මෙය මාගේ මනඃකල්පිතයක් පමණි. සැබෑ ජීවිතයේ අයවලුන් හා සම්බන්ධ කර නොගන්න.
ඇයි උඹ දන්නැද්ද බන් ඒක ප්‍රසිද්ධ රහසක් නෙ ... මූ චූටි කාලේ ... කවුද උගෙන් ඒක උදුරගෙන .... "
එයාල තුන්දෙනා කියවනව කියවනව ඉවරයක් නෑ . යාලුවෝ එහෙම වෙන්න ඇති කියල මට හිතුනෙ ඒ තුන්දෙනාම අතරම රහස් කියල දෙයක් නැහැයි කියලා මට මේ ටිකට තේරැන නිසා . ඒ අතින් සමහර බැදීම් මහ පුදුමයි. ලේ නෑකමක් නොතිබුණුනත් ඒ බැදීම් අතර ශක්‌තිමත් විශ්වාසයක් ගොඩනැගිල තියෙනව. මටත් යාලුවෙක් හිටියනම් ඒත් ඒකටත් මට වාසනාවක් නැති තරම්. අවංක යාලුවො ලබන්නත් පෙර පිනක් තියෙන්න ඕන කියනවනෙ. ඒ පින මට නෑ
එච්චරයි. මෙච්චර දේවල් හිත හිත හිටපු මම ආයෙමත් කල්පනා ලෝකෙන් මිදුනෙ ආයෙත් අර කචකචයට. බැල්කනි හොරාගෙ ෆස්ට් කිස් එක අරගත්තෙ කවුරු වෙන්න ඇති ද කියල මට එකපාරටම හිතුන. හේතුවක් තේරුම් ගන්න බැරි උනත් මට ඒගැන මහ අමුතු හැගීමක් දැනුන. ..............
*************************************
"උදුරගෙන, ඒ මොකක්ද බන් ඒ කුනුහරුපෙ . කිස් එකක් බලෙන් උදුර ගන්න පුළුවන් ද කියහන්කො ?"
"මොකද බන් බැරි ඔය යස අගේට කරල තියෙන්නෙ. ඔක්කොමත් හරි කියහන්කො මුගෙ කිස් එක උදුරන් තියෙන්නෙ කෙලිපැංචියක් නම් කමක් නෑ බන් . කොලු පැංචෙක් බන් ...හිහ් හිහ්..."
" දැං හිනා උනා ඇතිද උඹල දෙන්නට .... ඇත්තමයි ඔය හිච්චී කොල්ල අහු වුනොත් එහෙම මන් ඌට..."
" ඒ හීටපන්කො පොඩ්ඩක් ඔහොම. .... මම හිතන්නේ මුන්ගේ ඇල්බම් එකේ දැක්ක මන් ඔය පොටෝ එක"
" මොන ..... පොටෝ එකද බන්. .. "
" වෙන මොකද්ද බන් මුගේ කිස් එක උදුරා ගැනීමේ අග්‍රගන්‍ය අවස්ථාවේදී සිය මෑණියන් විසින් ගන්නා ලද ඡායාරූ සිතුවමක්... ඒ කොහෙද කියහන්කො ඇල්බම් එක ආ..... "
"උඹලත් යාලුවො ද බන් ඈ නොදකින් ඇත්තමයි... මන් දන්නෑ ඔය නල්ලමලේ ඇල්බම් එක..."
" හරි .... උඹ කියන්න ඕන් නෑ මන් ආන්ටි සුදූගෙන් අහන්නම් කෝ ..... ඉවරනෙ කතාව. ... ආන්ටි. ......."
බ්ලැක් ටීෂර්ට් එකක් ඇදගෙන හිටපු ඒ කොල්ල මාලිනී ආන්ටි ට කෑ ගහගෙන කිචන් එක පැත්තට ගියා.. ටික වෙලාවකින් ආයෙමත් ඇවිත් හිටිය තැනින්ම ඉදගත්ත මන් බලාන. ආන්ටි පහල තියෙන රෑම් එකකට ගිහින් ලොකු ඇල්බම් එකක් අරන් ඇවිත් අර කොල්ලට දුන්නා. එයාල ඒක පෙරල පෙරලා මොනා ද හෙව්වා. ඒ අර කිව්ව පොටෝ එක .
