خلف جُدران الأزِقة (مكتمله )

البارت السادس

خـلف جدران الأزقـة ❥

ـ ࢪيــــام الساعدي ..

البـارت السـادس ...

💔💔

ـ يـاريت لو بقيـنا صـغار وماڪبرنه اڪبر اهمومنا
انو يخلص اخر درس ونرجع للبيت شڪد جانت
فڪره الرجعـه دافيه بـعد يوم متعب من الدراسه
واللعب والجنطه الثگيله الي تهـد الحيل ونرتوي
بعد العطش بمجرد ماندخل ونشوف أهلنا ونشتم ريحـة الغدا ياريت ترجع بينا الايام من جان
همنا نحفظ درس الأملاء ونڪتب واجب القراءه
حته نتفرغ نباوع افلام الڪارتون وراهه فرصتنا
نلـعب العصريات بالشـارع ...

ـ چنه نحـلم
ـ چنه واحنه صغار ڪل عصريه نلتـم
ـ نلبس جـناح الڪواغـد
ـ نرڪص ويه الغيـم حـافين
ـ وعلينا الليــل يلتـم
ـ چنه شبـعانين وماندري الخبز ياهو اليجيبه
ـ صافي مثل المـــاي أملـنا
ـ وبطرگ لعـب الشـوارع...

زمــن : خليت ايدي ؏ گلبي اخذت نفس عميق وزفرته و رددت هاي العباره علمها اليه جدي
من يضيق عليه نفسي وتتراڪم عليه الافڪار
"اللهـم اصرف عني شتات العقل والتفڪير
وارزقني راحـة" ثلاث مرات اگولها..

بين الماضي واليوم تغيرت اشياء ڪثيره خلصت
بين مشاغل الحياه ومرور الأيام الي صارت تركض
بالأمس جنا جهال واليوم شبسرعه ڪبرنا..

ـ فرحه استلام النتائج طلعنا واحنه نردد اغنيـــــه
النجاح * وحياة قلبي وافراحه ...وهناه في مساه
وصباحه مالقيت فرحان بالدنيا قد الفرحان بنجاحه
والناجح يرفع ايدوو ... هيهههييييي.. اجينا نركض
للبيت حته نبشرهـم تلگانه جدي وبابا واڪفين
اتسابقنه منو توصل اول وحده وتحصل هديته

مختار: فدوه اروح للبنات عفيه برفعه رأسي..

ڪامل: ماخاب ضني بيجن ربي ينطيني عمر
واشوفجن بأعلى المراتب..

ـ طلعت بيبي وام حيدر اطشر الجڪليت فوگ
راسنه وتهوس " شلج بالولد بالماي ذبي بخت
الأبنيه الله يعلي " وحمودي وغيد مڪيفين
ويلمون العصر سوينه احتفاليه وخاله سحر
زينت الڪيك واحتفلنا وبهاي اللحظه ودعنا
مرحله الأبتدائيـــه خلصت الـ 12 سنه بحلوها
ومرها وبدت عطلتنا وراهم استلموا مهدي و
هيـثم الي دخلوه اهله مدرسه للمتميزين وصار
اغلب وقته مايجي من وصلنا سادس وبغلت اني
واختي بيبي حذرتنه انو بعد مانلعب وياهم لأن
همه صاروا ڪبار وفعلا ابتعدنا عنـهم نلتقي بس
بتجمعات عائليه لو عصريات بحضور اهلنا صاروا
رابع اعدادي بس صداقتهم باقيه..

زمــن: اني عليه المطبخ والمواعين وانتي الغرف
والهول وشيلي الفراش ورتبي النضده زين..