خلف جُدران الأزِقة (مكتمله )

البارت الثاني

ـ خـلف جدران الأزقـة  ❥

ـ ࢪيــــام الساعدي …

ـ البـارت الثاني..🍂

خسرنا گلوبنا الما عرفت تعاشر
خلصنـه العمـر مـن باچر لـباچر
خلصناها تكضي .. الله كريم .. تهون
واحنا جروحنا شما كبرت نكابر 
وادمنه على طيبك تستغل البيك
ومن توگع لجلهم تنحسب خاسر💔🥀

«««♡♡♡»»»

حليمه :هـاي ڪله نوم دڪومي يا تنـمبل و وراج دوام
عيني  امي زمـن دڪعدي سـاعه عشره لا ألـــه ربع شوكت تلحكين تبدلين يااا الله ويامن احجي تره اعرفج دا اتسمعيــني
ومغلـسه خوش ضلي هيج صارت
اني اعرف شلون اكعدج صدك نسيت
اكول  بس غيد ماڪوو..

زمـن :  طفرت من مڪاني مرعوبه شنوو بيبي ويننه
اختي رڪضت لغرفه بابا دورت ماڪوو رحت بسرعه
طلعت بره شفت بس جدو ورجعت اسأل عليه..

حليـمه:  اسم الله شبيج انصرعتي يمه
اشاقه وياج  اخذهه ابوج
يلقحها بحي صدام هيج ساعتين ويجون يلا انتي هم
روحي غسلي وتعاي دا اريگج تأخرتي
بالنوم هالمره سماح يلا

زمــن:  جريت نفس ڪلشي ولا اختي صارت اعز
من روحي مستحيل اتخيل يومي بدونها رغم محد
مقصر وياهه بس اعتبره بنتي مااعرف شلون مجان
غسلت رحتله ڪالعاده تجبرني اشرب الحليب شرط
اساسي وتوڪف فوڪ راسي لحد مااخلص اڪل
يلا اتعوفني .. بيبي دنو مڪتبت واجبها البارحـه
غلست بس مره وحده بعد مرتين..

حليمه :  لا تخـافين عليها هاي نيص تدبر امورهـا
تعرف ابوج راح يفتش وراها راحت يم مهدي
تڪمله هناك..

زمن :جذب اڪص ايدي اذا هي تڪتبه ڪملت وراحت
جابت مشط سوتلي ضفيره بيبي عدها قاعده ثابته
وهي الضفر يطول الشعر ويحافظ عليه ميتڪسر
وتنصحنه باليل قبل لا انام هم لازم ينضفر شڪد
حاولت اغيب اليوم تحججت سويت نفسي نايمه
ماڪو مامشت عليه مااريد ادوام بهذا اليوم بالذات
بس شسوي.. باوعت خل اجرب احجي
وياهه بلكت تقتنع

:: بيبي خلي ابقى يم غيد انتي تعبانه موو

:: لا ماتعبانه ولا بيه شي بعدني بعز شبابي وڪل
حيل بيه وڪافي تفڪرين وتشيلن هـــم غيرج
بعدج اصغيره امي عيشي طفولتج احنه نتولى
مسؤليتجن وبعيوني اداريجن والله يڪتبلي عمر
وازفجن بيدي قبل لا ربج ياخذ منيتي..

اســــم الله عــليج كمت بستها انتي
امنا .. اڪثر وحده تعرفني وتقـراني
من عيوني اتنهـدت وصعدت فوگ السـطح حـــته
اشوف بابا من يوصل جان اڪو تخته قديمه خليته
جوه رجلي حته اعلى قبل جان اڪو چربايه حديد
نصعد عليها بس شالوهه..

صـار منظر المنطقه ڪله مڪشوف ڪدامي المدرسه
ڪبال بيتنا ما بينا بس شارع الدربونه  اول ما اصعد تصير ساحه المدرسه مالتنا
هنا نصطف ونرفع العلم ونخلصها لعب  وبصف المدرسه  اڪـــو
ساحـه فارغه جان ع اسـاس يبنون بيها بس نعـافت
وصاروا  جهال وشباب المنطقه يلعبون بيها طوبه بعدها ويجي بعدها الشـارع
وكدامه جـامع حجي عمران التصميم يجي ع شڪل مربع.. المنطقه يسموها المربع لأن
المدرسه والساحه صايرات بالنص
وداير مدايرهم بيوت بينهم شارع
واحد منطقتنا مو شعبيه ماعدا كم
بيت اغلبه كله شهايد عاليه حسب
ما بابا يكول كله دكتور فلان .. مهندس
معلم .. ضابط وهواي وظائف ..