خلف جُدران الأزِقة (مكتمله )

البـارت الـ 15

ـ خلف جدران الأزقــــــة ...

ـ ريــام الســـاعدي

ـ البـــارت الـ 15

💔💔💔

ـ اللّهُم إن نسألك حُسن الصّيام وحُسن الخِتام ولا تجعلنا يا اللّه من الخاسِرين والغافِلين في رَمضان اللّهُم اجعلنا من الذين تدركُهم الرّحمة ثُم المَغفرة ثُم العَتق من النّار، رمضان كَريم عليكمَ

🌾

ـ شجآني وأمنت وتأملت كل خير
وشبسرعه الفرح بين على عيوني
سلمتك مشآعر مال عشر سنين
و ولاحسبت لحظه يخيبن ضنوني
ومالومك عفتني معاشرك يومين
آني العآشرتهم عُـمر عافوني.

💔💔💔

مهـدي: يا هلا بفـرحـة العيـد

دنيـا : هههههههه بس العيد راح يمعود صح
النوم..

ـ يجي عيد خلق الله ويروح ويه الأيام بس انا
عيد گلبي حاضر بڪل ايامة

ـ هههههه هاي شنو انت اليوم هنه بس عيدين
بالسنه سويتهن يوميه

ـ وأنتي ثـالثهن..

ـ بلعت ريگي عرفت وعرفت لوين يريد يوصل
بڪلامه تمشيت صعدت وياه وهو انطلق يغني
بأغنيته المفضله الي دوم يسمعه اليه..

ـ جيران نزلوا بالطرف يا يمه أحبـهم
شوفي أجو من يا ڪتر شنهو نسبهم
يا يمه أنه أهـواهـم واتمنى أعيش وياهم
گلبي طلبـهم يـايمه أحبـهم

ـ حسيت نفسي حيل حقيره شلون راح اگلـه
وبيا طريقه أفهمه شنو ردة فعله من يدري..

ـ عيني جانت ؏ طريق ورجعت بذاڪرتي لمن
رحت أسوي الأنسيابيه يمها وڪتها گالت انتي
من ڪل عقلج تڪملين ڪليه يمهم؟ راح تنحرمين
من هواي اشياء ذاك البيت يحطمج مجرد وجودج
هناك راح يمحي وجودج بإي مڪان تعالي يمي
وشوفي حياتج شلون راح تتـغير وحته خواتج
حاولي تقنعيـهم يجون جاوبتها مستحيل وزمن
متوافق