خلف جُدران الأزِقة (مكتمله )

45

. خلف جدران الأزفة

. ريام الساعدي

. البارت ال 45

🦋

.#يگول
حبـنـي كـل حيـلك "واحـبـك"

   فـوگ حـيلي بـحيـل أبوي

#يخايب
أريدَن مثلك ولاَيةهَ ،                     
تلمنيّ شماَ ضعت بيهآ

  #

🦋🌺 ....

:: وفرح كلبي يوم الدكن اطبوله ..

::وتعاي تباركي يامن تحبين وخضر
عوده اليابس من اسنين ..

:: امشن نتبارك لأبن طيبات افعاله

:: مهداوي رايد رايته وعايف بنات
اولايته ..

هيفاء : هلا هلا ابن اختجن يعرس
رد كل الحيل بيحن بس بعرسي
مفاصلجن هايجه يمه منجن
بنات ابو سعد هاا يمه ضحكتج
من الاذان للاذان عيش ابخت
موت ابخت مكرود يل مالك
بخت امده حظي اي والله مو
زفه تكول فصليه رايحه ..

سحر : دسكتي الي يسمعج صوت
كلبج واصل للشارع ليش اتخلينا
نحجي ام دروب ..

ام نصر : ع اعناد عماته لعبن لعب
خالاته

هيفاء : هلاااا صار تحدي خل اطب
بنص وسعن الميدان خل اشوفجن
الهوسات ع اصولها جا وحد

:: اريد ادبج دبج واكسر الكاشيه
والله وياك يفراش العزوبيه والله
وياك يفراش العزوبيه وانه اخت
الولد موش اخت الأبنيه وعلى
دك الطبل خفن يرجليه واخونه
خوش اخو يستاهل الهوسه
كلوووويشششش  .. أني صاعده
اله فوك اشوف وين صار حته
العروس ما اتاخرت مثلك ..

: هاا عريسنا شلونها المعنويات

مهدي : كلبي صار يدك دف

:: هاا اعترف انو اني الي ايد لولايه
جان ضليت معاند وراكب راسك ..

:: كلاواتج عبريهن ع خالتج ام صادق
هي قسمه ونصيب اذا راد ننجمع بكل
سهوله او يخلينا كدام اختبارات يشوف
قدرتنا وكل واحد يحاسب نفسه ع
اخطائة

::  بس انت ما غلطت

:: ولا هي كلمن اختار طريق شافه
مناسب اله وسدي الموضوع رحمه
لأبيج مو هرمونانج طاكه جاي تطلعيهن
براسي عريس عوفيني متونس شيبت
وطاطكني تصحر للنخاع

:: جان ازوجت غيرها

:: خاب ماتولين  من راسي انتي ياهو
الدازج عليه عمي خابري خل ياخذج
شني هاي تدورين بال****

:: هههههه والنبي الا اخابره .. الووو
زوجي تعال شوف صاحبك ضوجني ..

هيثم: وجهه الجوبلس شكو تضوج
مرتي ..