Bawat Daan (Puhon Series #1)

Chapter Twenty-One

#BD21 — Paskuhan

Paskuhan na.

Isa itong annual tradition na rito sa University of Santo Tomas. May mga tutugtog na sikat na banda at marami rin daw estudyante ang pumupunta para makinood. Ang sabi pa nga ni Mitch sa akin ay pwede ko raw imbitahan ang mga kaibigan ko kahit na hindi sila taga rito. Kung may kaibigan daw kasi ang isang outsider na thomasian, iyon na daw mismo ang ticket papasok. One is to one nga lang daw kaya kung marami raw sa kaibigan ko ang pupunta, sila na raw ang bahala roon tutal wala rin naman daw silang isasama pa'ng iba.

[Sis! Ano? Ready ka na ba?] Tanong ni Gabbi sa kabilang linya.

"Still preparing pa," hinihingal na sagot ko.

Nagmamadali ako ngayon dahil si Gabbi ang susundo sa akin papuntang school. Si Astrid daw kasi ay susunod na lang dahil wala si Fourthsky na madalas siyang isinasabay. Si Audrey at Drake naman ang magkasamang pupunta at si Mitch naman ay susunduin daw ni Fronz.

[Dapat date night natin 'tong tatlo, e! Kaso ito namang si Mitch kung kailan tinigil niyo na ni Drake ang relasyon niyo 'tsaka naman siya nakipagmabutihan kay Fronz!]

"Wala kaming relasyon ni Drake, Gabbi," deklara ko. "Nanligaw lang siya at childhood friends kami, 'yon lang."

[Alam mo, Celest, hindi mo na ako maloloko! Ilang buwan na tayo'ng magkasama, 'no! Even without that label, I know you're in love with him and he's in love with you, too! Ngayon ka nga lang ata namin makakasama ng walang Drake sa paligid tapos si Mitch naman ang mayro'n!]

"Hayaan mo na si Mitch, masaya naman siya do'n." Sinara ko na ang pintuan ng condo at nagsimula nang maglakad papunta sa elevator. "Pababa na ako, saan ka na ba banda?"

[Paliko na sa condo niyo. Buhay nga naman, may utang kayong girls night sa'kin!]

"Oo na paguwi namin galing Laguna, girls night natin agad."

Nang makarating na kami sa school, natanaw ko agad ang mga kaibigan kong naghihintay sa gate 14 sa may Lacson banda. Sa sobrang tangkad nina Kazuo at Drake, hindi na naging mahirap para sa 'kin ang hanapin sila.

"Tara na?" Nakangiting tanong ko sa kanila.

Ayaw ko namang ipahalata na problemado ako ngayon. Na hanggang ngayon ay kumikirot pa rin ang puso ko dahil sa naging usapan namin ni Drake. Kaya pinilit ko ang aking sariling maging presentable at mag mukhang masaya pa rin. Sumunod rin naman sila agad sa amin papasok ng university.

Abala sa sarili nilang mundo sina Kazuo at Drake habang si Mitch naman ay abala kay Fronz. Kaming apat lang lang talaga nina Astrid, Gabbi at Yuriko ang nagpapansinan dito dahil abala pa iyong apat.

"Loyal daw sa poging polsci student, e, sa archi student din naman pala babagsak!" Natatawang sabi ni Gabbi na pinaparinggan si Mitch na si Fronz pa rin ang kausap hanggang ngayon.

Nakitawa na lang din ako sa kanila. Tulad nang inaasahan ko, hindi na nga kami ulit nagusap pa pagkatapos ng gabing iyon at kung inaakala kong kakausapin niya ako ngayon dahil Paskuhan naman... nagkakamali ako.

Habang kumakanta ang banda sa stage at abala naman kami sa pagsabay sa kanila, kinuha ko na ang telopono ko sa bulsa para kumuha ng video at litrato para sa Instagram story ko. Para sa memories. Para sa unang Paskuhan sana nating dalawa.

"You asked Kuya raw to stop courting you na?"

Halos mapatalon ako sa biglaang pagsulpot ni Audrey sa tabi ko na kanina ay malayo naman ang kinatatayuan sa 'kin. Nanatili pa ang tingin ko sa kanya ng ilang segundo bago ko ito bawiin.

I scratched the side of my head. "Uh... Yes," kabadong sagot ko.

"If I'm the reason why you did that then please reconsider your decisions. I don't want to see you both in pain. I'm already okay with it—I already moved on from it," she assured me while slightly tapping my shoulder. "I cried that night because I'm so scared to hurt Fourth. I'm not yet done healing but I'm pretty sure that the love I have for you will only remain as a sister love, nothing more. So, don't hurt yourself, and don't hurt my Kuya."