Unicode
"သခင်မလေး...ကျွန်မတို့ ပြန်ရောက်ပါပြီ"
အခန်းထဲသို့ လူက မရောက်သေးသော်ငြား ချောင်အာ၏ အသံကတော့ အခန်းထဲ၌ ဦးစွာ ပျံ့နှံ့သွားပြီ ဖြစ်သည်။ သူတို့က အခန်းထဲသို့ မဝင်ရသေးရုံသာ ဖြစ်ပြီး တံခါးဝရောက်ချိန်တွင်တော့ ဝင်ပေါက်နားတွင် ဂနာမငြိမ်ဖြစ်နေသော အန်းယွီကျီး ကို တွေ့လိုက်ရ၏။
အန်းယွီကျီး ၏ အသားအရည်အရောင်မှာ သိပ်မကောင်းလှပါချေ။ ခုနစ်ရက်အကြာ၌ ဖူနန်းတော်သို့ လက်ထပ်ပြီး ဝင်ရောက်သွားရမည်ကို တွေးလိုက်မိချိန်တိုင်း သူမမျက်နှာပေါ်တွင် ပျော်ရွှင်မှုအရိပ်အယောင်မျှပင် မရှိတော့ပဲ ကြောက်ရွံ့မှုသာ ရှိနေတော့၏။
"ငါ နင့်ကို စုံစမ်းခိုင်းထားတဲ့အကြောင်းက အခြေအနေ ဘယ်လိုရှိလဲ?"
ချောင်အာက တစ်စက်မှပင် သတိမထားမိဘဲ ပျော်ပျော်ရွှင်ရွှင် ပြောလာ၏။
"သခင်မလေး...ဖူဝမ်ရယ်နဲ့ လက်ထပ်မယ့်သတင်းက ကျွင်းကျီမြို့တစ်ခုလုံးကို ပျံ့နှံနေပြီ...ကျွန်မကြားတာကတော့ ဧကရာဇ် က လက်ထပ်ပွဲကို ခွင့်မပြုတဲ့အပြင် ဖျက်သိမ်းဖို့ အမိန့်ပေးခဲ့တာတဲ့။ ဒါပေမဲ့ သူက အရမ်းကို တန်ဖိုးကြီးတဲ့ ပစ္စည်းတွေကိုပဲ ချီးမြှင့်လိုက်တော့တယ်ဆိုတော့ သခင်မလေးအနေနဲ့ ဖူမိသားစု ထဲ ဝင်ရောက်ဖို့ စောင့်နေရုံပဲ ရှိတော့တယ် "
အန်းယွီကျီး ၏ မျက်နှာက ချက်ချင်းဆိုသလို ဖြူဖျော့သွားတော့သည်။
"သခင်မလေး...ဘာမှားနေလို့လဲဟင်?"
ရှင်းအာကား သူမ၏ ထူးဆန်းနေမှုကို ဦးစွာ သတိထားမိသွားသူ ဖြစ်သည်။
ချောင်အာက ကြည့်လိုက်ကာ သခင်မလေး၏ ဖြူဖျော့နေသော မျက်နှာကို မြင်သွားလေ၏။
"သခင်မလေး...ကျွန်မတို့ကို မခြောက်ပါနဲ့...တစ်နေရာရာများ နေမကောင်းသလို ခံစားနေရလားရှင်?"
သူမက ပြောပြီးသည်နှင့် ယွီကျီးအတွက် ရေနွေးနွေးတစ်ခွက် ထည့်ပေးလိုက်၏။
အန်းယွီကျီး က ခွက်ကို ယူရမည့်အစား ချောင်အာ၏ လက်ကောက်ဝတ်ကို တင်းတင်းဆုပ်ကိုင်လိုက်လေ၏။ ဆုပ်ကိုင်ရာတွင် အားများစွာ ထည့်ထားခြင်းကြောင့် သူမလက်ချောင်းများပင် ဖြူရော်နေပေသည်။
YOU ARE READING
The Big Landlord(MM Translation)
Historical Fictionသူသည် မာနထောင်လွှားပြီး မောက်မာဝံ့ကြွားလှသည့် အန်းမိသားစု၏ သခင်လေး အန်းကျီယန် ကိုယ်ထဲသို့ ကူးပြောင်းလာခဲ့၏။ သူကြုံတွေ့လိုက်ရသည့် ပထမဆုံး ပြဿနာမှာကား အန်းကျီယန်သည် ပေါင် ၂၀၀ ကြီးများတောင် ဝတုတ်နေခြင်းပင်! "ထိုလူ ကပြောသည်...သူ့ကို မကြာခင် လွှတ်ပေးပါမည...
