"သင်ပေးမယ်မလား"
နှုတ်ခမ်းတွေနဂိုအတိုင်းနေရာမကျနိုင်ခင် နောက်တစ်ကြိမ်တောင်းဆိုသည့်အသံ။ ကျွန်တော့်စိတ်အညွှန်းအာရုံက မြှားချိတ်ချွန်တစ်ခုနဲ့ချိတ်ယူခံထားရသလို အပြုံးရှိရာ နှုတ်ခမ်းထောင့်စွန်းတစ်ဖက်မှာ တွယ်ငြိနေမိ၏။
"အစ်ကို..."
နက်မှောင်တဲ့မျက်ဝန်းတွေနဲ့ချွန်မြတဲ့သွားစွယ်ရှိရာ နှုတ်ခမ်းထောင့်စွန်းတို့ လိုက်ဖက်ညီမှုအတိုင်းတာက နေရောင်နွေးနွေးဖြန်းပက်ခံရတဲ့ နံနက်ခင်းနဲ့ အလားသဏ္ဌာန်တူ၏။ အပြုံးက ကူးစက်တတ်တဲ့ သဘောသဘာဝရှိသည်။
"သင်ချင်တဲ့ သီချင်းရှိလို့လား"
"အဲ့လိုတော့မရှိဘူး"
တစ်စုံတစ်ခုကိုပေါ့ပေါ့ပါးပါးစဉ်းစားဟန်ကတောင် မျက်လုံးအကြည့်တွေ နေရာမရွေ့ဘဲ တည်ငြိမ်တတ်တာက အညာသားအကျင့်မှန်းကျွန်တော် သိလာတတ်ပြီ။
"ဒါဆို နားထောင်နေကျသီချင်းရော"
"နားထောင်နေကျရယ်လို့မဟုတ်ပေမယ့် နားရည်ဝနေတဲ့သီချင်းရှိတယ်"
"ပြောကြည့်လေ"
"မနောသီချင်း"
"ဘာ!"
ဂစ်တာကြိုးပေါ်က ကျွန်တော့်လက်ချောင်းတွေချော်ကျပြီး နားဝင်ဆိုးတဲ့မြည်သံကြီးက ကျွန်တော့်အော်သံကိုတောင်ဖုံးသွားသည်။ ပန်းလေးလှလို့ ငေးနေတုန်း ခါချဉ်ကိုက်ခံရလို့ တွန့်လိမ်သွားရတဲ့ ခံစားချက်လိုမျိုး အဆီအငေါ်မတည့်တာတွေ ထဖြစ်တာ။ ဒါမျိုးကို ဖီးငုတ်တယ်လို့ ခေါ်ရမည်။ တစ်ချက်လောက်ထရိုက်လိုက်လည်း ဘာလို့အရိုက်ခံရမှန်း သူ့ကိုယ်သူသိမယ့်ကောင်စားမျိုးဟုတ်မနေဘူး။ ကျွန်တော့်စိတ်ကိုပဲပြန်လျှော့ပြီး အသက်ရှု လေ့ကျင့်ခန်းလုပ်လိုက်ရသည်။ မဟုတ်ရင် တကယ်တစ်ချက်လောက် တီးမိတော့မှာ။
"အစ်ကို သင်ပေးမယ်မလား"
"မင်းနော်...မင်း!"
"အဲ့လိုသီချင်းတွေကျ အစ်ကိုဘယ်သိမလဲနော်"
ကျွန်တော့်အသံနေအသံထားပြောင်းသွားတာလောက်ကို အရိပ်အကဲဖတ်တတ်တာပဲ ကျေးဇူးတင်ရမည်။ မျက်လွှာကိုအောက်ချပြီး နှုတ်ခမ်းတွေပြန်စေ့သွား၏။ တစ်ယောက်ယောက်များဝင်လာလို့ ဒီမြင်ကွင်းကိုတွေ့ရင် ကျွန်တော်ကပဲ အသက်မပြည့်သေးတဲ့ကလေးကို စိတ်ပိုင်းဆိုင်ရာ ညှင်းပန်းနှိပ်စက်မှုလုပ်နေတယ်ထင်မှာ အတိအကျပင်။
