خلف جُدران الأزِقة (مكتمله )

41

. خلف جدران الأزقة

. ريام الساعدي

. البارت ال 41

🦋

. ‏شطـين ياخذنه الندم و نظل عطاشه أبابـكم
جبنة الـفرات بـ هيبته و ما طفة حر صـوابكم

جا ليش خاويـتوا الجّـفه
و اگلوبنه محمله وفه

لافض جرحنـّه ، ولا شـّفه
ولا بخت عدنه وجابـكم ..

ل ناصر البدري. .........# 🌸

🦋🦋

زمن : يعني كثره جيات رسل الج
وبينت انو هي تحب علي ومستعده
تسويله مستقبل وتغير حياته بأكملها
وانتي شفتي نفسج متكدرين تنطينه
اي شي وحته يصير اب لهذا اتنازلتني
عن الولد وانطيته الها ع طبق من ذهب
بسهوله .

غيد : اييي

زمن : مقتنعه بقرارج

:: ايي

:: جذب لا مقتنعه ولا راضيه جاي
توهمين نفسج كل هاي السنوات
اتعذبتي ودستي ع كلبج اختي
واعرفج اكلتي روحج اكل حته
تبينين العكس واني متأكده
انو قراراج راح اتعضين اصابيعج
ندم واحد مثل علي ما تلكين منه
ابد

دنيا : امداج يلغبرة مابيج خير مو
مو وجهه نعمه لج الزين بهايالأيام
الواحد يحتاج ملقط حته يلكي
هيج يطلعه من كومه قش واحد
مثل علي ابن اصول لازم تخلي
بقائمه الرزق

شهم اخلاقه عاليه طيب النفس
معطاء صادق وصبور ويحبج صارلج سند اهل وكفات وأفعال كل هاي الصفات نادرا  ماتلكيها عد احد الله يحبج وانطاج واحد مثله منو محصل اني وصلت لقناعة تامه قبل لا تدعي
ربك يرزقك بالمال بداله ادعي يخلي ابن الحلال وأصل بطريقج   .. المال يروح
يبقى الأصل سند

زمن : ماتدعين لنفسج هاي الدنيا
غروب وابواب السما مفتوحه وهم
مو بعيد بصفج شمره عصااا

دنيا : ومحمد مااخليها بنفسج
كاايمه ولج حوويره شحااطتي
هي لوو من عاهر لو طاهر ..

زمن : ما شاءالله ماعرفناج ساعة
تبجين وساعه تضحكين شنو
السالفه

دنيا : اصلل جرررحي بيتلم بسررعااا
بصوت غادة عبد الرازق .. اساساً
جنت دوم قوويه

غيد : عفتهم ورحت خابرت سوزان
حته اعرف وينه وليش رسل اجتي
اول مردت سألت .. علي وين ؟

سوزان : شنو وين شبيج حلمانه
مو قبل شويه جنت اخابرج وكتلج
زين

:: سوزااااان

:: وجعت امي طرشتي اذني يولوو
شبيج تخبتلتي

:: خوش تدرين منو اجتني هسه