"ဒီမနက်တော့ တက္ကစီနဲ့ပဲ သွားလိုက်နော် သား။ ညနေမှ ကုမ္ပဏီက ကလေးတစ်ယောက်ယောက်ကို လာကြိုခိုင်းလိုက်မယ်"
"ရတယ် မာမီ။ ဖြိုးလေးဖြစ်ဖြစ်၊ ရဲဘုန်းဖြစ်ဖြစ် တစ်ယောက်ယောက်ကို လာခေါ်ခိုင်းလိုက်မယ်။ မာမီ စိတ်ဖြောင့်ဖြောင့်နဲ့သွားပါ"
ညီမလေးတို့ကျောင်းမှာကျန်ခဲ့တဲ့ကားကို သွားကြည့်ရမယ့်အကြောင်းပြချက်နဲ့ပဲ ဒီမနက် ညီမလေးကျောင်းပို့တာဝန်ကို မာမီယူသည်။ ဆောင်းလေငွေ့ငွေ့ကိုနှုတ်ဆက်ထွက်ခွာကာနီး ဖေဖော်ဝါရီလက မြူနှင်းမကွဲချင်သေး။ မာမီနဲ့ညီမလေး ကားပေါ်တက်သွားတဲ့ထိ လိုက်ကြည့်နေရင်းမှ ရီဝေဝေနဲ့အိပ်ချင်မူးတူးစိတ်ကိုဖျောက်ဖို့ ကျွန်တော့်ဆံပင်တွေထဲကို လက်ထည့်ဆွဲဖွပစ်ရသည်။ ကားထွက်သွားလို့ ဝေ့ကျန်ခဲ့တဲ့လေပွေတစ်ချက်က စိမ့်ခနဲ။ အနွေးထည်အင်္ကျီရင်ဘတ်ကို ဆွဲစိပြီး လက်တွေကို တင်းတင်းကြပ်ကြပ်ပိုက်မိ၏။ မြူနှင်းဝေဝေထဲ မှုန်မှိုင်းထုံထိုင်းတဲ့အာရုံတို့နဲ့ သမ်းဝေမိတာကို လက်ခုံနဲ့အမြန်ဖိအုပ်ရသည်။ မျက်ဝန်းအိမ်ထဲဝေ့သီတက်လာတဲ့အရည်ကြည်တွေကြားကမှ မတ်တပ်ရပ်နေသူတစ်ဦးကို ကျွန်တော် မြင်၏။ မျက်လုံးကိုမှိတ်လို့ အိကျလာတဲ့အရည်စက်တွေကို လက်ညှိုးနဲ့လက်မသုံးပြီး ဖိဖွသုတ်ဖယ်လိုက်ပြီးမှ အာရုံစူးစိုက်လှမ်းကြည့်ရသည်။
ကျောပိုးအိတ်ပုခုံးကြိုးတစ်ဖက်ကို ဆုပ်ကိုင်ထားပြီး လက်တစ်ဖက်မှာ စာအုပ်တစ်ပွေ့တစ်ပိုက်နဲ့။ ကျွန်တော် ကိုယ်တိုင်ရွေးယူဝယ်ပေးခဲ့တဲ့ ကော်ဖီရောင်ဖျော့ Hoodie ညိုညိုက နေရောင်ခြည်လောက်မနွေးပေမယ့် လန်းဆန်းတက်ကြွမှုရောင်ခြယ်သည်။ မတ်မတ်ရပ်နေတဲ့ ခြေတစ်စုံကို လှမ်းကြည့်မိတော့ ဖြူစိမ်းရောတဲ့ ဆင်ကြယ်စိမ်းကို မစွန့်သေး။ ဒီကောင်ကတော့။ တိုက်နှစ်ခုကြားအကွာအဝေးကို ကျွန်တော့်ခြေလှမ်းကျဲကျဲတွေနဲ့ချုံ့ပစ်လိုက်သည်။ သူ့ရှေ့မျက်နှာချင်းဆိုင် ခါးထောက်ရပ်ကြည့်တော့ သွားတန်းဖွေးဖွေးတွေပေါ်အောင်ပြုံးပြ၏။
"အစ်ကို"
မျက်နှာကဘာမှမလိမ်းထားတာ သိသာသည်။ ရေထိခဲ့တာမကြာသေးပုံရတဲ့ မျက်နှာကနုစင်နေ၏။ နှင်းမြူအေးအေးကြား မြင်လိုက်ရတော့ နုငယ်မှုအပေါ်ကြည်စင်ရှင်းသန့်မှုတွေ ထပ်လောင်းသွားရော။
