Unicode
အန်းချန်ဖူနှင့် အန်းချန်တိတို့ ခွဲမထွက်သေးခင် အန်းမိသားစုမှာ စာပေပညာရှင်မိသားစုဟု ခေါ်နိုင်ပေသည်။
အရင်သခင်ကြီး*မှာ ကျူရန်**ဖြစ်သည်။ တာ့ယာတိုင်းပြည်တွင် ထိုကဲ့သို့သော အောင်မြင်မှုက သူ့ကို အရာရှိအဖြစ် သတ်မှတ်ရန်ပင် လုံလောက်သည်။ သို့သော်လည်း အရင်သခင်ကြီးက မွေးရပ်မြေသို့သာ ပြန်ဖို့ ရွေးချယ်ခဲ့ပြီး အရာရှိရာထူးကို လက်မခံခဲ့ပါချေ။ ဤပုံရိပ်က သူ့ကို အန်းယွမ်စီရင်စု၌ ရေထဲမှ ငါးတစ်ကောင်လို *** စိတ်ကြိုက်နေထိုင်နိုင်စေသည်။ စီရင်စုအောက်တရားသူကြီးပင် သူ့ကို မျက်နှာသာပေးရ၏။
(E T/N - * -အန်းကျီယန်၏ အဖိုး
-**-နန်းတွင်းစာမေးပွဲများတွင် အောင်မြင်သည့် ဂုဏ်ထူးဆောင်
-***- ရေထဲက ငါးတစ်ကောင်လို ဆိုတာက စကားပုံဖြစ်ပြီး သူကျင်လည်တဲ့နေရာမှာ ပျော်မြူးတယ် ဆိုတာမျိုး)အရင်သခင်ကြီးက သူ၏သားနှစ်ယောက်ပေါ်တွင် မျှော်လင့်ချက်များစွာ ထားရှိခဲ့သည်။ သူက ကျူရန် တစ်ယောက် ဖြစ်ခဲ့သော်ငြား ကျူရန်အဆင့်မှ ထပ်မတက်နိုင်တော့ပေ။ သူ့ရဲ့ဘဝဆန္ဒမှာ အန်းမိသားစုမှ ကျင်းရှီ*တစ်ယောက် ထွက်ပေါ်လာစေရန်ပင် ဖြစ်သည်။ အဆုံးတွင်တော့ သူက သူ့ရဲ့ဆန္ဒကို သူ့သားနှစ်ယောက်အပေါ် ပုံအပ်ထားခဲ့၏။ ထိုနှစ်ယောက်တွင် အန်းချန်တိကသာ အနည်းငယ် အရည်အချင်းရှိပြီး အန်းချန်ဖူမှာတော့ စာပေပညာရှင် ဖြစ်ဖို့ရာ အလားအလာမရှိပါပေ။
(* - နန်းတွင်းအမြင့်ဆုံးစာမေးပွဲ အောင်မြင်သည့် နန်းတော်ဂုဏ်ထူးဆောင်)
သို့သော်လည်း ဒီလိုမျိုး ဖြစ်နေလျှင်တောင်မှ အန်းမိသားစု၏ ဂုဏ်သတင်းသည် အတော်လေး ကျယ်ပြန့်နေပြီး အန်းယွမ်စီရင်စု၌ ကျော်ကြားနေပြီ ဖြစ်သည်။
အရင်သခင်ကြီးမှာ စာပေ၌ အရည်အချင်းရှိလှပြီး ကျက်သရေအပေါင်း ခညောင်းသော စာပေပညာရှင် ဖြစ်သည်။ သူ အထူးပြုကျွမ်းကျင်သည်က ကဗျာပိုင်းမဟုတ်လေဘဲ ပန်းချီရေးဆွဲရာ၌ ဖြစ်၏။ သူ့ရဲ့ပန်းချီကားချပ်တိုင်းတွင် ထူးချွန်ပြောင်မြောက်မှု၊ ဆွဲဆောင်မှုတို့ ရောယှက်လျက်ရှိပေသည်။ တစ်ယောက်ယောက်ကသာ သူ့ရဲ့ ပန်ချီကားများကို ရောင်းလိုကြောင်း ပြောလာပါက အလွန်မြင့်မားသည့် ငွေကြေးကို ပေးချေရပေလိမ့်မည်။
YOU ARE READING
The Big Landlord(MM Translation)
Historical Fictionသူသည် မာနထောင်လွှားပြီး မောက်မာဝံ့ကြွားလှသည့် အန်းမိသားစု၏ သခင်လေး အန်းကျီယန် ကိုယ်ထဲသို့ ကူးပြောင်းလာခဲ့၏။ သူကြုံတွေ့လိုက်ရသည့် ပထမဆုံး ပြဿနာမှာကား အန်းကျီယန်သည် ပေါင် ၂၀၀ ကြီးများတောင် ဝတုတ်နေခြင်းပင်! "ထိုလူ ကပြောသည်...သူ့ကို မကြာခင် လွှတ်ပေးပါမည...