"ဒါက အစုတ်ကြီးကွာ။ ကိုယ် ဝတ်ထားပြီးသားကြီး"
"အော...စုတ်တော့မစုတ်ပါဘူး။ နည်းနည်းလးတောင်ပြဲစုတ်နေတဲ့နေရာမရှိဘူး။ ဝတ်ထားပြီးသားပေမယ့် အသစ်လိုပဲ"
အရောင်ကင်းတဲ့မျက်ဝန်းတွေနဲ့ ကျွန်တော့်ကိုငေးကြည့်ပြီးပြောနေ၏။ တကယ်ကို အူတိအူကြောင်နဲ့ နားရွက်တွေကို ဆွဲလိမ်ပစ်လိုက်ဖို့သာ ကောင်းသည်။
"မရှက်ဘူးလား ဟမ်!"
"ခိုးထားမှ မဟုတ်တာ"
မရှက်ဘူးလားဆိုတဲ့စကားကို ရှက်သွားပုံရသည်။ မထုံတထေးဖြစ်နေတဲ့ပုံစံကို ကျွန်တော် တကယ် အားမလိုအားမရဖြစ်လာ၏။
"မဟုတ်လည်း မဝတ်နဲ့ ချွတ်ကွာ"
စကားပြောနေတဲ့တစ်လျှောက်လုံး ကျွန်တော်ကိုင်ထားမိတဲ့ ကျောပိုးအိတ်ကြိုးကို သူ့ပုခုံးပေါ်ကနေ ဆွဲချလိုက်ပြီး အင်္ကျီကိုပါ ချွတ်ချမိသည်။ ရှုပ်ထွေးသွားတဲ့ ကျွန်တော့်လက်တွေကို တားချိန်မရဘဲ သူ့ကျောပိုးအိတ်က မြေပေါ်ကို ပစ်စလက်ခတ်ပြုတ်ကျသည်။ သူ့ကိုယ်ပေါ်က အင်္ကျီတွေလည်း ဖရိုဖရဲ။ ကျွန်တော့်လက်နှစ်ဖက်ကို ချုပ်ကိုင်ပစ်လိုက်တာ ချက်ချင်း။ သွားပြီ ကျွန်တော် လွန်သွားပြီ။ ဒီတဒင်္ဂလေးအတွင်းကို ကျွန်တော့်ကိုယ် ကျွန်တော်လည်းမသိလိုက်ဘဲ အထိန်းချုပ်ကင်းမဲ့သွားခဲ့၏။ သူဝတ်ဖို့ပေးခဲ့တာပေမယ့် တကယ်တမ်းမြင်လိုက်ရတဲ့အချိန်မှာ ကျွန်တော်ရှက်သွားခဲ့တာ။ ဒါကပဲ ဖြစ်တည်မှုတူညီပေမယ့် ယိမ်းယိုင်ပုံခြင်းမညီမျှတဲ့ ကျွန်တော့်စိတ်။
သူက ကျွန်တော့်လက်တွေကို လွှတ်ချပြီး အင်္ကျီချွတ်သည်။ မျက်နှာကပျက်ယွင်းသည်မဟုတ်ဘဲ အကြည့်တွေကိုလွှဲဖယ်ထားသည်။
"မဝတ်တော့ဘူး။ ပြန်တော့မယူပါနဲ့။ ပေးပြီးသားပစ္စည်းပြန်ယူရင် မျက်စိစွံတတ်တယ်"
မျက်ဝန်းတွေ ကျွန်တော့်ဆီမရောက်လာအောင် သိသိသာသာရှောင်ဖယ်၏။ အင်္ကျီကိုကျောဘက်ကနေပူးခေါက် ရင်ဘတ်မှာပိုက်ပြီး ကျောပိုးအိတ်ကိုကောက်လွယ်သည်။
"သွားတော့မယ်နော်"
ကျွန်တော် သူ့ကိုလှည့်မကြည့်ရဲတော့။ ခြေသံက လေးလေးမှန်မှန်နဲ့ ကျွန်တော့်အပါးကနေ စွန့်ခွာသွားသည်။ နဂိုမကြည်တဲ့ ကျွန်တော့်စိတ်က အပြာရောင်ကောင်းကင်ပြင်ပေါ်မှုန်မှိုင်းတက်လာတဲ့ မိုးသားတိမ်လိပ်တွေလို ငွေ့ရည်ဖွဲ့တည်ကုန်၏။
