🔆⭕နာမည်တွေမှာ အာနိသင်ရှိတယ်လို့ ဆုက အယူနည်းနည်းသီးတယ်။ ဇာမဏိနာမည်ကို သူ့ကာရိုက်တာ လူ့ဂွစာပုံစံနဲ့လည်းလိုက်ရမယ် ရပ်ဝန်းနေသော်ရဲ့တစ်ခြမ်းကိုဖြည့်ပေးနိုင်လောက်အောင် နွေးထွေးတဲ့ပုံစံလည်းရှိရမယ့် ✔✔ဇာမဏိ✔✔ လို့ပေးထားတာ။ ဆံခတ်မပါတဲ့ ✔✔ဇာမဏိ✔✔ အသံကနောက်ဆုံး "ဏိ" မှာ ပြန်မြင့်တက်သွားတာပါ။
ဆံခတ်ပါတဲ့ ❌❌ဇာမဏီ❌❌ အသံထွက်က အသံထွက်တန်းပါတယ်။
ဒါ့ကြောင့် ✔✔ဇာမဏိ✔✔ဆိုတဲ့ကောင်လေးရဲ့ နာမည်အာနိသင် ပြောင်းမသွားအောင် သတိထားပေးဖို့ ဆုက အနူးအညွတ်မေတ္တာရပ်ခံပါတယ်။ နာမည်ကိုစာလုံးပေါင်းမှားနေတာမြင်ရင် ရပ်ဝန်းနေသော်ကောင်လေးကို ပြောနေတယ်လို့မထင်လို့ စာဖတ်သူတို့ကပဲ ဒီကောင်မလေးရဲ့အယူသီးမှုကို နားလည်ခွင့်လွှတ်ပါရမီဖြည့်ပေးကြပါဗျာ♥️♥️♥️
🔆🔆🔆🔆🔆🔆🔆🔆🔆🔆🔆🔆
"ပေါင်ဒါနံ့တွေစွဲနေရအောင် အစ်ကိုက ကလေးလေးလားဟင် အစ်ကိုရဲ့"
အိမ်ကမထွက်ခင် သားသားကိုပေါင်ဒါလိမ်းပေးပြီး ချီပိုးခဲ့တဲ့ ကျွန်တော့်ကိုယ်ပေါ်မှာ ကလေးပေါင်ဒါနံ့တွေကပ်ငြိကျန်နေခဲ့ပုံရသည်။ ဒါကိုပဲ သူ့မှာ ကျွန်တော့်လက်ဖျံတွေကို တတိတိကိုက်လိုက် သားသားပါးနဲ့ပွတ်တိုက်မိခဲ့တဲ့ ကျွန်တော့်ပါးကို နှုတ်ခေါင်းနဲ့တိုးတိုက်လိုက်။ သူ့မျက်ဝန်းတွေထဲ ကလေးပေါင်ဒါနံ့ထွက်နေတဲ့ ကျွန်တော့်ကိုအသည်းတယားယားဖြစ်နေတာ သိသာလွန်း၏။
"ချစ်တယ် အစ်ကိုရဲ့"
ကျွန်တော့်ကို ကားနောက်ဖုံးပေါ်တင်ထားပြီး သူကမတ်တပ်ရပ်အနေအထားနဲ့မျက်နှာချင်းဆိုင်နေသည့်အတိုင်း ကျွန်တော့်ခါးကနေ တင်းကြပ်နေအောင်ဆွဲဖက်ပြန်သည်။ ကျွန်တော့်ရင်ခွင်ထဲဝင်လာသူရဲ့ ဆံပင်တိုတိုလေးတွေကို မြတ်မြတ်နိုးနိုးငုံ့နမ်းမိ၏။ သူနဲ့အတူရှိခွင့်ရသည့် နောက်ထပ်ဆောင်းရာသီတစ်ခု။
လမင်းနဲ့ ဆောင်းအအေးထုက သန်းခေါင်ယံကိုအပိုင်သိမ်းဖို့ စီးချင်းထိုးနေကြ၏။
