အခန်း (၄၉) - ထုထုမျက်ရည် ။
အိပ်ယာပေါ်မှာချည်းအလုပ်ရှုပ်နေတဲ့နှစ်ယောက်က ယခုတလော နေ့စဥ်အလုပ်တွေကိုမေ့လျော့နေခဲ့တယ် ။ ထုထုငါးကြင်းလေး ဖန်အိုးအောက်ခြေလဲနေတော့ထုထု ငါးကန်လေးပိုက်ပြီး လူကြီးကြီးအခန်းထဲပြေးသွားလိုက်တယ် ။ လူကြီးကြီးက မာမီ့ကိုပေါင်ပေါ်တင်ထားရင်း နမ်းနေတယ် ။
"လူကြီးကြီး လူကြီးကြီး "
Alpha ရဲ့ဖခင်ကတုန်သွားတယ် ။
"ဘာဖြစ်တာလဲ ဘယ်သူလုပ်လို့လဲ "
"ထုထုငါးလေးကြည့်ပါဦးနော် ထုထုငါးလေးဘာဖြစ်နေလဲမသိဘူး "
"သေသွားတာလား ယောကျာ်း "
"မသေသေးဘူး "
ထုထုကယခုမှပင် ငုတ်တုတ်လေးထိုင်ချနိုင်ပြီးစိတ်အေးသွားတော့တယ် ။
"ခဏနေသေတော့မှာ ကြေးခွံတောင်ဟနေပြီ "
"အားးး လူကြီးကြီးကယ်ပေး "
"အော် မရတော့ဘူးလေ ယုန်ပေါက်ရဲ့ ၊ ထပ်မွေးချင်ရင် ဒယ်ဒီအိမ်ကနေငါးအများကြီးယူလာပေးမယ် ရေကန်လေးတူးပေးမယ် အဲ့တော့မှမွေးနော် "
"မရဘူး သူ့ကိုကယ်ပါဦး "
ထုထုက ငါးလေးကိုယူလိုက်ပြီး ခပ်ဖွဖွပွတ်သပ်ပေးတယ် ။
"ထုထု လိမ္မာပါ့မယ် သေနဲ့နော် "
ထုထုက ဇွဲရှိရှိချော့နေရင်းပဲ ငါးကြင်းလေးက ထုထုလက်ပေါ်သေသွားခဲ့တယ် ။ လင်းမြွေကငါးကြိုက်ပေမဲ့ အတူနေလာတဲ့ရွှေငါးကြင်းလေးသေတာကိုတော့စိတ်မကောင်းပါဘူး ။ သူဘေးမှာအပုံလိုက်ခွေနေရင်းကြည့်နေခဲ့တယ် ။ သူကူညီစရာများရှိမလားလို့ ခြေထောက်နဲ့တင်ပါးတသားတည်းကျအောင်ပြေးလိုက်တာခဲ့တာ ။ အခုတော့သူ့သူငယ်ချင်းသိပ်ဝမ်းနည်းနေပြီ ။
*****
Alpha ပြန်ရောက်တဲ့အခါ ငါးကန်လေးကိုင်ထားရင်း တအင့်အင့် ရှိုက်နေတဲ့ကောင်လေးကိုတွေ့တယ် ။ အတော်ငိုထားရပုံရတဲ့ မျက်နှာလေးကဖောင်းအစ်အစ် ။ ငိုပြီးလို့ရှိုက်သံထွက်နေပြီဖြစ်နေတဲ့ ကောင်လေးကသူ့သခင်ကိုတွေ့တော့ အိခနဲမျက်ရည်ပြန်ဝိုင်းသွားတယ် ။ Alpha လက်ပေါ်ခေါက်တင်ထားတဲ့ ကုတ်အင်္ကျီကို ဆိုဖာပေါ်တင်ပြီး ကောင်လေးကိုဖက်ထားပေးလိုက်တယ် ။ ငါးကန်ထဲကသေနေတဲ့ငါးကြောင့်အကြောင်းအရင်းကိုတော့သူသိလိုက်ရပြီ ။
YOU ARE READING
Xiao Tu Tu and Leo
FanfictionBJYX FANFICTION YIZHAN YIBO- GONG XIAO ZHAN-SHOU M-Preg