خلف جُدران الأزِقة (مكتمله )

البارت التاسع

ـ خـلف جدران الأزقـة 

ـ ࢪيــــام الساعدي

ـ البـارت التاسع …

ـ َ

شفت عصفور ميت كل جرح مابي..🍂

          كلت هاذ المنية شلون واصلتة..؟؟!!

رفعت راسي وشفت بل شجرة عش محروك..🍂

           كلت هاذ السبب والحركة كاتلتة..!!

لـ سمير صبيح 💔

««🌾🌾🌾««

حوبة الابيض گلب تِحرك خَضار ايامهم 💔

* فــــلاش بــــاگ قبـل شـهر *

ـ  ضربتين ؏ الرأس توجع * … بـيوم أرق صار عندي للصبح مگدرت انام اڪره الشـتاء فصل
حيل ڪئيب صوت الرعد هو يفززني من عزلتي
خنگه وضيقه نفـس بدون سبب ضليت ؏ هذا
الحال لحد ما سمعت صوت الأذان گمت فتحت
البرده واني اشوف رذات المـطر غمضت عيوني
وفتحتها رحت للباب ظلمه وتخوف رجعت
لفراشي لأول مره اتڪاسل اصلي … فزيت
لگيته بالسـبعه ضبط يااا راح نتأخر ولججج
دنو گومي بين مااگعدها لغيد يلا راح نتأخر
وناخذ رزاله معدله من ست خمائل..

دنيــا * الله ياخذ الدوام والي اختر؏ الدوام
لابو السوه دوام وياهم خمائل ام اربع عيون
هسه اڪو واحد يسوي الدوام بالشتاء الواحد
گوه يشلع روحه من البطانيه علمود يروح
يگابل الخلق الي تسد النفس تماره الحوله
لو اديان ام بابي ومامي وفوگ ڪل هذا
الضيم تجيج ست حنان ام الرياضيات
تسطرك بستين مثال ؏ ريگ ديلا بلا هاي
حاله هو اني گوه اقنع نفسي صار الصبح
ويرادلي ساعه حته استوعب وصفنه الصبح
بعدهه مرايحه ومزاجي مضروب اوتي اي
مستعده اڪتل اي واحد لو گلي شلونج
والله جاي نشوف وجوه حرام الواحد يگلهم
صباح الخير تنڪر مغثه والله جاي انداوم
جفيان شر لا اڪثر

زمن:  ديلا ڪافي حفظناهه لهاي الديباجه ڪل
يوم انتي مشڪلتج ويه الدروس والتحضيرات
والأمتحانات بس مال الج خلگ بس تطلعيـــن
عروس هاي لا استاذيه بيه انتي شنو قدوتج
بالحياة..

ـ شايفه هاي الحمامه الي تعبر الشارع مشي
ومابيه حيل تطير هاي قدوتي بالحياة..

ـ الشهادة سلاح المرأه يا ڪسوله

ـ ؏ الأقل ڪسوله ومرتبه المفروض بالدوام ينطونه
درجات ؏ الڪشخه وخفه الدم همين  ادري المرأه مالگت سلاح الها غير الشهاده شبي الچفچير هم
تگلب بيه وخوش يضرب انوب تعاي اقري عدنه
امتحانات فُصليه !

ـ فُصـــلية شنو

ـ اي مزوجيهه المواد غصب يلا عود اذا
منجاوب اعوضهه بالفصل الثاني خابصينه
شهادة شهادة شبيهه شهادة الأسلام ؏
تفيدنه ويه منڪر ونڪير..