[Unicode]
Xiao Zhan နိုးလာတော့သူ့ဘေးကနေရာကလွတ်နေတာကိုသိလိုက်တယ်
“မနက်အစောကြီးထွက်သွားပြီလား?”
Xiao Zhan အပျင်းကြောဆန့်ပြီးထလိုက်ပြီးတော့ မီးဖိုခန်းဆီသွားတယ် သူတို့ကမီးဖိုခန်းဆီသွားဖို့ဧည့်ခန်းကိုအရင်ဖြတ်ရတယ် Xiao Zhan ဧည့်ခန်းကိုဖြတ်သွားတော့ကြည့်တဲ့သူမရှိဘဲတီဗီကြီးဖွင့်ထားတာကိုတွေ့လိုက်ရတယ် Wang Yibo များမီးဖိုခန်းထဲရှိမလားလို့ချောင်းကြည့်ဝောာ့လည်းမရှိဘူး
“နမောနမဲ့နဲ့ တီဗီကိုဖွင့်ထားခဲ့တယ်”
Xiao Zhan တီဗီပိတ်ဖို့ရီမုဒ်ယူဖို့လုပ်တော့ ဆိုဖာပေါ်မှာနှစ်နှစ်ခြိုက်ခြိုက်အိပ်ပျော်နေတဲ့ Wang Yibo ကိုမြင်ပြီးအံ့ဩသွားတယ်
“သူကဘာလို့ဒီမှာလာအိပ်နေတာလဲ?”
Xiao Zhan ကိုယ့်ကိုယ်ကိုစိတ်ရှုပ်ထွေးစွာပြန်မေးတယ်Xiao Zhan Wang Yibo ကိုင်ထားတဲ့ရီမုဒ်ကိုယူပြီးတီဗီပိတ်လိုက်ပြီးတော့ Wang Yibo ကိုပုခုံးပုတ်ပြီးနှိုးလိုက်တယ်
“Bo! ထတော့!”
“ဟင်းးး...”
Wang Yibo အပျင်းကြောဆန့်ပြီးတော့ မျက်လုံးဖြည်းဖြည်းချင်းဖွင့်တယ်“ဘာလို့ဒီမှာအိပ်နေတာလဲ?”
“မသိဘူး...”
Wang Yibo ပျင်းရိပျင်းတွဲနဲ့မတ်တပ်ထရပ်တယ် သူ့တစ်ကိုယ်လုံးလည်းကိုက်ခဲနေတယ်
“မင်းပုံစံကပင်ပန်းနေတဲ့ပုံနဲ့ အခန်းထဲမှာအိပ်ရင်ဒီလိုဖြစ်မှာမဟုတ်ဘူး”
Wang Yibo ကဘာမှပြန်မပြောဘဲမီးဖိုခန်းထဲသွားဖို့လုပ်တော့ Xiao Zhan မျက်မှောင်ကြုတ်သွားပြီး Wang Yibo လက်မောင်းကိုကိုင်ပြီးတားလိုက်တယ်
“မင်းအခန်းထဲသွားနားလိုက် ငါမနက်စာပြင်ထားမယ် ကုမ္ပဏီကဘယ်အချိန်သွားရမှာလဲ?”
“ရှစ်နာရီ”
“အခုမှခြောက်နာရီပဲရှိသေးတယ် ပြန်အိပ်လိုက်ဦး ခုနှစ်နာရီမှငါလာနှိုးမယ်”
“ok”
Xiao Zhan အပေါ်ထပ်တက်သွားတဲ့ Wang Yibo ကိုခေါင်းခါပြီးကြည့်လိုက်တယ် အပေါ်ထပ်ကအခန်းတံခါးပိတ်သံကြားမှသူလည်းမီးဖိုခန်းထဲဝင်သွားတယ်
YOU ARE READING
MY FUBU (Translation) (Completed)
FanfictionIt's a translation. I give all credit to original Arthur, kimnielle88. If you want to read thr original fiction, you can go to my wall. There is a reading list named original fictions of my translation. [Unicode] ဒီကမ္ဘာကြီးမှာယောက်ျား မိန်းမအပြင် အ...