خلف جُدران الأزِقة (مكتمله )

البارت الـ 18

خلف جدران الأزقــــــة

ريام الساعـــــدي

البـارت الـ 18..

💔💔💔

هَلي والدنيا والصحبآن ..

أنه أتحَمل شچم دوب !

»»««

ـ شبيج ولج اتخبلتي انتي الثانيه..

هيـفاء : يمه ولي يرحم والديج حلي عن دنياي
تره باقيلي خيط شايفه هذا الخيط بس ينگطع
بالقران هسه احرگ البيت ولي بيه لو بأتصال
واحد اجمعلج امه محمد من الصفحتين عاد
خالاتي يدورنهه أدوراه واگول وينڪم تعالوا
شوفوا امي جاي تسوي زفه عرس للأبنيه الجان
ابنها يحبها والله لا اوگف وياهم واسويلڪم عزا
واخلي طلعتج الخيره هاي بحلگ العالم واريد
واحد منڪم يعترض هو حيدر ينلام بيڪم
من يگول اتخبلتوا..

... لج يا طايححة الحظ اظاهر ماعرف اربيڪم
ڪبرتوا وطالت لساناتڪم اياا ماتسحتون غير
جارتي وعزت عليه شلون مااوگف والجار للجار
عشرة عمر اثنينه مڪسورات هي بخجلها وعار
حفيدتها واني بوجع أبني عيب ارد المره بعد
ما نختني وطلبتني..

ـ يمه الجيران بيناتهم واجبات تروحيله بعرس
بفاتحة بفرح توگفيلهم بمصيبه تساعديهم
بشغلة معينه الجيران تطلب بصل طماطه.. واذا
ڪلش غاز نفط بس مال تجي تگول خلي عرس
بت بتي يطلع من بيتڪم الي ابنڪم جان يحبها
وڪسرت گلبه هاي ڪلشش واگفه ماڪو ماكوو
مصايره ولا راح تصير هيج سوالف تهيج شڪد
حقد وتوصل للثارات وراهه مصايب وبلاوي و
گطع لسنين خووش افلام هنديه گح*** عليمن
يطلعن العرج دساس ڪلاوات البيبي تجي تتمسڪن
؏ اساس مجبوره والأخت الجبيره تسوي روحهه
مراضيه وتشيل ايدها ومتبريه منها عوود تعالوا
شوفونا خيرات ومنقبل ؏ كسرة ابنڪم تمثيل
شوف شعدهن جاي يردن اعتبار لنفسهن وبرأس
منو برأس الزواجيه بيت ابو حيدر وامي دووم
داگة صدرها حته لو ؏ حساب ابنها يلا يطبنا
مررض اهم شي بنات مديحه البرابيـ***گ

ـ صايره تغلطين ولسانج زفرر يا ماتستحين هيج
علمناج عود ذني صديقاتج..

ـ خ***ة بصحبتهم بذرة خايسه مثل امهم
تلام المنطقه من يحجون عليهم من جوه لجوه
وحده تعبد الفلوس عباده والثانيه مسويه روحه
عود عدها عزة نفس ومڪيفه الولد ترڪض
وراهه عود شوفوني مؤدبه وثگيله وماانطي مجال
وهنه بس الله يعلم شعدهن من دروب بس ڪالوهه
حظ العواهر جواهر مدري ليش ڪاتلين روحهم
عليهه ڪل واحد يسواهن ويسوهه راسهم اخوويه
اعمى جان همزين مااتورطنا بيهم بلڪت هيثم
يحس ؏ روحه قبل لا تطلع زمن ؏ حقيقته