Purple Dream [Complete]

မုန်းတယ်ဂျွန် ဒါပေမဲ့..ဒီနေ့တစ်ရက်တည်း

Unicode

စာရေးစားပွဲပေါ်တွင်တရွေ့ရွေ့ ရွေ့လျားနေသောနာရီ၏လက်တံများက နံပါတ်တစ်ဆယ်ကိုညွှန်းပြနေခဲ့ပြီ။
စာရေးစာပွဲတွင်ရှိသော မီးအိမ်လေး၏ အလင်းရောင်သည်လည်း အနားဝန်းကျင်တစ်ဝိုက်ရှင်းလင်းကြည်တောက်လို့နေ၏။ ထိုအလင်းရောင်အောက်တွင်လည်း ရွှေ့လျားနေသောလက်ချောင်းသွယ်သွယ်လေးများက ရှိလို့နေခဲ့သည်။

သွယ်လျသောလက်ချောင်းများ၏ပိုင်ရှင်မှာtaehyungသာ။
စာကြည့်စားပွဲ ပေါ်တွင်စာရေးနေသောtaehyungမှာ ဆောင်းရာသီ၏အအေးဓာတ်ကြောင့်အနွေးထည်ဝတ်စုံအပြည့်ကိုဝတ်ဆင်ထားပြီး အနွေးထည်ထဲခန္ဒာလေးမြုပ်နေပုံက မူကြိုကလေးလေးလို။
စာရေးခြင်းအပေါ်အာရုံ စူးလိုက်နေသောtaehyungရဲ့ ကြည်လဲ့နေသည့်​မျက်လုံးလေးများကညမီးရောင်မှာတစ်လဲ့လဲ့။ မဟူရာရောင်ကောင်းကင်ပြင်မှ ငွေရောင်ကြယ်ပွင့်လေးတွေအလား။

taehyungမှာကမ်းခြေသွားတုန်းကလွတ်သွားသောစာများကိုကူးပြီးပြီ ဖြစ်သော်လည်း ကမ်းခြေသွားတဲ့နေ့အပြင်နောက်ရက်တွေမှာပါကျောင်းရောက်မလာသောjungkookအတွက် အရေးကြီးသည့်စာများကိုကူးပေးနေရခြင်းပင်။
သူတို့ကမေဂျာတူနေ၍သာတော်တော့သည်။ အချိန်ကနောက်ကျနေမှန်းသိပေမဲ့ ကူးနေသည့်စာများမှာ ပြီးခါနီးနေပေပြီမို့ taehyungမှာစာကူးနေခြင်းကိုမရပ်ရက်။

ခပ်မြန်မြန်လေးလူပ်ရှားနေသော လက်ချောင်းများက အနားမှဖုန်းသံမည်တော့မှ ရပ်တန့်သွားခဲ့သည်။

"Hello Mine"

"အင်း ထယ်... ဘာလုပ်နေတာလဲ။
စာလုပ်နေသေးတာလား"

"အာ မဟုတ်ဘူးminie...
ငါကအခုစာကူးနေတာ..."

"လွတ်သွားတဲ့စာတွေကူးနေတာလား... ဟိုတစ်နေ့တည်းက ကူးနေတာမလား...
အခုထိမပြီးသေးဘူးလားထယ်"

"ဟို... အင်းအဲဒါကလေ... မပြီးသေးဘူးminieရဲ့။
ဟိုတစ်နေ့က ပင်ပန်းပြီးအိပ်ပျော်သွားလို့မကူးလိုက်ရဘူး"

သူminieကိုမုသားပြောလိုက်မိသည်။ ဂျွန်အတွက်စာကူးပေးနေတယ်လို့သာ
minieကိုပြောလိုက်လျှင် minieကစိတ်ဆိုးပြီးဆူတော့မှာမို့။
"ကျောင်းမှန်မှန်မတက်ပဲ အလည်လိုက်နေတဲ့အဲဒီကောင်အတွက် ပင်ပန်းခံပြီးစာကူးပေးနေစရာမလိုဘူး" ဆိုပြီးဟိုတစ်ခါစာကူးပေးတည်းက minieပြောခဲ့ဖူးသည်မဟုတ်ပါလား။
Minieက ဂျွန်ကိုခင်ပေမဲ့အခုလိုနေရာမျိုးတွင်တော့ စိတ်ဆိုးတတ်သည်။
အထူးသဖြင့် သူဂျွန့်ကိုတစ်ခုခုလုပ်ပေးရတာမျိုး၊ ဂျွန်ခိုင်းတာလုပ်ပေးတာမျိုးတွေဆိုminieကလုံးဝမကြိုက်။
သူ့အတွက်ပြောသည့်minieကိုနားလည်နိုင်ပေမဲ့ ဂျွန်ကိုလည်းပစ်မထားနိုင်။
ဂျွန်ဟာ သူ့နှလုံးသားတစ်ခုလုံးကိုအပိုင်သိမ်းထားတဲ့ ဧကရာဇ်တစ်ပါးမဟုတ်ပါပေလား ။