Unicode
ရဲ့ချင်ဟာကိုယ့်အခန်းကိုယ်သာ တည့်တည့်မတ်မတ်ပြန်လာခဲ့တာကြောင့် နောက်ပိုင်းအဖြစ်အပျက်တွေကို သတိမထားမိလိုက်ပေ။
လီဟွား၏ခေါင်းပေါ်မှာရှိတဲ့ 'ဗီလိန်' ဟူသည့်စာတန်းက သူ့ကိုဇာတ်လမ်းဇာတ်ကွက်တစ်ချို့အား တွေးတောမိသွားစေသည်။သူမက ရဲ့လင်းဝူနှင့် ရင်းနှီးဟန်ပေါ်သောကြောင့် သူငယ်ချင်းတွေ ဖြစ်နိုင်သည်။
ဘာကြောင့်ဗီလိန်တစ်ယောက်ဖြစ်လာရလဲဆိုတော့ သိပ်ပြီးခန့်မှန်းရမခက်ခဲပါချေ။ဒီရက်ပိုင်းအတွင်း သူ့ရဲ့ဖတ်ဖူးသည့်ဝတ္ထုပေါင်းများစွာထဲက ဇာတ်ကြောင်းအသွားအလာကိုကြည့်ရရင် သူမကအစပထမတွင် အဓိကဇာတ်လိုက်ဖြစ်သူ ရဲ့လင်းဝူကိုဒီအတိုင်း သာမန်သူငယ်ချင်းသံယောဇဥ်သာ ရှိနေအုံးပေလိမ့်မည်။
သို့ပေမယ့် အဓိကဇာတ်လိုက်၏ ရောင်ဝါကြောင့်ရဲ့လင်းဝူအနား၌မရေမတွက်နိုင်သည့် မိန်းမလှလေးတွေဝေ့ဝဲလာသောအခါတွင် မနာလိုစိတ်နဲ့အတူ ရဲ့လင်းဝူကိုမုန်းတီးရင်မုန်းတီးလာနိုင်သည်။ဒါမှမဟုတ် သူမသူ့ကိုတိတ်တခိုးချစ်နေမိမှန်းနားလည်လာနိုင်သည်။
ဘယ်လိုပဲဖြစ်ဖြစ်သူမက နောက်ဆုံး၌မနာလိုစိတ်နဲ့အတူ အမှားပေါင်းများစွာကျူးလွန်မိ၍ ရဲ့လင်းဝူနှင့်ခံစားချက်မသံကွဲသည့် အချစ်အမုန်းဆက်ဆံရေးဖြင့် ဆန့်ကျင်ဘက်ရန်သူတွေဖြစ်လာကြပေလိမ့်မည်။
ဘယ်လောက်တောင်ကောင်းလိုက်တဲ့ဇာတ်ညွှန်းလဲ။သိုင်းစာစဥ်တစ်ချို့၌ ဒီလိုမျိုး ဇာတ်လိုက်နှင့်ဗီလိန်အမျိုးသမီးတို့ရဲ့ မရေမရာဝေဝေဝါးဝါး ခံစားချက်တွေ၊အချစ်နဲ့အမုန်းရောနှောနေတဲ့ ဆက်ဆံရေးမျိုးတွေပါရှိကြသည်။
ရဲ့ချင်၏ခံစားချက်မဲ့သောမျက်ဝန်းနက်အတွင်း၌စိတ်ဝင်စားမှုလှိုင်းတစ်ချို့ဖြတ်ပြေးသွားသည်။
သူလုံးဝမသိခဲ့သည်က သူ့တွက်ချက်ခန့်မှန်းထားသည့်ဇာတ်ညွှန်းကောင်းလေးမှာ ဇာတ်ကောင်နှစ်ယောက်လုံး သူနှင့်စတင်တွေ့ဆုံပြီးတည်းက တစ်စစီပျက်ဆီးပျောက်ကွယ်သွားခြင်း ပင်။
YOU ARE READING
လူတိုင်းကငါ့ကိုသည်းသည်းလှုပ်နေကြတယ်
RomanceMC - ရဲ့ချင်(shou)'stronguke' ရဲ့ချင်ဟာဝတ္ထုတွေများစွာပေါင်းစုံထားသည့်ကမ္ဘာကြီးတစ်ခုဆီသို့ကူးပြောင်းလာခဲ့သည်။သူကသာမန်ကျောင်းသားဘဝလေးနဲ့ဇာတ်လိုက်တွေရဲ့အရှုပ်တော်ပုံသောင်းခြောက်ထောင်ကိုခပ်ဝေးဝေးနေ၍ဖြတ်သန်းရန်ဆုံးဖြတ်လိုက်ချိန်၌အရေးကြီးဇာတ်ကောင်တွေမြော...