ့အရာကိုမျက်လုံးကျွတ်မတတ်ငမ်းနေကြတဲ့ လူအုပ်ကြီးကြောင့်ကျီရွှမ်းရှောင်းကျန့်ဆီသို့သွားရန်ပြင်လိုက်သည်။သူသွားဖို့ပြင်နေတုန်းမှာပဲအနောက်ကတစ်စုံတစ်ယောက်က သူ့ထက်အရင်ရှောင်းကျန့်ဆီသို့ရောက်သွားသည်။ထိုလူကရေစိုနေတဲ့ရှောင်းကျန့်ရဲ့ခန္ဓာကိုယ်လေးကို သူ့ရဲ့ဝတ်ရုံအမည်းနဲ့ဖုံးကွယ်လိုက်ကာ ရေထဲကရှောင်းကျန့်ကိုခါးကနေပွေ့ကာချီလိုက်သည်။ကျီရွှမ်းရဲ့မျက်နှာအလိုမကျမှုအပြင် ဒေါသတို့ပါဝင်ရောက်လာသည်။ရာရာစစ....ဘယ်သူကများသူပိုင်တဲ့အရာကိုထိရဲရတာလဲ....။

___________________________________

အစေခံမလေးရေထဲပြုတ်ကျမှာကြောင့် ရှောင်းကျန့်လှမ်းထိန်းပေးလိုက်တာ။ဒါပေမယ့်ထိုအစေခံမလေးကသူ့ကို တွန်းလိုက်မယ်လို့သူမထင်ထားမိဘူး။သူနဲ့လည်းအငြှိုးမရှိဘဲဘာကြောင့်များရှောင်းကျန့်ကို တွန်းချရတာလဲ။ရေထဲပြုတ်ကျသွားသော်လည်းငယ်ငယ်တည်းကသူ့ကိုရေကူးသင်ပေးထားတဲ့ ခမည်းတော်ကြောင့်သူ့အတွက် ရေကူးရန်မခက်ခဲပေ။