Before Rosa

[BR 12]

Unplanned update ulit. Kumusta kayo?     -A.

---

R A F F Y
Before Rosa 12

○○○

Why does a person hum a melody unconsciously?

Hmmm... well, maraming rason, mare!

Perhaps that person was stressed and ought to ease his burden. Perhaps there's this song stuck in his head. Or, perhaps something good happened and that person is celebrating.

Psychologically speaking, humming has a lot of benefits. It provides relaxation and a sense of inner peace. Kaya, anuman ang rason ng tao para humimig at kumanta-kanta habang naglilinis ay hindi ito dapat mahiya. Normal 'yun! At kailangan natin 'yun!

Sadly, though, Sia doesn't seem to understand it kahit ilang beses ko nang in-explain sakaniya ang benefits of humming. Maya't maya niya parin akong binibigyan ng weird look dahil halos isang linggo na akong pakanta-kanta at humihimig mag-isa.

"Can't you stop it?" she said. Iritado nanaman si Ateng. "For once, Raffy, manahimik ka, please?"

Ibinuka ko ang aking bibig para i-explain ulit sakaniya ang benefits of humming. Pero, inunahan niya akong magsalita.

"Heard it. Don't care," she said.

Ngumiwi ako sabay patuloy sa pagwawalis sa sala. Nagpatuloy lang din naman siya sa panunuod ng cartoons.

Lunes ngayon at maggagabi na. Maagang umuwi si Sia kasi masama raw ang pakiramdam niya. Nang umuwi ako, ganyan na s'ya: nakapajamas, kumakain ng vanilla ice cream na may toyo, at nanunuod ng cartoons dito sa sala.

"Masaya lang naman ako eh," bulong ko. "Party pooper talaga 'to."

"Oo nga pala teh," lingon ko sakaniya nang may maalala ako.

"Hm?"

"Bibili ako ng gift para kay Nanay. Ano, sasabay ka?"

Tatlong beses siyang kumurap bago lumingon sa 'kin. "Anong bibilhin mo?"

Nagkibit-balikat ako sabay patuloy sa pagwawalis. "Cooking utensils? Kitchen stuff? Mga ganern."

"Kailan ka bibili?"

"Bukas? After work?" sagot ko. Ibinalik ko ang walis sa lalagyan at bumalik sa sala. "Ano? Sasama ka ba?"

Pinatay niya ang TV sabay bitbit ang bowl ng pagkain. "Pag-iisipan ko," aniya. Dumaan siya sa harap ko at pumunta sa hagdanan.

"Hindi ka bibili ng gift para kay Nanay?"

Tumigil siya sa paanan ng hagdan. "Hindi pa ba pwede 'to?" turo niya sa kaniyang tiyan.

Napatingin ako roon, tapos natawa. "Best in patawa ka mameh."

"Share tayo rito," sabi pa n'ya. "Diba't best gift na 'to?"

Umiling ako sabay kuha sa remote ng TV. Umupo ako sa dati niyang kinauupuan at binuksan ang TV. "Di ko sure kong nagjojoke ka o hindi."

I saw Sia smile a little. "Joke lang. Sige na. Hindi ko dadalhin ang kotse bukas. Sunduin mo ako sa school," aniya habang umaakyat sa hagdan.

"Yes Ma'am!" sagot ko. Iiling-iling ko nalang inilipat ang palabas sa balita.

Maya-maya, nagtaka ako nang may biglang tumawag saakin mula sa labas. Kinalampag pa nito ang gate, kahit na may doorbell naman kami.

"Ano ba naman 'yan. Sandale! Sino ba 'yan?" tanong ko habang nagsusuot ng tsinelas. Kung sino mang lapastangan 'to, makakatikim sa'kin 'to. Uso magdoorbell, teh!