1) အပိုင်း (၁၀) မှာ ဇာမဏိ ပထမဆုံးဝယ်တိုက်တဲ့ ဘာဘယ်တီးဘူးအောက်ခြေကို အပေါက်လေးတွေဖောက်ပြီး ရပ်ဝန်းနေသော်တစ်ယောက် Cactus ပင်လေးတစ်ပင်စစိုက်ခဲ့ပါတယ်။ နောက်ပိုင်း ဇာမဏိ ဘာဘယ်တီးဝယ်တိုက်တိုင်း ဘူးခွံတွေဆေးပြီး မတူညီတဲ့ Cactus အမျိုးအစားတွေစိုက်ခဲ့တာ စုစုပေါင်း ဆယ်ပင်တိတိရှိပါတယ်။
2) အပိုင်း(၁၁) မှာ ဖိနပ်သစ်ကြောင့် ခြေထောက်ပေါက်ရင်စီးဖို့ ရပ်ဝန်းနေသော်ပေးခဲ့တဲ့ စတေကာထဲက ဝက်ရုပ်စတေကာလေးကို ပိုက်ဆံအိတ်တွေဘယ်လောက်ပြောင်းပြောင်း ဇာမဏိတစ်ယောက် အမြဲထည့်သိမ်းထားခဲ့ပါတယ်။
3) အပိုင်း(၁၁) မှာဖြစ်ခဲ့တဲ့ အထင်လွဲမှုကြောင့် ဇာမဏိတစ်ယောက် အဲ့နောက်ပိုင်းကစပြီး ရပ်ဝန်းနေသော်ဆီ ph sms သာပို့ပါတော့တယ်။
4) ဇာမဏိနဲ့ ရပ်ဝန်းနေသော်တို့ရဲ့ FB profile photo က ရပ်ဝန်းနေသော် ဘွဲ့ယူတုန်းက ဇာမဏိကျောပိုးထားတဲ့ပုံဖြစ်ပါတယ်။
5) ရပ်ဝန်းနေသော်ကို messenger မှာ အီစီကလီအထာလာပေးစကားပြောကြတဲ့သူတွေကို ဇာမဏိက ဒိုင်ခံဘလော့လေ့ရှိတတ်ပါတယ်။ (မှတ်ချက်_ ရပ်ဝန်းနေသော် မသိပါ) :3
6) ဇာမဏိက တကယ်ပဲ Lipo အစား Carabao Energy Drink ပဲ ရပ်ဝန်းနေသော်ကို ပြောင်းတိုက်ခဲ့ပါတယ်။
7) ရပ်ဝန်းနေသော်တစ်ယောက် နှစ်ယောက်အတူတူနေမယ့်အိမ်ကိုပြောင်းတဲ့အချိန်
ဇာမဏိဝယ်ပေးထားတဲ့ အလှမွေးငါးကန်ကို ယူသွားခဲ့ပါတယ်။ တူလေး လင်းလွန်းလျှံသော် ဝမ်းနည်းပက်လက်ငိုယိုတားခဲ့ပေမယ့် မျက်တောင်တစ်ချက်မခတ်ဘဲ ယူသွားခဲ့တာပါ။ ရပ်ဝန်းနေသော်ရဲ့ဘဝမှာ ပထမဆုံးအကြိမ်အဖြစ် မိသားစုဝင်အငယ်ကို အလျှော့မပေး မလိုက်လျောခြင်းပဲ ဖြစ်ပါတယ်။8) ဇာမဏိဘွဲ့ယူမယ့်အချိန် အိုဆာကာရောက်နေတဲ့ ရပ်ဝန်းနေသော်ရဲ့ စာမေးပွဲနဲ့တိုက်နေတဲ့အတွက် ဇာမဏိတစ်ယောက် Graduation Ceremony မတက်ခဲ့ပါဘူး။ လေးနှစ်လုံး MMU Roll.1 အဖြစ် ဗိုလ်စွဲခဲ့သူမို့ ကျောင်းသားကျောင်းသူတွေကြား ပြောစမှတ်ဖြစ်ခဲ့ပါတယ်။