Midnight Breeze (Chasing Dreams Series #3) | C O M P L E T E D

Chapter 24

"Blooming, teh! Drop your skincare routine!"

Bumungad sa akin ang maingay na si Andeng pagka-park ko ng sasakyan malapit sa Sunken Garden. She just went out of her Vios when she spotted me in front of my car. Ngumisi ako at halos pa-takbo naming nilapitan ang isa't-isa.

"Ano na? Na-miss kitang gaga ka!" I said and let her kiss my cheek.

"I'm perfectly fine!" She drew her attention to my body and smirked at me. "Tell me about you, bakla! I'm serious when I said na blooming ka! Ang unfair lang talaga!"

Kumapit ako sa braso niya at nagpatianod sa kanya. "There's nothing really special about me. Mas curious pa ako sa pakikipag-break ni Charline sa boyfriend niya."

"Korek! Can't wait to see her at nang ma-sample-an ng pamatay kong advice. Baka bukas o sa makalawa, eh, bumubukaka na naman ang babae na ýon dahil sa karupukan niya!"

Humagalpak ako ng tawa. Grabe siya!

Na-kumpleto ang aming barkada nang sabay-sabay na dumating sa room sina Roxanne, Charline, at ang frenemy ni Andrea na si Bethany. Kung hindi nagpatabas ng buhok 'tulad ni Charline bilang tanda ng pag-mo-move on, makikitang kinulayan naman ang kina Bethany at Roxanne. Kapansin-pansin din ang pagkakalapit ng kulay ng mga balat namin ni Andeng dahil isang linggo silang nag-bakasyon ng kanyang pamilya sa Siargao.

"I went to their house and I caught him fucking his best friend..." unang pangungusap pa lang ay napahagulhol na si Charline. New Year na New Year kasi nang nakipag-hiwalay siya sa ex-boyfriend niyang naka-relasyon niya ng mahigit tatlong taon.

"That son of a bitch! Sana man lang ay nasampal mo iyon at binunutan mo ng ilang hibla ýung buhok ng malantod niyang kabet!" inalo siya ni Roxanne sabay saway sa mga nakiki-usyoso naming ka-block. Some of them are new.

Seriously? Cheating at breakup issue na naman?

Andeng crossed her arms and sat on my desk. "Where can we find that asshole so we can beat the hell out of him?!"

"Isama na rin natin ýung kabit niya! Ugh! I hate leeches!" ani Bethany at pinalayas ýung nanggugulo naming classmates.

Tinanggal ni Charline ang suot na specs bago isinubsob ang kanyang mukha sa armchair at mas lalong naiyak. Sinapo ko ang noo ko at iniwas ang tingin sa kaibigan. Mabuti na lang at nagsama-sama kami ngayong second sem dahil mahirap kung mag-isa lang si Charline gawa ng sitwasyon niya.

May mga babaeng tumili sa labas kaya awtomatikong napatingin ako sa pintuan. The handsome and unbothered Agassi walked inside our classroom. Unaý palinga-linga pa siya, pero nang nagtagpo ang aming mga mata ay bigla siyang nabuhayan. Naka-undercut ang buhok niya at may pagbabago ang pangangatawan dahil sa ilang araw na pagbababad sa gym.

"Hailey, yow!" he greeted with overflowing excitement.

Nagsi-tikhim ang mga katabi ko. Inangat ko naman ang kamay ko at sumenyas kay Agassi na okupahan ýung upuan sa harapan ko na naka-reserved para sa kanya.

"Good morning, ladies! What's up?" pa-cool niyang binati ang mga kaibigan kong kinikilig. Maging si Charline ay tumigil sa pag-iyak nang silipin kung sino ýung nagsalita.

Pagka-upo ni Aga ay pumihit siya sa akin, nakangiti. "Himala at hindi ka na-late, Kimchi!"

Ayan na naman ýung pa-uso niyang nickname ko! Ang baho pakinggan!

Tuloy ang pag-uusap nina Andeng kaya inilapit ko muna ang aking upuan sa kay Aga. "Daddy was my alarm clock. Isinabay niya na ako dahil may sasadyain daw siya sa Paete. I don't know... Siguro a-attend sa charity event."