Bawat Daan (Puhon Series #1)

Chapter Twelve

#BD12 — Ferris Wheel

Nabasag bigla ang katahimikan at lahat kami'y napatingin sa kanya. "No." Ani ni Audrey.

Nilapag niya sa lamesa 'yung basong kanina pa niya hawak. Kumunot ang noo ni Drake sa sinabi ng kapatid niya. Hindi ko alam kung ano ba talaga ang nangyayari at kung bakit ayaw pumayag ni Audrey sa gusto ng kuya niya kaya nanahimik nalang ako. Si Fourthsky lang ang mukhang may alam dahil bakas sa mukha niya ang pagaalala.

Tumikhim si Audrey bago magsalita ulit. "We will all watch it together naman later so why don't we just wait for it din together?"

Wala pa ring may gustong bumasag sa katahimikan. Tanging si Audrey lang ang nagsasalita. Nanatili lang ang tingin ni Kazuo sa basong nasa tapat niya habang ang titig naman namin nina Fourthsky, Drake, at Astrid ay na kay Audrey. Lumunok ako nang mapagtantong baka kailangan ako ni Audrey ngayon kaya ayaw niya ako paalisin.

Binaling ko ang ulo ko kay Drake na nakatingin pa rin sa kapatid niya. Inilapit ko ng bahagya ang labi ko sa tenga niya para bumulong. "Saan ba dapat tayo? 'Tsaka anong meron?"

Bigla niya akong nilingon kaya naman napadikit ang labi ko sa pisnge niya. Marahan ko siyang tinulak dahil sa pagkakabigla ko sa nangyari. Narinig ko ang kantyaw nina Fourthsky at Kazuo kay Astrid na masama ang timpla ng mukha dahil sa aksidenteng paghalik ko sa pisnge ni Drake.

Umismid at bumuntong-hininga si Audrey kaya naman biglang bumalik ang kaluluwa ko na lumipad ata kanina. Sinamaan ko lang ng tingin si Drake na hanggang ngayon, e, nakangisi pa rin ng parang aso.

Nakakairita talaga ang kapal ng mukha nitong lalakeng 'to. Sinamaan ko sila ng tingin bago ko ito ilipat kay Audrey. Gusto ko rin sanang humingi ng tawad kay Astrid dahil sa nangyari kasi kahit naman wala silang label, mali pa rin na may ganoong nangyari.

"Fine. Let's go," nakangisi pa ring sabi ni Drake bago damputin ang wallet, phone, at susi ng kotse niya sa lamesa. "MOA."

"Ayun oh!" Fourthsky clapped his hands. "Akala ko si Celest na lang ang isasama mo dun, e! Tropa mo rin naman kami, tss," natatawang sabi niya.

"Astrid... We'll talk," mahinang sabi ni Drake kay Astrid. "Later."

Ipinulupot ko ang dalawang kamay ko sa kaliwang braso ni Audrey. Siguro nagseselos 'to sa kuya niya kasi siya na ang madalas kong kasama. Siya pa rin naman ang best friend ko, e.

Siya lang talaga.

"Nagtatampo ka ba?" Malambing na tanong ko kay Audrey.

Umiling ito. "No."

"Weh?" I raised a brow. "Asus, Addie! Nagseselos ka 'no?" Panunuya ko sa kanya habang naglalakad kami papunta sa kotse ni Drake.

"Kapal mo!" Iritadong sagot niya. "Go ride with your best friend. I'll ride with Fourth."

Hindi raw nagseselos pero iba naman ang pinapakita ng mga galaw niya?

Nako, Audrey Medina!

Dahil sa inaasta niya, mas napatunayan ko lang sa sarili ko na nagseselos nga talaga siya dahil mas nakakasama ko na si Drake kaysa sa kanya na halos araw-araw kong kasama noon sa states.

"Drey..." Fourthsky looked at Audrey with uncertainty written all over his face. "Sa 'kin ka ba sasabay?" Maingat na tanong niya kay Audrey.

"Yes," nakangiting sagot ni Audrey. "Let's go?"

Inalalayan ni Fourthsky sa paglalakad si Audrey papunta sa kanyang kotse na nasa tabi lang ng Raptor ni Kazuo. Hindi ko natanong kung kanino ako sasabay pero mukhang kay Kazuo na naman. For sure, Astrid will ride with Drake. Baka nga magtalo pa 'yung dalawa dahil sa nangyaring hindi ko naman sinasadya.