27th Ruled

32.1K 1.1K 1.3K
                                    

Ruled

Like

Nangingiti akong nagtipa ng mensahe habang nakikita kong nagb-blower na ng buhok si Florisse. Nasa kuwarto kami, kung saan din matutulog kasama ang mga babae pa naming pinsan.

Ako:

Thanks Ken. I miss you too

Ken:

I'll call? Are you busy?

Ako:

Hindi naman. Sure!

Tumayo agad ako at itinuro ang veranda lalo na't lumingon si Florisse. Tumango siya habang tuloy tuloy na ang pagbubukas ko sa glass door.

Natanaw ko agad ang ilaw na nanggagaling sa kabuuang Subdivision. Sa ibaba ay kitang kita ko ang pool at iilang kalat na galing sa aking party at sinisimulan nang linisin ng mga katulong.

Humilig ako sa railings at sinagot ang tawag ni Ken.

"So you're having a pool party? Bikini huh..." he chuckled.

Ngumuso ako. It's actually a one piece white bikini. Hindi naman masyadong revealing pero... it's sexy.

"By the way. I bought a gift for you. Ibibigay ko once you're here in Manila. Say... let's have dinner again?"

Pumikit ako at hindi ko na naman mapigil ang ngiti sa aking labi. Humampas ang hangin. Sumabog ang aking buhok. Dumilat ako at isinabit iyon sa gilid ng aking tainga habang tinitingnan ang nangingislap na mga ilaw sa kabuuan.

"Ibabangga mo na naman?" I chuckled.

"I'll be extra careful, I promise. Badtrip nga. Ayaw na akong payagan magdrive ng aking parents. Mom is too strict. Kahit sarili naming kotse bawal," he groaned.

"Ayos na rin 'yon. Baka maulit pa at malala ang mangyari this time..."

"Paano tayo lalabas nito kung wala akong kotse? Man. I hate this..."

"Pakabait ka muna, Ken... Baka next year malay mo..."

Umikot ang topic namin sa kotse niya. Ramdam kong gustong gusto niya talagang may sarili ulit siyang kotse. Kung nasa harapan ko lang ito, baka nakabusangot na.

Suot ko pa ang ngiti noong matapos ang tawag at muling bumalik sa loob. Nakahiga na si Irah sa kama. Naroon si Rina, sinusuklay pa ang basang buhok ngunit humihikab, si Florisse naman ay bihis bihis na at nakapajama.

"Ano 'yung kwento ni North na nabangga ka raw?" tanong ni Florisse nang inayos niya ang kabilang kama lalo na't kaming dalawa ang magkatabi.

Tumulong ako sa pag-aayos. Si Rina ay humihiga na ng tuluyan at pumipikit pikit na, lalo na't si Irah ay nakaidlip na agad.

"Nabangga kami sa poste habang papauwi. Sobrang gabi na rin kasi," sabi ko habang umuupo na sa kama at hinihila ang kumot para talkpan ang kalahating katawan.

"Boyfriend?" she insinuated.

"Uh. No. Family friend," I smiled.

Tumango siya at gumapang sa aking tabi. Hindi na nagtatanong ngunit nagpatuloy ako sa pagkukwento dahil parang handa siyang makinig.

"May tumawid kasi na itim na pusa. And he's a bit drunk. Iniwasan namin kaya ayon... sa poste—

"A black cat?" putol ni Florisse habang tumatabi na sa akin.

Amoy na amoy ko ang strawberry shower gel ko na ginamit niya.

"Oo. Kawawa naman kung masasagasaan kaya iniwasan namin," paliwanag ko habang napapansin ang pagtatagal ng tingin niya sa akin.

R U L E D (NGS #10)Tahanan ng mga kuwento. Tumuklas ngayon