Bawat Daan (Puhon Series #1)

Chapter Twenty-Two

#BD22 — Girl Talk

Tulad nang inutos ni Kazuo, pinaghandaan nga kami ni Manang ng makakain at extrang damit para makapagpalit kami ngayong gabi. Mayroon naman kaming dalang damit sa van pero bilang lang rin kasi iyon at puro swimwear pa.

Ang plano kasi nila ay doon na mismo kami mamimili ng damit dahil may mga magagandang ukay-ukay daw doon. Magdala na lang din daw kami ng mga swimwear para masulit ang bakasyon sabi ni Astrid. Taga-rito rin pala kasi siya kaya hindi naging mahirap ang pag biyahe namin patungong Laguna.

"Salamat sa damit!" Pagpapasalamat ko kay Kazuo dahil sa pinahiram niyang damit.

Pang-babae nga itong damit na pinahiram niya sa amin, e, kaya paniguradong hindi ito sa kanya. Hindi na ako nagabala pang magtanong. Hindi na rin naman kasi importante, ang mahalaga ay nakaligo kami ng maayos pagkatapos ng Paskuhan na iyon.

"Kaninong shirt 'to, Kazuo?" Tanong ni Astrid habang inaayos ang shirt na suot niya.

Binaling ko ang tingin ko kay Kazuo na ngayon ay nakatitig lang kay Yuriko, para bang naghihintay ng sagot. I knew it. Wala naman kasing kapatid si Kazuo kaya sigurado akong hindi ito galing sa kung sino man sa pamilya nila.

These might be Yuriko's clothes!

He fake coughed. "Old friend."

Nginitian siya ni Astrid na para bang nangangasar at gustong pikunin si Kazuo. Inilingan na lang siya ni Kazuo bago maglakad patungo sa dining area nila para kumain. Inuna muna kasi namin ang pagligo kaysa kumain. Tutal ay nagluluto pa naman din sina Manang kanina.

"I have an extra shirt that you can borrow, why did you accept that?" Biglaang tanong ni Drake galing sa likuran ko.

"Magkukulang ang damit mo. 'Tsaka, ayos naman 'to ah. Wala namang problema rito sa soot ko," sagot ko.

"I know but my clothes would look better on you."

"Stop messing around, Drake Cole."

Pagkatapos naming kumain, nagpahinga na rin muna kami saglit. Si Drake na raw muna ang mag mamaneho paakyat ng Laguna dahil wala pa raw tulog si Kazuo. Galing pa daw kasi siya sa meeting kasama ang tatay niya bago dumiretso sa UST kanina.

"How many hours 'yung biyahe, Kuya?" Tanong ni Audrey habang kinakalikot ang phone niya.

"3 to 4 hours, Quinn," tipid na sagot ni Drake habang hinihintay kaming makasakay lahat. "Why? Miss him?"

Binato ni Audrey ang Kuya niya ng neck pillow. "Annoying!"

Tinawanan ko na lang silang dalawa habang inaayos ang mga pagkain na pinadala ni Manang sa amin. Ayaw niya kasi kaming paalisin hangga't hindi namin inilalagay sa van iyong mga chips, biscuits, at pati na rin iyong niluto niyang buttered shrimp kanina.

"Las Pinas City is kind of big rin pala, 'no?" Saad ni Audrey.

"Dito ka nag highschool, Yuri?" Tanong ko kay Yuriko habang pinagmamasdan ang mga malalaking eskwelahan na nadadaanan namin.

Tumawa bigla ng malakas si Astrid. "Hindi lang kamo siya! Pati si Kazuo!"

Natawa na rin kami ni Audrey nang biglang takpan ni Yuriko ang bibig ni Astrid. Namumutla na nga si Yuriko sa sobrang hiya, e! Para bang ayaw niya nang ibalik ang mga pangyayari sa nakaraan. Tinitigan niya lang ng masama si Astrid bago umayos uli ng upo.

"Daldal mo, Collins!" Iritang sabi ni Yuriko habang hinahampas ng unan si Astrid.

"Kalmahan mo, teh! Nagbibiro lang, e!"

"Magpatugtog ka na lang nga, Kazuo! Hindi na ako makatulog, e," utos ko kay Kazuo na tahimik lang nakaupo sa shotgun seat.

Sinunod naman niya ang inutos ko. Kumalma na rin sina Astrid at Yuriko sa likod at mukhang abala na rin sa pagmamasid sa bintana.