خلف جُدران الأزِقة (مكتمله )

البـارت الـ 16

خلف جدران الأزقــــــة

ـ ريـــام السـاعدي

ـ البـارت الـ 16

💔💔💔

عتب بسيط.. اني بعدني ڪاتبه جديده
وهاي اول بداياتي القصه حقيقيه
واحداثها واقعيه وابطالها مو خارقين
موجودين بكل بيت عراقي وحته اسمائهم
معظمها حقيقيه ومطروقه وسبق ان قلت
الڪم هاي مجرد احداث بسيطه من
القصه نشرتها بالبارتات الأولى شوي شوي
راح أدخل بالأحداث الڪبيره الي بسسبها
اختاريت اڪتبها اتمنى منڪم تقدرون
تعبي وتفرحوني بتصويتكم وتعليقاتكم
المشاهدات تخدمي حته تصعد بس التفاعل
اله دور...

الڪاتب من يڪتب بيت شعر مستحيل
يختاره هباء لأن اله علاقه بالبارت
ويجوز هو مختصر عن ڪلام هواي

💔💔💔

ـ خذوك بلا تعب جنك ورث ميتين

هيـفاء :

اباوعلهه شـلون جمدت بمڪانها لـ ثوانـي
بعدهـا أنفجعت وهي تصرخ من ڪل گلبها وترجع
بصوت عالي تڪول بلاا شلووون عيدي ماسمعت
تبقين يم أمج.. سمعت صح أمج موو... هاي يا ام
بس لا هاي الي عافتنه من احنه صغار وراحت
تدور راحتها ولج يااا ام فهميني بحياتها سـالت
عليج ڪالت شأڪلت شربت شلون نامت يووم
تمرضتي اجتي دارتج ساعه الي بجيتي اجتي
احتضنتج وڪفت وياج بشدتج بفرحج لججج
يااا ام لخاطر الأسـلام حرام انطق عليها إم
لج هاي متشووف جنه بحياته ولا تڪون تحت
رجلها تخبلتييي..

ـ خلت الڪل يبجي ومصدوم من شفناهه شلوون
گلبها احترڪ وهي تبجي لأول مره نشوف زمـن
هيج منهاره وضعيفه گبالهه طول عمرنا نسـميهه
المࢪأه الحديديه لأن تثبت صلابتها بڪل المواقف
بس هذا الموقف ڪل حصنها انهارت جثت ؏
رڪبتها وهي تضرب ؏ افخاذها وتصيح اخذتها
مني كسرتني بأختي..

ـ دخلت بيبي حلـيمه شـافته بهذا الموقف وعرفت
السبب ردت فعلها جانت غربية بحيث انطت امر
بحزم .. زمن گومي رجعي للبيت تغدي..

ـ صدمتنا ڪلهه وهاي تنحب وتصيح ياغده اخذتها
مني شلوون بحالي هسه اروح اجيبهه.. امي تبجي
وحيدر وابويه صافنين ويحاولون يهدوها صاحت
مهدي وينك تعال..

طلع هو ينشف وجهه بالخاولي وعيونه حمر گامت
لزمت ايده وڪالت رجعهه وياي هسه امشي نروح
نجيبه سحل شنو بڪيفهه والله يا الله عود صايره
مره براسي وڪبرت شحدها غير اموتها امشي انت
تقنعها هي تحبك نجيبله ملابس ومكياج وننطيهه
فلوس هسة تجي رڪض اختي واعرفه موو انتوو
تعرفوهه خاله بجدر دولمه منج ترضى..