ـ خلف جدران الأزقــــــة
ـ ريام السـاعدي …
ـ البارت الـ 22
💔
مهــدي …
صوت موال اخذتني رجليه اله بحـة جنوبيـه
رهيبه سحرتني تقربت مسافه عليه لگيته
منتجي وجگارته بيده گعدت ورثتلي وحده
شافني ضحك بحزن جرره أه وحسره طويله
وگال بصووت عذيبي يهيج الروح..
طبيبي مـا تجـس نبضي شِـمالاي
وغـدت يـمناي ما توصل شـمالي
أنه الجـنت أعذيبي أشـمالـــني
صرت شـرجي و ؏ الوادم أذيه.. يـاااااابه يـااابويه
ـ حسيت بهـيثم گعد بصفي واخذ مني جگاره
ورثها ضحڪت هاا.. طبطب ؏ ظهري بمعنى
لا تحجي گلوبنا ورثت مثل جمره الجگاره
الدرب الجابك هنا جابني رجعت التفت للولد
جان صافن سمع ڪلامنا گتله خوويه ڪمل
وياك گلوب ملچومه طلع أصابعه واشر برقم
ثلاثه ضحڪنا ؏ حالنه صحت أظاهر ما
مڪتوب النا الفرح شگول أبو الشباب..
يلا جاوب.. قهقه ودندددن وراهه سحرنا
بصوته العذيبي ياااابه
ـ تگلي أفرح أشـلون وانه المفطوم ؏ دمعه
تگلي اضحك وانه مجـرح وضاگت دنيتي الوسعه
بزماني الفرح ودعته مر مثل سڪته ولو راح
الحـلم من العيـن شيرجعه..
ـ انه السـامع سـمع بالعيـد مايوم لبست ثـوبه
ـ يـا فـࢪحـة العيــد …
وين أخذتني الأغنيـه لهذاك اليوم يوم الشـفته
بيه أول مره … عيد الفطر لبست الدشداشه
الي خيطته أمي اليه اخذت من دهن المسك
؏ طرف ايدي و رگبتي ولفيت السبحه اقلد
ابويه وحيدر ؏ اساس أني جبير صبحت ؏
أمي وعايدته طلعنا صادفنا جيرانه أبو فاضل
وياه حفيداته بنات بته دنيا و زمن لابسات
نفنوف برتقالي وبيه نقاط بيض خياط امي
عرفته وظافرات الڪصايب مافرقت بينهم
لأن يتشابهن حيل دخت من شفتهن ابويه
شال فلوس وحده مقبلت والثانيه فتحت ايدها
وراحت لحيدر واخذت منه واجتي يمي صاحت
عيديه بوقتها مشايل بس عيديتي انطيته الها
بلا وجع گلب … تمشينا للجامع نصلي هي طارت
گدامنه تكمزز وتتمايل بگصايبها وتغني غلط..
اليوم عيد ونعيد نحرگ بيت ابو اسعيد … ترجع
تلتفت وترجع تسأل هوو منو ابو اسعيد وليش
نذبح دجاجتنه خطيه خل يولي امداه..
ـ من هذا اليوم حسيت بطعم ثاني للعيد وسميتها
فرحة العيد …
ـ سبقتنا ترڪض للجامع جدها طاير بسوالفها
ومن جاي نصلي توگف گدامنا تسوي حرڪات
تنفخ بحلگها وتفتح عيونها وتركص بحواجبها
الڪل لازم ضحڪته بس اني مگدرت اتحمل
طگيته بضحڪه ابويه وقتها رزلني ومن هاي
اللحظه ارتبطت حياتي بيها اتحملت مسؤؤليه
وڪاحتها مهدي دير بالك ؏ دنيا.. اشتريلها
اخذها وياك تلعب.. لا توگع لا تنجرح اسمها
يتڪرر ابيتنا تجي من الصبح للمغرب يلا
تروح صارت جزء منا ڪبرت وڪبرت وياهه
شارڪتها طفولتها لعبت العابها درست وياهه
سويت المصايب وياهه بس..
YOU ARE READING
خلف جُدران الأزِقة (مكتمله )
Poetryقصــــــة عـــــــ🇮🇶ࢪاقيـة لقد كُنا ثلاث أخوات في المنزل وكان الأمر مثل حفلة دائمة" لڪـــــن، #الغدر طبع البشر ....و الخيانة تكون خنجرا عندما تأتيك من اقرب الناس أليـك #ندمنا كثيرا لاننا وثقنا في أناس كنا نظن ان قلوبهم تشبه قلوبنا ..... #لا تعط...
