خلف جُدران الأزِقة (مكتمله )

البارت الخامس

خـلف جدران الأزقـة ♤

ـ ࢪيــــام الساعدي ♡

البـارت الخامس ...

- أحن واتذكر الـسويتة وياية
ما خلاني ليلة اغفة .
- و چي اكثر مكان الحاچي بيه وياك
گمت اكرهها للغرفة .
- وما مستوعبها هالحالة !
بسهولة تعوف هيج انسان
چنت انت الوحيد العايش ببالة
وبس انت الوحيد الچنت تتحكم بحالة .
- ما حنيت ؟ شلون أيامي تنساهن !
عيونك من يمرهن خوف مو چنت ابچي وياهن ؟
التفاصيل العشتها وياك ، صعب يم غيرك الگاهن .
ومن سألوني على ايامنا الحلوات ، گلت الله على سنينك
وترة لمن رحت مجبور ماردت اصغر بعينك

- عزيز محمد

💔💔

_  لــج عوفي الطفله تخبلتي راح تموتيهه ڪسر
بأيدج انشاء الله مخلتيهه مديحه عووفيهاااا
ڪطعتي شعرها ولك هيثم جرها من ايدها
بعد مااڪدر فحطتني من غضب الله عليج
عساج لا تهنيتي ولا شفتي راحه هديههه
ماتت الابنيه من صخم الله وجهج..

مديحه ـ جسره اتفل عليه اذا ماربيتج وطلعتلج
گلب ثاني ادبسزز تتجاوزين صلفه ومن انطوج
خبز ماانطوج تربيه بس صوج منوو اخخ..

زمن:  هجمت عليه لفت شعري بيدها بقوه بحيث
شلعته من جذوره وايدها الثانيه ضربتني راشديات
دخت حته ماعرفت شڪم واحد بالدقيقه انضربت
هيثم وبيبي ماگدروا يخلصوني منهم لحد ما حسيت
احد جرني منها واجاني صوته وهو يگول

عـلاء:  صدگ جذب جيس ملاڪمه انهديتي بالطفله
وگعتليها ضرب مو خطيه..

ـ صير ؏ صفحه ولتدخل اني وبنتي واعرف شلون
أأدبها  لطايحه الحظ

ـ ايبـاااه وعلساس من تنضرب راح تتأدب بربج
عود انتي الواعيه المثقفه جا شخليتي للهمجيه
يا مررت خالي العزيز امشي طبوا جوه عيـــب
منا العالم شتگول طلعتوا اصواتنه فوتي اهلج
وتفاهمي وياهم تره اذا وصل خبر لأمي انتي
توگعين بيه..

ـ شنوو جاي تهددني بأمك؟ گاعدين ابيتي وخاف
عبالك خالك ميدري عيني ڪلشي يعرف عني
لا انت ولا غير يخوفني..

ـ هـا صار بيهه معاير اي ليش لا هسه طـالع اعتذر
منج مااجيت بس لأن مااگدر اعوف امي وحدها
متعود عليهه ووفوگ جزاتها جتي تداريج نوب
طلعنه مو خوش بس اڪلج ڪلمه اخيره لڪل
فعل رد فعل بنتج ماتجاوزت الا شافت شي غلط
هاي نتائج افعالج انعڪست عليج..

ـ دطيرر بيت ابو امسطيره بس تسطرون حجي
وين مااروح يطلعولي عطلات بوجهي واشبع
حجي لو بيك خير ما انت وامك نايمين برأس
خالك وتسلتون منه فلوس عايشن بخيره بس
هسه اتحلمون اخليڪم تاخذون فلس واحد
ورجلڪم اگطعها  ..