Purple Dream [Complete]

ထားရက်ခဲ့လေသောဂျွန်....

Unicode

"ဘာလုပ်နေတာလဲယောင်း ... မအိပ်သေးဘူးလား"

ဝရံတာတွင်ရပ်ကာ ငေးနေသောtaehyungအား jungkookမေးလိုက်ခြင်းဖြစ်သည်။ ငေးနေသောtaehyungမှာလည်း အသံကြားမှလှည့်ကြည့်လာ၏။
ညမီးရောင်အောက် taehyungပုံစံလေးမှာနွမ်းလျဖျော့တော့စွာပင်။

"ငါခဏနေအိပ်တော့မှာဂျွန်... မင်းကောမအိပ်သေးဘူးလား။နောက်ကျနေပြီလေ...  "

"အိပ်တော့မှာ။ ဒီမှာဒေါ်ကြီးကိုချက်ခိုင်းထားခိုင်းလိုက်တဲနွားနို့ မင်းအတွက်ယူလာပေးတာ။ မင်းအိပ်တော့မယ်ထင်လို့ ငါအခုပြန်နွေးပြီးယူလာခဲ့တာယောင်း.... "

"ကျေးဇူးပါပဲဂျွန်...."

နွားနို့ခွက်အားကမ်းပေးရင်းပြောလာသောjungkookမှာ စကားပြောနေသည့်တိုင်taehyungမျက်နှာအားသေချာကြည့်ခြင်းမရှိ။ အကြည့်ချင်းမဆုံအောင် တစ်မင်ရှောင်လွဲနေသည်ဟု ဆိုလျှင်ပိုမှန်လိမ့်မည်။

နွားနို့ကုန်အောင်သောက်ပြီးသွားတဲ့အထိထိုအနားမှာပင်ရပ်နေသောjungkookအား taehyungငဲ့ကြည့်လာသည်။

"ပြောစရာရှိလို့လားဂျွန်..."

"မဟုတ်ဘူး။ မင်းနေမကောင်းတော့အိပ်သင့်ပြီထင်တယ်ယောင်း... အခုကအိပ်ချိန်ထက်ကိုတော်တော်နောက်ကျနေပြီမလား"

ထိုစကားကြောင့်taehyungမှာခပ်ဖွဖွလေးပြုံး၏။ လရောင်နှင့်မီးရောင်မှိုင်းပြပြအောင် ထိုအပြုံးက ဝမ်းနည်းခြင်းကြောင့်လား... ဝမ်းသာခြင်းကြောင့်လား.... ခေါင်းစဉ်တတ်ဖို့ခက်ခဲလွန်းသည့်အပြုံးပင်။

" ငါအဆင်ပြေပါတယ်ဂျွန်...စိတ်မပူပါနဲ့"

ငါ့အတွက်အဆင်ပြေပါတယ်ဂျွန်...
မင်းအိမ်ပြန်နောက်ကျတဲ့ညတိုင်း ငါမအိပ်ပဲစောင့်နေ​ကျ​ပဲမလား...။
မင်းတော့သိမှာမဟုတ်ဘူးပေါ့။ မင်းအိမ်ပြန်ကျတဲ့နေ့တွေဆို ငါမင်းပြန်ရောက်တဲ့အထိမအိပ်ပဲစောင့်နေခဲ့မိတာကိုလေ...။
မအိပ်ပဲစောင့်တယ်ဆိုတာထက် အိပ်မပျော်နိုင်ဘူးဆိုပိုမှန်လေမလား...။
ငါမင်းကိုစိတ်ပူတယ်ဂျွန်...
မင်းရဲ့ကားအိမ်ထဲဝင်လာတော့မှ ငါစိတ်အေးရပြီး ကုတင်ပေါ်တက်အိပ်ပျော်ချင်ယောင်ဆောင်ရတာလည်း ငါ့အလုပ်တစ်ခုလိုပါပဲ။ အခုတော့ ညနက်မှအိပ်ရာဝင်ရတာကို ငါကျင့်သားရနေခဲ့ပါပြီဂျွန်...။