Before Rosa

[BR 10]

R A F F Y
Before Rosa 10

○○○

Ilang araw na akong hindi makatulog.

I consume large amounts of coffee in the morning and then another batch in the afternoon. Halos gawin ko nang dextrose ang kape.

Isinisisi ko sa sofa ang lahat. Masakit talaga s'ya likod teh, walang biro.

Pero... hindi lang naman 'to ang dahilan.

Dino sent me a DM two days ago. Walang bati o kung ano. Just an address. The address is somewhere in Thailand. And judging from his recent posts on Instagram, he is in Thailand.

So, ano 'to, address niya? Para saan? Para puntahan ko siya? Is that it?

"Nakabusangot ka?" biglang sulpot ni Sia sa harap ko. Nakaupo ako sa counter stool, nagkakape pagkagising, nang pumasok siya sa kusina.

Agad akong nag-stretch ng likod at leeg. "Masakit batok ko teh. Nagsusumigaw ng 'kamaaaaa'."

Inirapan niya naman ako. Kagigising lang niya at maga pa ang kaniyang mga mata. Walang pakealam si Sia sa hitsura niya kapag ako lang ang kaharap. Ang bastos nga eh. Nagsuklay naman sana siya bago bumaba.

Dumiretso siya sa lababo at saka naghilamos. Habang ginagawa niya 'yun, sinabi kong, "may agahan sa mesa."

Inangat niya ang tingin saakin, nakataas ang isang kilay, nagtatanong. "Ha?"

"Sabi ko, may agahan na sa mesa."

Tumango siya. "Okay. Pwede pala akong magkape?"

"No," agad kong sagot. "Orange juice, pwede."

Sumimangot siya. "Orange juice nanaman ang panapat mo. Wala na bang iba?" Kunot-noo siyang naglakad papunta sa ref para maghanap ng maiinom.

"Gatas," sabi ko. "O tsaa."

May inabot siya sa loob ng ref. "Tubig na nga lang," aniya.

Napangiti ako habang umiiling. Parang baliw talaga 'tong babaeng 'to.

"Anong oras daw ba darating ang kama mo?" tanong niya pagkatapos uminom.

"Hindi ko alam. Pero sana maya-maya na. Aalisan ko pa ng laman ang office."

Tumango siya. "Kailangan mo ng tulong?"

Napangiti ako. Pinapangatawanan na talaga niya ang pagiging maybahay ko.

Charot, katulong pala.

Ay. Bakit parang yaya ang dating? Ano... katuwang? Ang lalim gurl.

Umiling nalang ako, parehong kay Sia at sa sarili ko. "Keri ko na mami. Tsaka hindi ka pwedeng magbuhat, noh."

Naglakad siya papunta sa dining table at pinagmasdan ang mga pagkaing naroon. Fried rice lang naman 'yun at saka tocino. Kinuha niya ang mga plato at saka tumabi saakin. Ipinatong niya ang pagkain sa counter top.

"Hindi ko naman kailangang magbuhat," pilit niya. "Pwede naman akong mag-sort ng mga gamit... ganoon. 'Yung magaan lang."

I considered it. Mas madali nga namang may katulong. I remember when Dino and I first bought-- nevermind. Not important.

"Ano na?" pangungulit ni Sia habang kumakain sa tabi ko.

Tumango nalang ako at nanahimik. Baka kung ano pang information ang ma-volunteer ko. Hindi na rin naman nagsalita si Sia. Tahimik at masaya niyang kinain ang niluto kong agahan.